Efesusu 6:18 - Ma Jou ai Demo-demo o Totobelohoka

¹⁸ De abe ma oraha ti ngini nia parangi ma hidailako mata-mata gea niapake, gea kiani ngini ka ihikaika nimaniata de nimagahoko o duduhunu Unangiye, angamoi enangoo duru kiani naga nia niniata abe ma oraha nia musuika nialawana. Abe ngaro hokokia dika naga abe ngini nidiai ma goronaka, ma nako Ma Jou o Womaha winitila la nimaniata, genangoka koaho nimaniata. De gea kiani ngini nimaniata de nia hininga ma magawe de ufa hiadono nimahipipidili genangino. De abe nanga gogianongoru mata-mataika iwingaku-ngakuoka, gea kiani ka ihikaika ngini ninagahoko Unangiye ma titi ngone.

Efesusu 6:18 ပူးပေါင်းရင်းမြစ်များ

1 Kokoano 9:3

Ho Una witemo ma koanoika wato, “Ngohi naa togihenoka ani gogahoko ma demo abe ma dihiraino nomagahoko ahi duduhunu. Abe Ngohi tomadingakoka ahi Tau gea abe nohigoko ibooto la idadi to Ngohi ahi Tau de tomanoa genangoka ma oraha naa de ka hiado-adonika. De to Ngohi ahi Womaha ka ihikaika naga ma Tauoka gea.

Estere 4:8

Gea mata-mata o Modekai wihingahu o Hataika de ahao wihidoaka o hurata moi abe yodiai imakadaene ma dulihi de o koano ai behehongo ma hurata o Susana ma kota ma nyawaika abe yahingahu onangika abe nako ka de o doma ma wange adonoka de o Yahudi ma nyawa mata-mata kiani yakokitoma. Ma hurata gea wihidoaka o Hataika de wato, “Kiani o hurata nenanga nomihitararono o ngo Esterika ma titi de ahao nomihigaro la moiki o koanoika de duru mogahoko unangika la ai dora ma hiokoo itagi ai kokawaahaika abe to muna ami gogianongoruika.” Hokogea o Modekai wihuloko o Hataika.

Matiusu 17:21

De o Yesusu wahitararonoli onangika wato, “Nako naga ma tokata ma rupa hokogea, kiani homaniatohi de hopuahahi de ahao ka idadi hohititoko o nyawaino. Masara nako ko homaniatikaua de ko hopuahaikaua de hohititoko, gea ko hakunua.”]

Matiusu 26:41

De ahao o Yesusu wahibehehongoli onangika wato, “Ngini kiani niwangoroka de nimaniata Ma Jouiye la ufa ma dorou inihiatara de inihikala nginika. Igoungu, nia hininga ka yomodeke masara nia badanga ko apoaua!”

Maruku 13:33

Ho kiani ka ihikaika nimaagoana de ufa ka inikiookohi o howonika, angamoi nginioo ma ko nihiorikua ahi gahe gea.”

Maruku 14:38

De ahao o Yesusu wahibehehongoli onangika wato, “Ngini kiani niwangoro de nimaniata Ma Jouiye la ufa ma dorou inihiatara de niahowono Unangika. Igoungu, nia hininga ka yomodeke masara nia badanga ko apoaua.”

Lukasa 21:36

Ho ngini koaho ka ihikaika niwangoro, de nimagahoko Unangika la ma oraha idadi de ufa ma hohowono gea mata-mata tofetongoka inidaene nginika. De nimagahokoo la ma oraha Ngohi o Nyawa ma Ngofaka toboali de ka idadi tinidafongo ma titi nia hingounu Ngohino. De mangale ma titi tinidafongo ho ngaro ufa dika de nihawana ahi himangoka.” De hokogea o Yesusu ai hitararono ma demo onangika abe ma titi ma dodunguu ahao hokokia idadi.

Lukasa 22:46

De o Yesusu watumomiki de wataere onangika wato, “Ngini naa adodoa ho inikiooko? Kiani niwangoro de nimaniata Ma Jouiye la ufa ma dorou inihiatara la hiadono niahowono Unangika.”

Lukasa 3:26

De iyeoli o Nagai una o Maata ai ngofaka, de o Maata una o Matika ai ngofaka, de o Matika una o Simei ai ngofaka. De iyeoli o Simei una o Yoseke ai ngofaka, de o Yoseke una o Yoda ai ngofaka.

Lukasa 3:37

De iyeoli o Lameke una o Metusala ai ngofaka, de o Metusala una o Henoko ai ngofaka. De iyeoli o Henoko una o Yarete ai ngofaka, de o Yarete una o Mahalale ai ngofaka, de o Mahalale una o Kenana ai ngofaka.

Hidingoto 1:14

De ona mata-mata ka ihikaika yomaketehiningamoi abe yomatoo-toomuino la yomaniata. De abe yomatoomuino nagali o ngofeka yamuruono naga, de momatengo onangino gea o ngo Maria to Yesusu ngoi meme. De o Yesusu ai doo-dodoto onangoo naga yatobaniiki onangoka.

Hidingoto 10:2

De una gea ai hininga la woigo ka ihikaika wihisanangi Ma Jouika. Ho una de ai tau ona mata-mata yomaketehiningamoi abe duru iwihoromati Ma Jouika. De una ai hininga ma rorahaiino wahidoa-doaka o hu-huha ma nyawaika, de ka ihikaika womaniata Ma Jouiye.

Hidingoto 12:5

Masara abe ma oraha o Peturusu naga o bui ma tau ma goronaka de ai gogianongoru o gareja ma nyawa ona duru de manga hininga ma gahumu yomaniata de iwigaho-gahoko Ma Jouiye la widuhunu unangika.

