Estere 6:11 - Ma Jou ai Demo-demo o Totobelohoka

¹¹ Ho o Hamana kiani wale o koano ai baju ma guru-gurutu abe duru ma rorahai gea de wihinoa o Modekaiuku de ahao wihibarene o koano ai kuda ma poretoka de wihidagi-dagi o ngeko-ngekomika o kota ma goronaka. De manga dodagi ma goronaka o Hamana kiani waamo-amokiye wopoa-poaka, wato, “Abeika o nauru nenanga angamoi hokonaa nanga koano woigo wohitunguu ai horomati onangika abe duru iwihisanangi!” Hokogea kiani o Hamana wodiai la wihingounu ai koanoika.

Estere 6:11 ပူးပေါင်းရင်းမြစ်များ

Estere 6:10

Ka de o koano woihene o Hamana ai demo gea de wato, “Irahai ani demo, Hamana! Irahai ngona ma hirete nodiai mata-mata gea! Nomataiti nale ahi baju ma guru-gurutu gea de ahi kudaoo ngona naleino. Gea nohidiai ibooto de ahao nile o Modekai, o Yahudi ma nyawa gea abe naga ahi tau ma ngoranoka de nodiai o Modekaiika gea mata-mata abe naa ngona noade-adeoka ngohino. De ko moiua nakuranga abe nohihingahu nato kiani ngone hodiai unangika la ahi horomati o Modekaiika duru itararono o nyawa mata-mataika!” Hokogea o koano wihibehehongo o Hamanika.

Estere 6:12

Gea yotagi-tagi ibooto de ahao o Modekai wolio o koano ai tau ma ngoranika masara o Hamana ai peauku womahidatamunoka de o ngoere angamoi ai hininga ma huha duru ilamoko de iwimalekeholi ho womataiti wolio dika ai tauika.

Estere 8:15

De ahao o Modekai o koano ai tauoka wohupu de wapake o baju ilape-lape abe imaketero hoka o koano ma baju ma guru-gurutu abe utu o baju ma bihi-bihi de utu ma gare-garehe de ai peaka wapake o sapeo ma amoko abe ona yokokurutiye dika ka idadi yapake de ai sapeo gea ihidalape de o gurasi ho duru ma hohailoa. De naga o Modekai ai poretoka o ngoere duru ma ngina-ngina de ma guru-gurutu de ena gea ma wuu-wuu hoka o koano dika wapake ho enangoo duru ma rorahai. De o Susana ma kota ma nyawa duru yogigoro de manga sosanangi ma hagaaga abe ihititi o pareta ma hurata ma hungi nenanga.

Estere 9:3

De o Yahudi ma nyawa yamake o duduhunu o poparetaino angamoi ma oraha naa o Modekai wokurutiyeoka o koano ai datekoka de ka ihikaika ai kuaha ka idogo-dogo. Ho o nyawa o tonaka ma amokika yomaketeade-ade ma titi o Modekai ai kuaha ilamoko de ma ade-ade gea imahora hiadono o nyawa mata-mataika abe o Ahasi-weroso wahikoano ona yokokiihenoka o Modekai ai ade-ade. De angamoi o Modekai o Yahudi ma nyawa ho o popareta ma nyawa mata-mataika duru ihidodiai o Yahudi ma nyawaika. Ho ngaro ona o tentara ma dimo-dimono yokokurutiye, eko o propinsi ma gubernuuru, eko o kimalaa, eko ona o koano ai datekoka abe iwiduhu-duhunu, ma ona gea mata-mata yaduhunu o Yahudi ma nyawa ma titi iwimodongo o Modekaiika abe naa una wodadioka o koano ai duduhunu wokokurutiye.

Lukasa 1:52

Wahitipokouku o kokoano hiadono manga kaderaka wahigutioka. Masara ona yomahitipokouku, ona gea Ma Jou wagorakiye.

Himatoko 3:9

De gea abe Ngohi tohiaturu la ona o Ibilihi ma haeke ma doomuino abe ma oraha naa ona inihikangela, ahao ona gea yoboa nginika de kiani inihoromati nginika. De gea ona abe yoelu-eluku de yomahiromanga ato o Yahudi ma nyawa, masara ona gea ko o Yahudi ma nyawa ma gou-goungua, angamoi o Ibilihi ma haeke ona yanii-niiki. Ho abeika nitotoihene! Ngohi ahao tohiaturu la ona gea ko idadiokaua inihikangela, masara gea ahao yoboa de yomamotumuku nia himangoka, de ma oraha gea ona ihioriki abe ngini gea Ngohi duru tinidora nginika.”