Estere 3:4 - Ma Jou ai Demo-demo o Totobelohoka

⁴ De hokogea ona iwileha o Modekaiika o wange-wangeiye de una wapaluhu de ai hingahu, wato, “Angamoi ngohi o Yahudi ma nyawa ho ko idadiua tomahuba hokogea o nyawaika.” Hokogea woluku waniiki manga higaro ma demo ho ona yomakoketemo ato, “Abeika ngone hihingahu o Hamanika abe o Modekai gea woluku wihoromati. De abeika nako o Hamana ka wihigunoahi hokogea wodiai.” Ho ona ahao o Modekai iwikalaki o Hamanika.

Estere 3:4 ပူးပေါင်းရင်းမြစ်များ

Dodadi 39:10

De ngaro o Potifara ngoi fekata duru o wange-wangeiye mihigaro-garo unangika masara duru o Yusupu woluku yomaidu o ngi moioka hiadono una ka ihikaika womidokaowara.

Esara 1:3

De tonganono la Una ahao wahihira-hira to Una ai nyawa mata-mataika, abe ma titi o Isiraele ma nyawa abe naga nia hidogoronaka. Abe hokonaa Ma Jou ai mau, adonoka ma oraha ka idadi to Una ai nyawa yolio to ona manga tonakika. Angamoi ma oraha naa abe ahao ona ihigokoli Ma Jou o Yawe ai Tau, abe Una gea o Isiraele ma nyawa manga Jou de ona kiani yomatobahuba-huba Unangika o Yerusaleeme ma kotaka.

Estere 3:3

De o Modekai ka ihikaika naga o koano ai tau ma ngoranoka de nagali o koano ai popareta ma nyawa abe onangoo naga o wange-wangeiye o koano ai tau ma ngoranoka, de ona iwileha o Modekaiika ato, “Dodiawo, adodoa ho ngona ko nohingounua o koano ai behehongo abe kiani ngone homahuba o Hamanika?”

Estere 3:5

De ahao o Hamana ma oraha woboaino eko o ngorana gea watilakuru de duru wilega-lega o Modekaiika de igoungu, o Modekai ko watilabukukua de moioo de duru ko iwa ai horomati ma dodunguu unangika ho o Hamana duru wongamo de ai dohata ifae hiadono wato o Modekai wihohonenge.

Yunusu 1:9

De o Yunusu wopaluhu onangika wato, “Ngohi o Isiraele ma nyawa, de tomahuba Ma Jou o Yaweika, Una gea Ma Jou o Horogaka abe o tonaka de ma gahi mata-mataika Una watulaada.” Hokogea wahingahu onangika.