De ma oraha adonoka yosobo de utuohi iwoe o leleani ma kiahonanga abe o Sebasara watoomuinoka abe wao o Yerusaleeme ma kotaika ma oraha yoiki. Abe ka de yaetongo ma udo-udomo de ma kiahonanga hoka o mangko, de o dodai, de o leleani ma kiahonanga utu abe yodiai o gurasino de o haakaino de mata-mata adonoka o sana motoa de o ratuhu iata ma ngoe.
Esara 6:19 - Ma Jou ai Demo-demo o Totobelohoka19 De naa adonoka ma oraha o Isiraele ma nyawa kiani o Totilakuru ma rame-rame ihirame-rame. Abe o taongo adonoka o mede ihira de ma wange ngimoi de iatuku. အခန်းကိုကြည့်ပါ။ |
Esara 6:19
5 ပူးပေါင်းရင်းမြစ်များ
De manga wange iata ipahaino o Gigala ma ngioka gea de adonoka o Totilakuru ma rame-rame ma tanggala abe manga taongo ma hungi de ma mede duru ihira de ma wange ngimoi de iatuku de adaene o Totilakuru ma tanggala. Ho gea o Isiraele ma nyawa manga Totilakuru ma rame-rame ihirame-rame o Gigaloka gea o Yeriko ma dolaka. Ma Jou waturuuru o Isiraele manga taongo ma hiaturu abe ma oraha o Mesiirino yohupu. Abe ona wahihupu de gea manga mede ma romanga o Abibi yadaene. De ma dihiraino o mede o Abibi gea o Isiraele ma nyawa yaetongo manga taongo ma mede iatuku nako o Abibi gea. Masara Ma Jou wato ka de ona wahihupu manga kangelaino de gea kiani idadi manga taongo ma hungioli waturuuruoli. Ho ngaro ma dihira o Abibi o mede iata masara idadioli o mede moi abe ka de o Mesiirino yohupu angamoi Ma Jou waetongo manga taongo ma hungioli. Ho kiani o Abibi ma mede gea ona naa yaetongo la ena o taongo ma mede duru ihira. Ho naa yowohama o Kanani ma tonakika de duru adaene manga taongo ma hungi abe o Abibi ma medeuku. De o Totilakuru ma dodihiraka o Mesiirokahi yogogere gea adaene o Abibi ma mede de ma wange ngimoi de iatuku. Ho naa Ma Jou duru wohiaturu itiai la hiadono ma oraha yowohama to Una ai Behehongo ma Tonakika de enangoo yadaene o Totilakuru ma tanggala abe o Abibi ma medeoka. Ho gea manga dekanino duru manga taongo moruatino ibooto abe o Mesiirino yohupuoka ka hiadono o Kanani ma tonakika yowohama.
ကြော်ငြာတွေ