Filiipi 2:20 - Ma Jou ai Demo-demo o Totobelohoka

²⁰ Duru o nyawa moioo de ko iwa abe yomatoteroino de o Timotiusu, abe una de ngohi duru mia hininga ka moi dika, de una duru winingano-nganono ngini.

Filiipi 2:20 ပူးပေါင်းရင်းမြစ်များ

Sosawaro 31:29

Abe ami rokata ai higiriiri ma demo munangika wato, “Naga o ngo-ngofeka manga ngoe abe onangoo manga hininga ma rahai, masara ngona naa natilakuroka ona mata-mataika!”

Yohanese 10:13

O nauru gea ka woara de ma domba wodogunoaika angamoi iwihewa dika de ma domba gea ko wodoraua.”

Yohanese 12:6

Masara o Yudasa ai demo gea ko mangaleua o huha ma nyawa wahininga, ma, woboi o tiwi mangale una wotobatohi-tohiki ho hiadono wotemo hokogea. De angamoi o Yesusu iwitobaniiki manga tiwi yagogono unangoka de ma dihirainohi de ma moi ma moi womadohiki manga doomu ma tiwino gea.

Roma 15:5

De Ma Jouoka dika imanoa o dongohono ma titi de o higaro ma titi. De Unangika gea tinigahoko ma titi moioli, la ngini mata-mata ahao ka nimaketehiningamoi dika angamoi o hininga gea duru itaana de o Yesusu Kristusu ai mau ngoneino.

1 Korintusu 16:10

De nako ma oraha o Timotiusu womahiadono nginino, ngohi tinihibehehongo la ngini niwiao irahai la ufa hiadono naga ma titi nginioka de una ai hawana ipuda. Angamoi unangoo wagorakoka Ma Jou ai karajaanga abe imaketero hoka ngohioli tokarajaanga.

Filiipi 2:2

Ho mangale mata-mata gea igoungu naga nia kokiwowangoka, ho naa ahi behehongo de duru togahoko nianiiki la ka idadi ngohi naa tinidogarago idogoli ka hiadono ahi garago duru ihingodumoka ma titi ngini. De tinihibehehongo hokonaa. Kiani ngini duru nimaketerimoi, abe nimakodora de nimaketehiningamoi. De abe nia kokihiningaka ma dumutu, duru ka moi dika.

Filiipi 2:22

Masara naa o Timotiusu, una gea ngini niwihiorikoka abe ai hininga Ma Jouika womahitaanoka ma titi una de ngohi mimakutuono miahingahu-ngahu o Abari ma Rorahai o nyawaika, de una ka ihikaika naga ahi datekoka wohiduhunu, abe imaketero hoka o ngofaka abe woigo ai baba widuhunu la wihisanangi.

Kolose 4:11

De o Yesusu abe iwiaho-ahoko o Yustusu, unangoo ai dora wohidingoto nginika. Ho ona yaruange naa, ngaro ahi gogianongoru ko manga ngoe o Yahudi ma nyawaino, masara ka ona yaruange dika naa abe ihiduhunu ngohi ma titi ahi karajaanga. Abe ma titi ona de ngohi mimakuduhunu la ngone hodogo-dogo abe Ma Jou wonahikoano nanga wowangoka. Ho ona yaruange gea duru ihilaru ngohino.

1 Timotiusu 4:6

Ahi ngofaka, nako ahi dodotoko o huratoka naa ngona nadotoko nanga gogianongoruika la hiadono ona yangaku genangika, gea nomahitaana nodadioka o nyawa abe nileleani irahai o Yesusu Kristusika. De naa moioli tonihigaro tato kiani nogila-gila ani hininga nomahitoofo de o ngongaku ma dodotoko ma rorahai gea, abe hoka nengokadauino ka ihikaika naniiki de nomahitoofo genangino.

2 Timotiusu 1:5

De naa duru totarimakase Unangika angamoi tomahohininga ma titi ani ngongaku iahumu Unangika. De ani ngongaku gea ka imakadaene dika abe hoka ma dodihiraka to ngona ngoni be o ngo Lois ami ngongaku de ngoni memeoo o ngo Yunike ami ngongaku, abe onangoo duru iwingaku nanga Baluhika. De hiadono ma oraha naa naga duru tonganono abe ani ngongaku naga imanoa ngonaka imaketero hoka ma dihira imanoa onangokaoo, de gea ma titi ho duru totarimakase Unangiye ma titi ngona.

2 Timotiusu 3:10

Masara ngona o Timotiusu, ngona de ona gea abe o rerehene ma dodotoko yotobadotoko, gea ngona de ona duru nimakohowono. Masara nako ngona de ngohi, gea ngone hatoli homaketero nanga hininga. Angamoi ka nengokadauinohi de ngona duru nohihioriki to ngohi ahi hininga de ahi dodotoko. De gea ahi hininga ma dumutu de ahi wowango ma datoro, de ahi ngongaku Ma Jouika, de ahi hininga ma mobole de ahi dora o nyawaika, gea ahi hininga ma dola mata-mata duru nohihioriki ngohi angamoi ma dodihirainohi de ngone duru homahikoriki. De gea ngaro nengokadau abe ma oraha o nyawa ihihikangela ngohino, ma gea nohihioriki abe ngohi tomatongohono de ka tohidagiohi ahi karajaanga Ma Jouoka de aino.

1 Samuele 18:1

O Goliata gea witomaka de ahao o Dautu de ai koano o Saulu yomakoketemo. De ona yomakoketemo ibooto de ahao o Dautu yomakamake de o Saulu ai ngofaka o Yonatana de o Yonatana duru ai hininga adaene o Dautika hiadono ona yomaketedodiawo duru irahai abe manga gogao ihititi o dora ma gou-goungino.

1 Samuele 18:3

De o Yonatana widora o Dautika imaketero hoka to una ma hirete ai roehe wodora ho una woigo la ona yahinooto yomahiketehibehehongo abe duru ko iwa moi abe o nyawa yakunu ihirusaka manga gogao ma rorahai gea.