Estere 1:21 - Ma Jou ai Demo-demo o Totobelohoka

²¹ De o koano de ai duduhunu o nau-nauru yososawaro yokokurutiye gea yokokisanangi o Memukana ai demoika ho o koano wodiai duru imaketero hoka o Memukana wihingahuoka.

Estere 1:21 ပူးပေါင်းရင်းမြစ်များ

Dodadi 41:37

Ka de yoihene o Yusupu ai demo gea de o Firaunu de ai duduhunu yokokurutiye abe manga kokawaaha yahipareta, ona mata-mata yosanangi yaniiki.

Estere 1:19

“Ho ngohi naa o Memukana tato tomahilooa ahi koanoika, ma nako ngona nosanangi naniiki to ngohi ahi hininga gea irahai ani behehongo moi ngona nodiai abe o nyawa mata-mata o Mediaka de o Peresiaka kiani yaniiki. Abe ka de o behehongo naga abe ihitulihukuoka o pareta ma bukuoka de ko idadiua o nyawa ahao yahihanga o pareta ma bukuino ngaro o koano eko onagona dika masara ko idadiua yahihanga. De ani behehongo kiani ihitararono abe o tau homoi-homoiika o kuaha igogere ma rokatoka. Angamoi o ngo Wasiti ami horomati ani kuahaika ko iwa ho naa ko idadiokaua nimakamake ho kiani muna ko imihigunoakaua moboa ngona o koano ani himangika. Ho ahao o ngofeka utuino kiani nomiiriki momatengoli de nomihidadi ngoni fekata ma gou-goungu la modadi o ngo Wasiti ami duruuru. Hokogea kiani nohibehehongo la idadi o pareta ma hungi!

Estere 1:20

De ahao ani putuhu ma behehongo gea kiani ani huhuloko nahidingoto la yahingahu-ngahu ani kokawaaha mata-mataika abe nahikoano ngaro ma gogurutika yogogere. De o feka-fekata mata-mataika ngaro ona yokokurutiye eko ona yotipokouku ma, ka de yoihene ani pareta ma hingahu gea de ihioriki o ngo Wasiti ami hohowono. Hokogea ma ngekomo la ona o feka-fekata de manga horomati yahingou-ngounu manga rokata ai kuahaika.” Hokogea o Memukana ai demo ma koanoika.

Estere 1:22

De wohuloko la ai behehongo ihitulihuku de yapake o demo imaketemomoi angamoi o Media de o Peresia ma tonakoka gea ko yomahibahasa moiua dika masara manga demo imalolihowono. De ahao o koano ai hidingoto ma nyawa ai behehongo ma hurata gea yototaka manga tonaka ma propinsi o ratuhu moi de monaoko de tumidino la yadono ona mata-mataika abe yomahikoano o Ahasi-werosika. Ho o koano ai kokawaaha mata-mataika ahao o koano ai behehongo yokokiihene de to ona manga demo abe ma kuaha o tau homoi-homoiika igogere ma rokatoka.

Estere 2:4

De ahao mia koano, ngona ma hirete nomiiriki momatengo onangino la nomihidadi ngoni fekata ma gou-goungu. Ho ngona nomilingiri la abe duru monihisanangi ngonaika la gea muna modadi o ngo Wasiti ami duruuru.” Hokogea manga higaro ma demo o Ahasi-werosika. De o koano wosanangi manga demoika ho wahuloko ai duduhunika la yaniiki o higaro ma demo gea hiadono idadi imaketero abe hoka ona ai datekoka yotemoka.