Efesusu 6:3 - Ma Jou ai Demo-demo o Totobelohoka

³ De ma behehongo ma owa gea wonahibehehongo wato nako naga nia horomati de nia hingounu nia dimonika, gea ahao “nia wowango naga de ma hofoko ma rorahaioka de nia ngumuru enangoo ikurutu o dunia ma lokuoka naa.” Hokogea ma behehongo ma owa abe ihidumutu o ngofa-ngofakika onagona dika yahingounu manga dimonika.

Efesusu 6:3 ပူးပေါင်းရင်းမြစ်များ

Efesusu 6:2

De gea ma dodihirainohi de ai pareta naga moi itemo ato, “De ngini kiani de nia horomati nia babaika de nia memeika hiadono niahingounu de niao irahai.” Hokogea itemo Ma Jou ai Paretaka ma dihiraino. De nako Ma Jou ai Pareta, gea ko mata-mataikaua de ma behehongo de ma owaka. Masara abeika ma pareta abe ma titi o ngofa-ngofaka manga hingounu manga dimonika. Ma pareta naa ena duru ikurutiye, de nagaoo abe Ma Jou wohidogo de ma behehongo ma owa enangika, la nako onagona dika yaniiki ma pareta gea, ona ahao yamake ma owa.

Efesusu 6:4

De abe ngini o ba-baba, ufa nia ngofa-ngofakika niao ko itiaiua hiadono ma titi nginioka de ona yotobangamo, ma koaho niapaliara onangika de o dodotoko de o hitiari abe gea ena imakiniiki de nanga Baluhu idodutu ai hininga ngoneino.

Higalioli 4:40

De iti ngini ka ihikaika nianiiki de niahingounu to Una ai huhuloko de ai hiaturu ma demo abe o wange naa tinidofanga nginika, gea ahao ngini de nia ngofa-ngofaka nisosanangi dika nia boriwowangoka. De gea ma titi hiadono ngohi ahi demo naa tinidofanga nginika, la ka idadi nia wowango duru ikurutu de isosanangi dika ma tonaka ma goronaka gea abe nia Jou o Yawe winihidoaka nginika. De gea winihidoaka la wato idadi ti ngini nia tonaka ka hiado-adonika.”

Ruutu 3:1

De ipahaino abe o wange moiukuoli o ngo Naomi momitemo o ngo Ruutika mato, “Ahi ngofaka, sarakia tonihidailako la to ngonaoo ani tau naga? Ngohi duru toigo la naga ani dodiawo, abe una ahao wonihidailako ani perelu mata-mata, de ngini nigogere nisosanangi.