De naa adonoka o momoholehe yomaketetoturuuruoka yangotaka o koanoika ka hiadono o ngo Esteroo ami gahe yadono la munangoo imingotaka o koanoika. Naa muna o ngo Estere abe o Modekai ai dofo masara womietongo to una ngoi ora idodutu ngaro muna ngoi firanga abe ai ama o Abihaili ngoi ora masara ma oraha o Abihaili de ngoi fekata yohonengoka o ngo Estere ka o ngofakohi ho o Modekai womipaliara. De naa adonoka ma oraha o ngo Estere gea momahidiai la imingotaka o koanoika de muna momahinganono o Hegai ai sosawaroika dika abe hokokia momahidiai. Ho naa adonoka o ngo Estere kiani momahidiai mowohama o koanoika de muna mato mosanangi dika mapake o pakeanga de o kiahonanga abe o Hegai wairiki wato ena gea dika mapake. De o nyawa mata-mata genangoka abe imimake o ngo Estere ami hailoa ona ato muna duru morahai.
Estere 2:8 - Ma Jou ai Demo-demo o Totobelohoka8 De ma oraha ma koano gea wahuloko ai duduhunika la yalingiri o momoholehe ai kokawaahaino mata-mataika ona iwihigihene ho yahingahu-ngahu ai pareta o kokawaahaika de yaniiki ai hiaturu hiadono yaoino o moholehe manga ngoe o Susana ma kotaino de yatoomuino o koano ai tauoka. Genangoka o Hegai wagoana de wahiaturu ona mata-mataika angamoi hokogea o koano wihitagongo. De o ngo Estere munangoo imiao o Hegaiika ho muna naga o momoholehe manga doomuoka gea. အခန်းကိုကြည့်ပါ။ |
Estere 2:8
3 ပူးပေါင်းရင်းမြစ်များ
Ho ngona kiani nairiki o popareta ma nyawaino ona o propinsi homoi-homoiika abe ona ka idadi yalingiri o momoholehe hokogea o tonaka mata-mataika. De o momoholehe duru yorahai abe ahao yairiki kiani yahidingoto nenangino ani tauino o Susana ma kotaka nenanga la ka yodadi o doomu moi. De nenangoka o Hegai, ani duduhunu iwikabiirioka abe nengokadauino ai karajaanga nagau wagoana ngoni feka-fekata ma doomu, una gea ka idadi wahiaturu o momoholehe ma doomu ma hungioli. O Hegai wohioriki waduhunu o momoholehe gea la utuohi yorahai de wahidoaka onangika o minya o fara amomoiino la ihiehe manga kaiika de ena gea.