Estere 2:2 - Ma Jou ai Demo-demo o Totobelohoka

² De ona ai duduhunu ai datekoka iwimake manga koano abe duru womihininga o ngo Wasiti de iwihigaro unangika ato, “Mia koano, irahai ngona nomilingiri momatengoli abe ka idadi muna modadi ngoni fekata. De hokonaa ma ngekomo, ngona nahikarajaanga ani popareta ma nyawa ani tonaka ma amokika la yalingiri o momoholehe abe duru yorahai de ko ma moiuahi yomakitigi de o nauru. De ona gea ahao yatoomu nenangoka de ahao ngona nomangiriki onangino la abe muna momatengo nomihidadi ngoni fekata.

Estere 2:2 ပူးပေါင်းရင်းမြစ်များ

Dodadi 12:14

De duru hokogea ahao idadi, abe ka de yomahiadonoka o Mesiiri ma tonakika de naga o Mesiiri ma nyawa o ngo Sarai ka de imimake de ato, “Abeika, muna gea ami rahai!”

1 Kokoano 1:2

Ho ona abe duru iwidodiawo ma koanoika la iwitobaduhunu ona gea iwitemo unangika ato, “Koaho irahai ngomi mimilingiri momatengo o moholehe abe ka idadi monitobaleleani ngona mia koanoika. De munangoo ka idadi momaidu ani datekoka la ufa inimaata.”

Estere 1:10

Adonoka o wange ma tumidi o ngolo-ngolomoka gea de o koano o Ahasi-weroso iwidaluku angamoi wokere o angguru ma gohaka ilamoko masara iwidaluku ka hiadono wososanangi dika. De wahoko ai duduhunu o nau-nauru yatumidi abe yakabiirioka de wangaku onangika hiadono ka ihikaika manga tagongo la iwileleani manga koanoika ho ka ihikaika naga ai datekoka. Yatumidi gea manga roma-romanga o Mehumana, o Bisata, o Habona, o Bigata, o Abagata, o Setara, de o Kakasa. De naa manga koano naga ai behehongo onangika ho wakokiahokino.

Estere 1:14

De ona yososawaro ma titi o Media de o Peresia ma nyawa manga pareta abe ka onangohi o Ahasi-weroso wangaku, to ona manga roma-romanga o Kasena, o Setara, o Adamata, o Tarasiisi, o Merese, o Masena, de o Memukana. O hihira yatumidi gea abe ka onangohi yokokurutiye manga tonaka o Media de o Peresia ma amokika. Ho ona ka idadi ka ihikaika yoboa o koanoika de iwihingahu unangika manga hininga.

Estere 2:3

Ho ngona kiani nairiki o popareta ma nyawaino ona o propinsi homoi-homoiika abe ona ka idadi yalingiri o momoholehe hokogea o tonaka mata-mataika. De o momoholehe duru yorahai abe ahao yairiki kiani yahidingoto nenangino ani tauino o Susana ma kotaka nenanga la ka yodadi o doomu moi. De nenangoka o Hegai, ani duduhunu iwikabiirioka abe nengokadauino ai karajaanga nagau wagoana ngoni feka-fekata ma doomu, una gea ka idadi wahiaturu o momoholehe ma doomu ma hungioli. O Hegai wohioriki waduhunu o momoholehe gea la utuohi yorahai de wahidoaka onangika o minya o fara amomoiino la ihiehe manga kaiika de ena gea.

Estere 6:14

De ma oraha ka yomakoketemohi ma titi abe naa idadioka de naga o koano ai duduhunu yakabiirioka gea yoboa iwiahoko ato, “Mia baluhu o Hamana, ngomi miboa miningotaka o ngolo-ngolomika abe o koano ngoi fekata, o ngo Estere minihidiaioka.” Hokogea iwiahoko ho kiani ona gea o Hamana waniiki o ngo Estere ami ngiika.