Masara ka de yatumidi gea imihingahu o koano ai behehongo o ngo Wasitika de muna ko mosanangiua de mato, “Ngini nilio niwihingahu o koanoika ngohi toluku wohihimatoko o nau-nauru manga hima-himangoka hokogea ho ko toboaua.” Hokogea to muna ami hininga hiadono ko mihingounua ami rokatika. Ho ka de o koano o Ahasi-weroso woihene ngoi fekata ami demo gea de duru ai ngamo ifae hiadono duru wongamo.
Estere 3:5 - Ma Jou ai Demo-demo o Totobelohoka5 De ahao o Hamana ma oraha woboaino eko o ngorana gea watilakuru de duru wilega-lega o Modekaiika de igoungu, o Modekai ko watilabukukua de moioo de duru ko iwa ai horomati ma dodunguu unangika ho o Hamana duru wongamo de ai dohata ifae hiadono wato o Modekai wihohonenge. အခန်းကိုကြည့်ပါ။ |
Estere 3:5
13 ပူးပေါင်းရင်းမြစ်များ
Ho o koano ai popareta ma nyawa mata-mata ka de yomakamake de o Hamana eko ngaro watilakuru dika ma kiani ona yomaponuku de yatilabukuku la ihitunguu manga horomati o Hamanika angamoi hokogea o koano wahibehehongo kiani yodiai. Masara o Modekai una woluku wohitunguu o horomati o Hamanika ho ko watilabukukua ma oraha o Hamana naga.
De hokogea ona iwileha o Modekaiika o wange-wangeiye de una wapaluhu de ai hingahu, wato, “Angamoi ngohi o Yahudi ma nyawa ho ko idadiua tomahuba hokogea o nyawaika.” Hokogea woluku waniiki manga higaro ma demo ho ona yomakoketemo ato, “Abeika ngone hihingahu o Hamanika abe o Modekai gea woluku wihoromati. De abeika nako o Hamana ka wihigunoahi hokogea wodiai.” Ho ona ahao o Modekai iwikalaki o Hamanika.
O ngo Estere ami ngolo-ngolomino yohupuoka de o Hamana duru wogarago de ai hininga iuwinoka masara ka de woboa o koano ai tau ma ngoranino de wimake o Modekai de ka itodokanino ai garago ihihanga. De gea angamoi o Modekai waniiki hoka ai biaha abe duru ko wohitunguua ai horomati o Hamanika de ko wimodongua. Abe ngaro o Hamana duru widamaanika masara o Modekai ko wofafarua ho o Hamana duru itaiti ai ngamo ipuda.
ကြော်ငြာတွေ