Estere 2:3 - Ma Jou ai Demo-demo o Totobelohoka

³ Ho ngona kiani nairiki o popareta ma nyawaino ona o propinsi homoi-homoiika abe ona ka idadi yalingiri o momoholehe hokogea o tonaka mata-mataika. De o momoholehe duru yorahai abe ahao yairiki kiani yahidingoto nenangino ani tauino o Susana ma kotaka nenanga la ka yodadi o doomu moi. De nenangoka o Hegai, ani duduhunu iwikabiirioka abe nengokadauino ai karajaanga nagau wagoana ngoni feka-fekata ma doomu, una gea ka idadi wahiaturu o momoholehe ma doomu ma hungioli. O Hegai wohioriki waduhunu o momoholehe gea la utuohi yorahai de wahidoaka onangika o minya o fara amomoiino la ihiehe manga kaiika de ena gea.

Estere 2:3 ပူးပေါင်းရင်းမြစ်များ

Estere 2:19

De ipaha o momoholehe abe yomaiduoka o koanoka yogogere manga doomu ma ngi moioli de ma oraha gea o Modekai iwihikarajaanga o koano ai tauoka de ai karajaanga o koano ai tau ma ngoranoka.

Estere 2:4

De ahao mia koano, ngona ma hirete nomiiriki momatengo onangino la nomihidadi ngoni fekata ma gou-goungu. Ho ngona nomilingiri la abe duru monihisanangi ngonaika la gea muna modadi o ngo Wasiti ami duruuru.” Hokogea manga higaro ma demo o Ahasi-werosika. De o koano wosanangi manga demoika ho wahuloko ai duduhunika la yaniiki o higaro ma demo gea hiadono idadi imaketero abe hoka ona ai datekoka yotemoka.

Estere 2:5

De ma oraha gea naga o Isiraele ma nyawa womatengo ai romanga o Modekai wogogere o Susana ma kota ma honongaka abe o koano ai tau naga genangoka. O Modekai gea ai baba o Jairi, de ai ete o Simei, de ai kuwewete o Kisi de manga tofora o Isiraele ai ngofaka o Benyamini ho ona yomahiromanga o Benyamini ma nyawa.