Estere 3:1 - Ma Jou ai Demo-demo o Totobelohoka

¹ Gea o Modekai widuhunu ma koano la ufa wohonenge de ahao o taongo muruono ipaha de o koano wigorakiye womatengo ai popareta ma nyawaino ai romanga o Hamana. De o Hamana gea to una ai baba o Hamedata de manga tofora ma dihira o Agaga. Ho naa o Ahasi-weroso wihikuaha o Hamanika hiadono nako una de o popareta ma nyawa utu ka o Hamanohi wokurutiye masara ngaro hokogea o koanohi wokurutiye.

Estere 3:1 ပူးပေါင်းရင်းမြစ်များ

Dodadi 41:40

Ho ngohi naa tonigoraka la tonihitagongo de ma hiaturu mata-mata gea abe nomihingahuoka naa kiani la ngone o Mesiiroka haniiki. Ho ngona naa ani karajaanga tonihititi ahi tauoka la nohikaaturu ahi tau ma goronaka de ma hoanoka. De ani tagongo ma kuaha hiadono ngona nahipareta ahi kokawaaha mata-mataika o Mesiiroka. Hokogea ani kuaha ma amoko masara naga ma batingi ani kuaha abe o demo ngohi o koanoino dika kiani nohihigihene.

Dodadi 41:55

De angamoi naa manga tonaka ma hasili ko iwa ho o hafini gea kohagiria hiadono o Mesiiroka ma kokawaaha manga koanoika yomagahoko o inomo. De ahao o Firaunu wahingahu onangika wato, “Ngini niloiki dika o Yusupika de o kia dika winihiaturu gea kiani nidiai.” Hokogea o Firaunu wahuloko.

Estere 1:14

De ona yososawaro ma titi o Media de o Peresia ma nyawa manga pareta abe ka onangohi o Ahasi-weroso wangaku, to ona manga roma-romanga o Kasena, o Setara, o Adamata, o Tarasiisi, o Merese, o Masena, de o Memukana. O hihira yatumidi gea abe ka onangohi yokokurutiye manga tonaka o Media de o Peresia ma amokika. Ho ona ka idadi ka ihikaika yoboa o koanoika de iwihingahu unangika manga hininga.

Estere 3:10

Ka de o Hamana hokogea wotemo ibooto de ahao o koano ai ali-ali, abe ena to una ai kuaha ma dodunguu, wihuputu ma ali-ali gea de wihidoaka o Hamanika la ka idadi ma ali-ali gea wapake wohitunguu o pareta ma huratoka la ihitaana abe ma hurata gea igoungu to ma koano ai hurata. De naa abeika una o Hamana duru womahitaana abe una o Yahudi ma nyawa manga musu de una gea o Hamedata ai ngofaka de o Agaga ai toforauku, abe ma dihiraino o Agaga gea wodadi ai nyawa manga koano.

Estere 5:11

Ho ka de yomatoomuino de o Hamana womulaenge woade-ade womagorakiye. Wadefetongo onangika ai kiahonanga de ai tiwi ilamoko hiadono duru wokaya. De abeika to una ai ngofaka o nau-nauru duru yowoe de o koano ka ihikaika wigorakiye. De o Hamana womahingahuoli abe ka ihikaika ai kuaha idogo hiadono nako una de o koano ai popareta utu, ma, ka o Hamanohi abe duru wigorakiye.

Estere 7:6

De o ngo Estere mihingahu mato, “Una gea abe ai hiningaka womitomaka hiadono wodadioka mia musu naga nenangoka! Una naa o Hamana, o nyawa ma dorou nenanga!” Ka de hokogea o ngo Estere motemo de o Hamana duru wohawanokaholi manga himangoka.

Estere 8:3

De ahao o ngo Estere moboali o koanoino de momaponuku duru ai lou ma himangoka de duru mohigali-gali o Yahudi ma nyawa maademo. De o ngo Estere ami koongo itifa imakiniiki de ami gogahoko la ufa o koano wahigunoa la ona yahibinaaha hoka o Hamana wahidee itorou onangika.

Sosawaro 29:2

Abe ma oraha o totiai ma nyawa de manga kuahaka, gea ahao manga kokawaaha yogogarago. Masara nako hiadono o dorou ma nyawa yodadi manga balu-baluhu, gea o kokawaaha duru yokururihi dika angamoi yokangelaka.

Gegetongo 24:7

“Ma Jou wohihimatoko moi hiadono ngohi tamake manga akere, O Isiraele ma nyawa ahao ka ihikaika yawedono manga akere, Ho hiadono manga akere ma ngi-ngi ka ihikaika aomanga. De onangoo hoka o datomo ka ihikaika yopehaka ho duru ifaa-faatuku. Abeika ona ka ihikaika manga bobero irahai ho duru yofaa-faatuku.” “De o Isiraele ma nyawa ahao to ona manga koano ko ai buturungu, Nako una de o koano o Agaga, ka to Isiraele ma nyawahi manga koano woputurungu. De ona abe wahikoano ka onangohi o nyawa yagorakiye. Hiadono o horomati ilamoko itagi o koanoika gea de ai kokawaahaikaoo.”

1 Samuele 15:33

Masara o Samuele witemo unangika wato, “Naa idadi ngonaika duru imaketero hoka ngona ma ngoe nodiai o nyawaika. Abe de to ngona ani humaranga o ngo-ngofeka manga ngofa-ngofaka o nau-nauru nahihihanga ko manga ngoe de duru imaketero hokogea ngohi naa to ngona ngoni meme ami ngofaka tihihihanga.” Ka de hokogea o Samuele wotemo ibooto de ahao o humaranga wagoraka de o Agaga gea witobi-tobikuku Ma Jou o Yawe ai himangoka o Gigaloka.

1 Samuele 15:8

De o Amaleke ma nyawa manga koano o Agaga iwitaoko dika de iwiao masara ai kokawaaha yakokitoma ka hiadono duru yahikokibinaahaka mata-mata.