Estere 9:24 - Ma Jou ai Demo-demo o Totobelohoka

²⁴ De hokonaa manga rame-rame ma titi abe kiani ka ihikaika yomahihohininga: Ma dihira naga o Yahudi ma nyawa mata-mataika manga musu womatengo ai romanga o Hamana, una o Hamedata ai ngofaka abe yomahitofora o Agagika abe ma dihiraino de wodadi wokoano. O Hamana gea wahidee o Yahudi ma nyawaika la wahikokibinaaha de una wapake o mai-maihi abe ihiromanga o purimi la genangino wairiki ma wange abe ai hidee duru de ma utumoka abe ka idadi wakokitoma o Yahudi ma nyawaika ka hiadono yahikokibinaahaka.

Estere 9:24 ပူးပေါင်းရင်းမြစ်များ

Estere 3:1

Gea o Modekai widuhunu ma koano la ufa wohonenge de ahao o taongo muruono ipaha de o koano wigorakiye womatengo ai popareta ma nyawaino ai romanga o Hamana. De o Hamana gea to una ai baba o Hamedata de manga tofora ma dihira o Agaga. Ho naa o Ahasi-weroso wihikuaha o Hamanika hiadono nako una de o popareta ma nyawa utu ka o Hamanohi wokurutiye masara ngaro hokogea o koanohi wokurutiye.

Estere 9:10

O nauru yangimoi gea manga ete o Hamedata de manga baba o Hamana abe una gea duru wamusu o Yahudi ma nyawaika. De ngaro ai ngofaka yangimoi gea yatoma ibooto masara manga kiahonanga o Yahudi ma nyawa ko yomaleua.

Estere 9:23

Hokogea o Modekai wahibehehongo onangika de ai hura-hurata de o Yahudi ma nyawa mata-mataika yosanangi ai behehongika gea hiadono ona ato ahao o tao-taongiye yodiai o rame-rame o hohininga ma wangeoka gea.