Estere 3:15 - Ma Jou ai Demo-demo o Totobelohoka

¹⁵ De adonoka ma wange abe kiani yoiki yototaka o koano ai hurata gea, de ma koano o Ahasi-weroso ai hidingoto ma nyawa wahitataiti, wato, “Nisobo!” Ho yoikoka de duru o wange genangoo ai behehongo ma hurata gea yabasa o nyawa mata-mataika abe naga o Susana ma kota ma honongaka abe yakurunga de ma dadaduhu ma gurutiye de o koano ai tauoo naga genangoka. Mata-mata gea yodiai ibooto de ahao o Hamana de ma koano yogogeruku o ngolo-ngolomoka de yokere o angguru ma gohaka. Masara manga kokawaaha o Susana ma kotaka ka de yoihenoka o pareta ma hurata gea de duru yopusingi manga kokihiningaka angamoi ko yomangaratiiua hoka manga hiningaka ato, “Adodoa ho hokonaa idadi?”

Estere 3:15 ပူးပေါင်းရင်းမြစ်များ

Dodadi 37:25

De ahao ma oraha ai ria-riaka yolomo de yamake o Isimaele ma nyawa manga ngoe yoboaino abe manga dodagi ma goronaka de gea manga dumutu o Mesiirika. To ona manga gogere o Gileada ma tonakoka abe ma romanga moioli o Midiana. De ona naa yapake manga unta la manga kiahonanga ihibarene de yao o Mesiirika. Manga kiahonanga gea o gota ma hilo o fara hange abe ma roma-romanga o damara, o balama de o muuru. De o hilo mata-mata gea de ma ijaka ho hiadono yao o Mesiiri ma tonakika la ato yofukunu genangoka.

1 Kokoano 14:27

Ho ahao o Rehabeama o parangi ma dadatoko gea waturuuru de o parangi ma dadatoko abe yodutuku o tabaagaino abe ihikasapuru de o hori. De manga dadatoko gea wahidoaka o gogoana ma nau-naurika abe yogoana o koano ai tau ma ngoranoka.

Estere 1:10

Adonoka o wange ma tumidi o ngolo-ngolomoka gea de o koano o Ahasi-weroso iwidaluku angamoi wokere o angguru ma gohaka ilamoko masara iwidaluku ka hiadono wososanangi dika. De wahoko ai duduhunu o nau-nauru yatumidi abe yakabiirioka de wangaku onangika hiadono ka ihikaika manga tagongo la iwileleani manga koanoika ho ka ihikaika naga ai datekoka. Yatumidi gea manga roma-romanga o Mehumana, o Bisata, o Habona, o Bigata, o Abagata, o Setara, de o Kakasa. De naa manga koano naga ai behehongo onangika ho wakokiahokino.

Estere 4:16

Muna mato, “Ama, kiani ngini nihiniata ho o Yahudi ma nyawa mata-mata abe yogogere o Susana ma kotaka naa natoo-toomuino la ngini mata-mata ko niolomua de ko niokerua o wange hange ma dekana ngaro o futu, ngaro o wange, ngini nihikokihininga ngohi. De ngohi de ahi duduhunu o ngo-ngofeka mata-mata ngomioo hokogea o wange hange ma dekanino ngaro o futu, de ngaro o wange ma ngomioo ko miolomua de ko miokerua. De o wange hange gea ipaha de ahao ngohi toiki o koano ai ngi duru womadingakoka de towohama titutumu ma oraha wogogeruku ai kaderaka. De nako idadi ngohi tohonenge tomahidiaioka tohonenge!” Hokogea ami demo ami amaika.

Estere 8:15

De ahao o Modekai o koano ai tauoka wohupu de wapake o baju ilape-lape abe imaketero hoka o koano ma baju ma guru-gurutu abe utu o baju ma bihi-bihi de utu ma gare-garehe de ai peaka wapake o sapeo ma amoko abe ona yokokurutiye dika ka idadi yapake de ai sapeo gea ihidalape de o gurasi ho duru ma hohailoa. De naga o Modekai ai poretoka o ngoere duru ma ngina-ngina de ma guru-gurutu de ena gea ma wuu-wuu hoka o koano dika wapake ho enangoo duru ma rorahai. De o Susana ma kota ma nyawa duru yogigoro de manga sosanangi ma hagaaga abe ihititi o pareta ma hurata ma hungi nenanga.

Higiriiri 37:7

Ngini niriidi Ma Jou o Yawe ai himangoka de kiani nimatongohono, Ka hiadono ma oraha nia gogahoko wopaluhu. De ufa nihuha nako o nyawa utu manga kaya idogo-dogo, Ngaro to ona manga wowangoka yodiai itorou. De igoungu naga o nyawa abe de manga hidee ko itiaiua, Abe ma dumutu ka ihikaika ma dorouika dika, Masara ufa hiadono nia hininga ihuha ma titi ona gea.

Sosawaro 1:16

Ona duru yomatai-taiti manga dumutu o dorouika. De ona yoigo o nyawa manga awunu yakopoa.

Sosawaro 29:2

Abe ma oraha o totiai ma nyawa de manga kuahaka, gea ahao manga kokawaaha yogogarago. Masara nako hiadono o dorou ma nyawa yodadi manga balu-baluhu, gea o kokawaaha duru yokururihi dika angamoi yokangelaka.

Sosawaro 4:16

Angamoi o nyawa ma dorou gea imaketero hoka ko yosanangiua yomaidu nako ko yodiaiuahi itorou de duru yoigo la ko yakiookuahi de o nyawa utu onangoo yahiruba ma dorouika.

Yohanese 16:20

Naa duru tagou-goungu tinihingahu, ngini naa ahao nia hininga duru ihuha mangale gea abe ahao idadi Ngohino de hiadono duru niari ngaro o dunia ma nyawa yopoa-poaka de manga sanangi dika. Ma ngaro ngini naa igoungu duru nia hininga ihuha masara nia huha gea ahao aturuuru hiadono idadi nia garago.

Himatoko 11:10

De ma oraha gea o dunia ma nyawa ahao duru yogogaragoholi abe ma titi Ma Jou ai nyawa yahinooto ona gea yohonengoka. De gea ahao ona mata-mata ihirame-rame abe yohonengoka ka hiadono o hidoaka yomaketehidingo-dingoto manga dodiawo mata-mataika. De gea ihirame-rame ma titi ma dihiraino de ona yahinooto duru yahikangela onangika, masara naa ona yohonengoka.