“Ho nako to ngona ani ngofaka o domoro de ai dodoto abe ko ahi himangokaua de yomaboa angamoi ngohi ko ihiwainohi o Mesiiri ma tonakino naa de ona yomaboakau, ona gea taetongo ahi ngofaka idodutu. Abe imaketero hoka o Rubene de o Simeono to ngohi ahi ngofaka idodutu, hokogenangoo o Efaraimi de o Manase. Ho ma oraha gea ahao o Kanani ma tonaka yomaregu de onangoo yamake o regu homoi-homoiino. De nako ngona ahao namakeoli ani ngofaka de ona gea ahao ka idadi haetongo to ngona ani ngofaka idodutu masara manga gogere o Kananioka gea o Efaraimi de o Manase manga tonakoka.