Estere 6:12 - Ma Jou ai Demo-demo o Totobelohoka

¹² Gea yotagi-tagi ibooto de ahao o Modekai wolio o koano ai tau ma ngoranika masara o Hamana ai peauku womahidatamunoka de o ngoere angamoi ai hininga ma huha duru ilamoko de iwimalekeholi ho womataiti wolio dika ai tauika.

Estere 6:12 ပူးပေါင်းရင်းမြစ်များ

1 Kokoano 20:43

Ho o Isiraele ma nyawa manga koano, o Ahaba wolio ai kota o Samariaika duru wongamo de ai himanga itafukuoka.

1 Kokoano 21:4

Ho o Ahaba wolio duru de ai ngamo de duru ai himanga itafukuoka angamoi o Naboto hokogea ai babaluhu ma demo. De womaiduiha ai koioka de ai kamara ma dadaduhika wohimangika de woluku wolomo.

1 Kokoano 21:6

De ami rokata womipaluhu womihingahu wato, “Ngohi naa duru ahi huha ihititi o Nabotoka abe una gea nanga datekoka! De ngaro ngohi o koano de tato ai angguru ma redi tomaija eko abe tato ka idadi taturuuru masara una woluku ho duru tongamo.” Hokogea o Ahaba woboi ai redi.

Estere 2:19

De ipaha o momoholehe abe yomaiduoka o koanoka yogogere manga doomu ma ngi moioli de ma oraha gea o Modekai iwihikarajaanga o koano ai tauoka de ai karajaanga o koano ai tau ma ngoranoka.

Estere 6:11

Ho o Hamana kiani wale o koano ai baju ma guru-gurutu abe duru ma rorahai gea de wihinoa o Modekaiuku de ahao wihibarene o koano ai kuda ma poretoka de wihidagi-dagi o ngeko-ngekomika o kota ma goronaka. De manga dodagi ma goronaka o Hamana kiani waamo-amokiye wopoa-poaka, wato, “Abeika o nauru nenanga angamoi hokonaa nanga koano woigo wohitunguu ai horomati onangika abe duru iwihisanangi!” Hokogea kiani o Hamana wodiai la wihingounu ai koanoika.

Estere 7:8

Naa kanganoinohi ona yahange yolomo yomahiduiye de ma oraha naa o Hamana duru womagaho-gahoko hokogea o ngo Esterika, muna ka momahiduiyeohi o hiaini ma ngioka de una womangumo ami hiaini ma ngiuku gea. Ka de hokogea wodiai de o koano o bunga-bunga ma redi wanoa de wowohamoli o ngolo-ngolomo ma ngiika de wimake o Hamana hokogea womangumo o ngo Esteruku. De o koano duru iwitodokana angamoi ka de wimake hokogea o Hamana womangumo munanguku de wataoko ihowono hiadono wofikiri o ngo Estere womiribuutu ho wopoaka wato, “Abeika una ai dorou naa! Ngaro ngohi o koano naga ahi tau ma goronaka de una wato womihidadidorou ngohi fekata!” Ka de o koano ai demo gea yoihene de ona o koano ai duduhunu abe naga genangoka yomataiti o Hamana ai himanga yatamunu abe hokogea iwihitunguu o Hamana imaketero hoka wohonengoka.

1 Samuele 3:15

De o Samuele womaiduokali ka hiadono o ngorumino. De ahao woleleani hoka ai biaha ho Ma Jou o Yawe ai tau ma ngorana wafelenga arihononga masara ko woikua o Elika angamoi wohawana wihingahu unangika ma himatoko ma hingahu abe o futuika wamake idadi.