Estere 4:5 - Ma Jou ai Demo-demo o Totobelohoka

⁵ Masara o ngo Estere ko mohiorikuahi ma titi o kia naga hiadono una wohuha ho mato kiani molingiri ai huha ma titi. De naga womatengo ami duduhunu o nau-naurino yakabiirioka abe o koano wahuloko la imileleani ai romanga o Hata abe duru iwihikarajaanga la o ngo Estere womileleani ami datekoka de una gea miahokino de mihibehehongo unangika, mato, “Hata, ngona noiki o Modekaiika de nileha o kia idadi hidutu naga iwihikangela ka hiadono to una ai hininga duru ma huha.” Hokogea o ngo Estere mihibehehongo.

Estere 4:5 ပူးပေါင်းရင်းမြစ်များ

Estere 1:10

Adonoka o wange ma tumidi o ngolo-ngolomoka gea de o koano o Ahasi-weroso iwidaluku angamoi wokere o angguru ma gohaka ilamoko masara iwidaluku ka hiadono wososanangi dika. De wahoko ai duduhunu o nau-nauru yatumidi abe yakabiirioka de wangaku onangika hiadono ka ihikaika manga tagongo la iwileleani manga koanoika ho ka ihikaika naga ai datekoka. Yatumidi gea manga roma-romanga o Mehumana, o Bisata, o Habona, o Bigata, o Abagata, o Setara, de o Kakasa. De naa manga koano naga ai behehongo onangika ho wakokiahokino.

Estere 1:12

Masara ka de yatumidi gea imihingahu o koano ai behehongo o ngo Wasitika de muna ko mosanangiua de mato, “Ngini nilio niwihingahu o koanoika ngohi toluku wohihimatoko o nau-nauru manga hima-himangoka hokogea ho ko toboaua.” Hokogea to muna ami hininga hiadono ko mihingounua ami rokatika. Ho ka de o koano o Ahasi-weroso woihene ngoi fekata ami demo gea de duru ai ngamo ifae hiadono duru wongamo.

Estere 4:10

De o ngo Estere mihulokoli o Hataika la woikoli widotaka ami babaluhu o Modekaiika, mato,

Estere 4:4

De o koano ngoi fekata o ngo Estere ko mohiorikuahi de ahao naga ami duduhunu o ngo-ngofeka de o nauru abe yakabiirioka yoboa imiade-ade munangika gea abe ami baba o dofo o Modekai wodiai hiadono ai pakeanga ma kokekekere dika de duru woari-ari. Ka de gea moihene de o ngo Esteroo duru ami hininga ihuha de mato milaru ho mohidingoto o pakeanga o Modekaiika la ka idadi womaturuuru masara ka de ami duduhunu yoboa de woluku ami hidoaka o pakeanga gea.

Estere 4:6

Ho o Hata wohupu ma loaika abe naga o koano ai tau ma ngorana ma himangoka de genangoka wimake o Modekai de womulaenge wileha unangika hoka o ngo Estere moigo.

Estere 4:9

Ho o Hata wolio o ngo Esterika de wadofanga o Modekai ai demo mata-mata o ngo Esterika.

Roma 12:15

De nako naga o nyawa abe yogogarago, nginioo ka idadi nigogarago de de ona. Masara nako naga o nyawa abe manga hiningaka yohuha, gea nginioo ka idadi niamao to ona manga huha.

1 Korintusu 12:26

De nako hiadono ma kiahonanga moi ma odiri yamao, gea ma kiahonanga mata-mataika yamao ma odiri gea. Eko nako hiadono ma kiahonanga moi de ma horomati yamake, gea ma kiahonanga mata-mataika yogogarago. Ho gea ho koaho ngoneoo homaketerimoioka la nanga hininga ma dumutu ka moi dika.

Filiipi 2:4

Abe ufa ti ngini dika nia perelu nimahidailako, ma kiani nialegaika o nyawa utu abe to onangoo manga perelu niahidailako. Ho nako hiadono ahi behehongo gea nianiiki, gea de ahao duru togarago. Abe nengokadauino de tinidogarago nginika, masara nako ahi demo gea nianiiki, gea de ahao duru ifoloioli ahi garago nginika.

Ibarani 4:15

De to ngone nanga Hidemo wokokurutiye Ma Jouika, Una gea ka idadi duru wonahioriki abe to ngone nanga hininga ma buturungu ka ikurangohi. Angamoi Unangoo ma dihiraino de iwihiata-atara ma ngoe, de abe o hiatara mata-mataika inadaene ngone o nyawaino, enangoo gea mata-mata iwidaenoka Unangika. Masara ngaro hokogea iwihiata-atara Unangika, masara Una duru ko wahowonua.