Estere 9:22 - Ma Jou ai Demo-demo o Totobelohoka

²² Angamoi gea o hohininga ma wange abe yomahikokihohininga ma oraha o Yahudi ma nyawa yahihihanga manga musu. Angamoi o mede ngimoi de hinootoka gea manga hininga ma huha aturuuruoka de manga hininga ma garago. Abe ma oraha gea duru o Yahudi ma nyawa yoari-ari masara ahao adonoka ma wange abe ko yoari-ariokaua de yomulaenge yogogarago. Ho o Modekai wahurata onangika abe o tao-taongiye kiani o wange hinooto gea yomadingakoka la ihirame-rame de o ngolo-ngolomo de yomahiketehihohininga de manga inomo ma hidoku. De kiani o wange hinooto gea duru yaduhunu de manga hidoaka manga gogianongoruika abe ona naga manga kokangela ma goronaka.

Estere 9:22 ပူးပေါင်းရင်းမြစ်များ

Estere 9:19

De ka hiadono ma oraha naa nako adonoka o mede Adara ma tanggala ngimoi de iatoka de o Yahudi ma nyawa o kapo-kapongo ma etetekoka onangoo yodiai o lolaku ma hohininga ma rame-rame angamoi ngaro ko iwa manga dadatoko hoka o kota abe akurungaka de ma dadaduhu, masara ngaro hokogea onangoo yolaku. Ho manga hohininga ma wangeoka yodiai o rame-rame de manga gogarago de yomahiketehikokodoaka o inomo ma hidokuino abe duru ma rorahai. Hokogea yodiai o hohininga ma rame-rame la ka ihikaika ufa yawohanga o wange gea abe manga totofora o Yahudi ma nyawa ko yobinaahaua masara ona yolaku manga musuika.

Estere 9:21

De manga huratoka o Modekai wahingahu kiani o tao-taongiye ka de adonoka o mede ngimoi de hinootoka abe ma romanga o mede Adara ma tanggala ngimoi de iatoka, de kiani o wange hinootoino ma dekana ihirame-rame manga lolaku.

Estere 9:23

Hokogea o Modekai wahibehehongo onangika de ai hura-hurata de o Yahudi ma nyawa mata-mataika yosanangi ai behehongika gea hiadono ona ato ahao o tao-taongiye yodiai o rame-rame o hohininga ma wangeoka gea.

Higiriiri 103:2

De ngohi tohigalioli tomatemo tato, “Iti ngohi tihigiriiri Ma Jou o Yaweika; De ufa tawohanga ma owa mata-mata gea abe wodiai la wohiduhunu.”

Higiriiri 37:15

Masara manga dae gea ahao atopoko to ona ma hirete manga fuoika, De manga toimi mata-mata ahao ikokitobiki!

Matiusu 5:4

De abe o nyawa naga de manga hininga ma huha, onangoo yamake ma hiowa Ma Jouino angamoi Una ahao walaru ona manga hiningaka.

Lukasa 11:41

Ho koaho ti ngini nia hiningaino gea de o hu-huha ma nyawaika ngini niaduhunu. De nako hokogea nidiai, gea de ahao ngini duru nitebinoka abe nia poretino de nia goronakaoo!”

Galatia 2:10

Ho ona o gareja ma hihira genangoka duru ko yodogoua ahi abari ma demoino. Masara naga moi dika manga behehongo ngomino, de gea la ngomi duru miolegaika de ufa miawohanga nanga gogianongoru yohu-huha manga pereluika abe ona o Yahudi ma nyawa de abe yogogere o Yerusaleeme ma kotaka. De gea manga behehongo duru ko itubuhoua ngohino, angamoi ngohioo nengokadauinohi de todiaioka ho tosanangi enangika de ihimagawe hokogea todiai.

Himatoko 11:10

De ma oraha gea o dunia ma nyawa ahao duru yogogaragoholi abe ma titi Ma Jou ai nyawa yahinooto ona gea yohonengoka. De gea ahao ona mata-mata ihirame-rame abe yohonengoka ka hiadono o hidoaka yomaketehidingo-dingoto manga dodiawo mata-mataika. De gea ihirame-rame ma titi ma dihiraino de ona yahinooto duru yahikangela onangika, masara naa ona yohonengoka.

1 Samuele 25:8

De ma titi gea ngona ma hirete ka idadi naleha ani nyawaika la duru nohioriki abe ahi demo ka igou-goungu dika. Ho mangale ma titi ngomi ma dihiraino de miniao irahai nginika ho ngohi o Dautu ka idadi tomagahoko o duduhunu ngonaika. Abe ma oraha naa de niaguti nia domba ma gogo de gea ipaha de ngini nihirame-rame abe nia karajaanga gea niabootoka. Ho naa ngomi mimahitipokouku to ngona ani himangoka de mimagahoko la o inomo ma hohutulu nomihidoaka, iti o kia dika nosanangi nomihikodoku ngomino.” De hokogea ma demo abe o Dautu ai nyawa yototaka o Nabalika.