Filiipi 1:17 - Ma Jou ai Demo-demo o Totobelohoka

¹⁷ Masara ona utu gea abe yahingahu-ngahu masara ko mangaleua ma titi de manga hininga ma rorahai, ona ato yomahikurutiye angamoi yomatemo ato, “Nako o nyawa inahikurutiye, gea imaketero hoka o Paulusu hihitipokouku de hiadono ai kangela ma goronaka naa de ai hiningaka hihitubuho.”

Filiipi 1:17 ပူးပေါင်းရင်းမြစ်များ

Lukasa 21:14

De abe initaokoka de inihidoakika o nyawaika, gea ngaro ufa nihawana de nimatemo niato, ‘Adoo, ka o kia de ahao totemo onangika?’

Hidingoto 22:1

De o Paulusu watemo yowoe-woeika wato, “Ahi gogianongoru de ahi balu-baluhu, naa ngohi tomagahoko la ngini nitotoihene ahi demoino angamoi naa tomademo nginika.”

Hidingoto 26:1

De ma koano o Agaripa witemo o Paulusika wato, “Naa tonihidoaka ma oraha la ngona ka idadi nomademo.” De o Paulusu wohidoakiye ai giama de womademo wato,

Hidingoto 26:24

De o Paulusu ka wotemo-temohi ai gogiriaka de ka itodokanino de ma gubernuuru o Fetusu waamo-amokiye wato, “Paulusu, ngona naa initogohangoka! Abe bote ngona nomadotokoholi ho hiadono duru initogohangoka naa!”

Filiipi 1:18

Masara gea ko adodoaua. Tanu gea ko kia-kiaua ngohino, de ka idadiohi togarago, angamoi ngaro yahingahu-ngahu de manga hininga ma rorahai eko koua, ma, iti yahingahu-ngahu o Kristusu ai ade-ade. Ho ngaro hokokia dika o Abari ma Rorahai itagi, ma, ka idadiohi ngohi togarago. De ahi garago gea ko itoa-toakua,

Filiipi 1:7

Ngini naa duru de ahi dora tiningano-nganono, gea ho itiai ahi hininga itagi nginika hokogea. De gea tinidora angamoi ngini mata-mata nihidununoka ahi karajaanga ma goronaka naa abe Ma Jou wohihiowa de wohihitagongino. De abe ma titi ahi karajaanga, gea ena duru ma titi hiadono ihibuika nenangoka, angamoi o nyawa utu yatae o Abari ma Rorahaiika ato ko igoungua. Ho ngaro ngohi o bui ma tauoka dika togogere eko ngaro ahao ma oraha ihiurusu o nyawa manga himangoka abe kiani o Abari ma Rorahai toodemo de tahitararono ma titi onangika, ma, ngini duru ma ngoe nihiduhunoka ngohi naa.

Filiipi 2:3

De ufa nitaleana de ufa o sade inihihira la hiadono nimagorakiye, masara koaho nimahitipokouku la nako o nyawa utu de ngini ma hirete, ma ka onangohi niahayanga.

1 Timotiusu 2:7

De mangale ma titi Ma Jou ai mau gea hiadono Una wohihitagongo ngohi la ai Abari ma Rorahai toiki tatobahingahu-ngahu onangika abe ko o Yahudi ma nyawaua. De gea ena totemoka duru tagou-goungu de ko toelukua! Ho gea wohihitagongino ngohino la wato o Abari ma Rorahai gea de nanga ngongaku ma dodotoko ma gou-goungu ngohi tahingahu-ngahu o nyawa mata-mataika. Ho ahi ngofaka, duru tonihigaro la ngini mata-mata genangoka nimaniata de o nyawa mata-mataika niagahoko Ma Jouiye.

2 Timotiusu 2:9

De mangale ma titi o Abari ma Rorahai gea tohingahu-ngahu ho gea hiadono ahi kangela naga o bui ma tau ma goronaka naa, ka hiadono ihihidapakitoka de o rante abe hoka o nyawa ma dorou yodiai. Masara ngaro ngohi naa ihipakitino nenangoka masara Ma Jou ai Demo-demo gea duru ko ihihidotapakitua masara ka itagi-tagiohi o nyawa manga ngoe-ngoeika.

2 Timotiusu 4:16

De naa ma duruika abe ma oraha yotobauru-urusu manga himangoka de tomademo, de gea ahi gogianongoru duru moioo de ko yoboaua la ihiduhunu de ihidemo yotobauru-urusika, masara ona mata-mata gea ko yoboaua ho kiani ngohi tomatengo dika tomademo ma oraha gea. De ngaro ahi gogianongoru gea ko yoboaua, masara ngohi tagahoko Ma Jouika la ufa wahohowono onangika ma titi manga howono gea ngohino, masara ona gea tagahoko Unangika la ahao waofi dika manga howono gea.