Estere 5:3 - Ma Jou ai Demo-demo o Totobelohoka

³ De ahao o koano womileha munangika wato, “O kia ma titi ho hiadono ngona ngohi fekata noboa nohitutumu? Estere, marai naga ani perelu hiadono noboa ngohino la o duduhunu nomagahoko e? De ka idadi ngona nomagahoko o kia dika noigo de abeika nako ko tonihidoakua. Angamoi ngaro noigo la ahi tonaka de ahi kiahonanga mata-mata abe ngohi tohikoano kiani taregu hinooto la o regu moi idadi to ngona, de o regu moi to ngohi, ma, ngohi ka tosanangi dika tonihidoaka.” Hokogea o Ahasi-weroso womihibehehongo o ngo Esterika.

Estere 5:3 ပူးပေါင်းရင်းမြစ်များ

1 Kokoano 2:20

De mogogerukuoka de muna motemo mato, “Naga moi dika tomagahoko, de duru toigo la ufa nohioluku masara ka idadi ngona nosanangi nohiduhunu ngohino.” De una womipaluhu wato, “Abeika nomagahoko dika. Angamoi ngona naa ngohi meme, ho done sarakia tonioluku ani demo?”

1 Kokoano 3:5

De ahao ma futuku gea de o Saloomo ai giooko ma gogiriaka de Ma Jou womahimatoko unangika ai buluhara ma goronaka. De gea Ma Jou wotemo unangika wato, “Ngona ka idadi nomagahoko moi Ngohino de gea Ngohi tosanangi dika tonihidoaka ngonaika.”

Nehemia 2:4

Hokogea ahi hininga tomahingahu o koanoika de una wohileha, wato, “Marai ngona noigo nohihingahu ngohino abe hokokia noigo la ngohi toniduhunu e?” Ka de hokogea o koano wotemo de duru ngohi tomataiti tomagahokohi Ma Jouiye abe Una o Horogaka.

Estere 5:4

De o ngo Estere mopaluhu mato, “Nako ngona ahi koano nosanangi ahi demoika naa, ngohi togahoko la duru o wange naa noboa naniiki o ngolo-ngolomo abe ngohi tonihidiaioka. De toigo la o Hamanoo woboa woniniiki.” Hokogea o ngo Estere ami gogahoko o koanoika.

Estere 5:6

De ona yahange yolomo de ma oraha o angguru ma gohaka yaokere de o koano ma moioli womileha o ngo Esterika, wato, “Sarakia Estere, naa toboaka ani ngiino ho marai ka idadi ani gogahoko nohihingahu ngohino e? De ngaro o kia dika ngona noigo nomagahoko de ngohi tonihidoaka. Ho ani gogahoko o kia? Angamoi ngaro noigo la ahi tonaka de ahi kiahonanga mata-mata abe ngohi tohikoano kiani taregu hinooto la o regu moi to ngona de o regu moi to ngohi, ma, ngohi ka tosanangi dika tonihidoaka.” Hokogea o Ahasi-weroso ai behehongo wohigalioli o ngo Esterika.

Estere 7:2

De imaketero hoka kanugono ami ngolo-ngolomo ma goronaka abe adonoka ma oraha ona yahange o angguru ma gohaka yaokere de o koano ma moioli womileha o ngo Esterika, wato, “Sarakia Estere, naa ka idadi ani gogahoko nohihingahu ngohino? De ngaro o kia dika ngona noigo nomagahoko de ngohi tonihidoaka. Ho ani gogahoko o kia? Angamoi ngaro noigo la mata-mata abe ngohi tohikoano kiani taregu hinooto la ma regu moi idadi to ngona de o regu moi to ngohi ma tosanangi tonihidoaka dika.” Hokogea o Ahasi-weroso ai behehongo o ngo Esterika wohigalioli.

Estere 9:12

Gea o koano woihene de womiahoko ngoi fekata o ngo Estere de womihingahu wato, “Ngaro o Susana ma honongaka naa dika de naga o nyawa yaratuhu motoa yohonengoka o wange naa abe o Yahudi ma nyawa yatomaka. De o Hamana ai ngofaka o nau-nauru yangimoi onangoo yatomaka. Barikua nako hokonaa manga ngoe yahohonenge nenangoka dika marai hongoli duru ko manga ngoe ahi kokawaaha abe yohonengoka ahi tonaka ma propinsi utuoka! Masara ngaro hokogea ngohi naa tonileha Estere, o kiali ngona noigo la ngohi todiai? O kia dika ngona nomagahoko ma ka idadi, ho nohihingahu dika de ngohi tosanangi ani gogahoko tonihidoaka dika.” Hokogea o koano womileha ngoi fekatika.

Maruku 6:23

De gea hiadono duru wohibehehongohi munangika wato, “O kia dika nomagahoko ngohino ma ka idadi tonihidoaka, abe ngaro ahi tonaka taregu hinooto de ma regu moi gea tonihidoaka, de ahi kiahonangoo mata-mata taregu hinooto la ma hononga tonihidoaka, masara gea mata-mata ahao tonihidoaka ngonaika.”

Lukasa 18:41

“Ngona o kia nomagahoko Ngohino la nato toniduhunu?” De wipaluhu wato, “Ahi Baluhu, duru toigo la tomahioriki.”

Hidingoto 23:19

De ma haeke gea wiso ma goduuru ai giamika de wiao ma datekika la ka yahinootoka dika de ahao wileha unangika wato, “O kia naga nato nohihingahu ngohino?”