Hidingoto 6:4

De gea ngomi ka idadi mia hininga ma dumutu ka mia tagongo moiika dika, abe ka ihikaika mimaniata de miahingahu-ngahu Ma Jou ai Demo-demoino.”

Roma 12:12

De ngini nigogarago ma titi to ngone nanga nganganono, angamoi gea ngone duru hohioriki abe Ma Jou ahao wonahidoaka nanga utumu ngoneino. De abe nako o kangela niaohana, gea ngini nimatongohono nia ngongakuoka. De ngini ka ihikaika nimaniata Ma Jouiye.

Roma 8:15

De gea igoungu abe ngone naa hodadioka to Una ai ngofa-ngofaka. De tanu ngone homoi-homoi nanga hiningaka de hohioriki abe ai ngofa-ngofaka hodadioka angamoi Ma Jou o Womaha hiborimakeoka nanga kokihiningaka. Angamoi abeika homatailako to ngone nanga hiningaka. Abe ma dihiraino de ngone himodongo Ma Jouika abe imaketero hoka o gilaongo womatengo wimodongo ai dutuika. Masara ma oraha naa de nanga modongo Ma Jouika ko iwaka ngoneoka angamoi Ma Jou o Womaha wokarajaanga nanga hiningaka la ka idadi ngone duru hohioriki abe Ma Jou Una gea wodadioka nanga Baba. De hiadono ngone ma oraha hitemo Unangiye de hobaba Unangika de nanga hininga de ma dora.

Galatia 4:6

De gea mangale ma titi ngone hodadioka to Una ai ngofa-ngofaka, ho hidutu Ma Jou wihidingoto ngoneuku to Una ai Ngofaka ai Womaha la Una gea womanoa to ngone nanga kokihiningaka. De ai Ngofaka ai Womaha gea ka ihikaika wokarajaanga nanga kokihiningaka la hiadono ngone duru hohioriki de hongaku abe Ma Jou wodadioka to ngone nanga Baba. Ho gea ma titi hiadono ngone ma oraha homaniata Unangiye de hobaba Unangika de nanga hininga de ma dora.

Efesusu 2:22

Ho ngini abe ko o Yahudi ma nyawaua, nginioo o Kristusu winihikodofanga de nanga gogianongoru utuika la ngone mata-mata hodadi o ngi moi abe Ma Jou duru wosanangi watingaka Unangino, de hiadono hodadi o ngi moi abe o kiaka Ma Jou o Womaha ka idadi womanoa ngoneoka.

Efesusu 3:18

De hokogea tinigahoko Unangiye kangano la to Una ai buturungu gea nia kokihiningaka ka idadi inihiakunu hiadono duru niataoko itiai abe Ma Jou ai dora gea hokokia ma ngoata, de hokokia ma gurutika, de hokokia ma lukuku, de hokokia ma gurutiye abe ai dora gea ngoneino. De gea tanu to Una ai nyawa mata-mataika koaho onangoo yataoko itiai abe hokokia ma amoko to Una ai dora onangika.

Efesusu 3:8

De gea ngohi duru toheranga abe ma tagongo ma hohailoa gea wohihidoaka ngohino, angamoi nako ngohi de o nyawa utu mata-mata iwingaku-ngakuoka, ma ka ngohiohi tanu duru ko kia-kiaua ihidaene. Masara ngaro hokogea ngohi, ma Una wohihitagongo de ma karajaanga ma hohailoa gea la wato ngohi tahingahu-ngahu abe ko o Yahudi ma nyawaikaua ma titi to Kristusu ai owa abe ngone ai nyawaino. De gea ai owa duru ma amoko de duru ka irahaiholi hiadono ko hakunua ngone hatuga, de nanga hiningaka enangoo ko aboaikaua genangika.

Efesusu 6:19

De gea togahoko la ngohioo ngini nihigahoko Unangiye la ma oraha ona yotobauru-urusu manga himangoka de Una ka idadi wohihidoaka ma demo abe duru itaana, de ka hiadono Una wohihitomoroini ngohino hiadono ka ihimoroini tohingahu onangika ma titi o Abari ma Rorahai. Abe ai dogogono ma Abari gea ma dihiraino de ka agogonohi masara naa ngohi tato tahitararono o Abari ma Rorahai gea la o nyawa yataoko duru itararono.

Filiipi 1:4

De ma getongo tomaniata ma tinigahoko nginioo mata-mata, de gea tomaniata de ahi garago,

Filiipi 4:6

De ngaro o huha o kia dika naga idadi, ma, ufa hiadono duru nipusingi doka nia hiningaka ma titi ena gea, masara o huha o kia dika niamake de nimaniata Ma Jouika. Abe Unangika nia huha ma gogahoko niwihingahu de o duduhunu nimagahoko Unangino. Masara abe o duduhunu nimagahoko, gea iti naga nia tarimakase abe de ma oraha nimagahoko.

Kolose 1:3

Ngomi naa ma getongo mimaniata ma titi ngini Ma Jouiye, abe nanga Baluhu idodutu o Yesusu Kristusu ai Babaiye, de mia niniata ma goronaka gea de mitarimakase Unangiye ma titi ngini.

Kolose 1:4

Angamoi ngomi miihenoka ma titi nia ngongaku o Yesusu Kristusika de abe ma titi nia doraoo itagi Ma Jou ai nyawa mata-mataika.

Kolose 4:2

De naa ka tinihibehehongohi ngini mata-mataika. Kiani ka ihikaika nimaniata de ufa o niniatino nimahipidili. De abe ma oraha nimaniata, kiani ka ihikaika niwangoro de kiani nagaoo nia tarimakase Unangika.

1 Tesalonika 5:17

de kiani ka ihikaika nimaniata Unangiye,

1 Timotiusu 2:1

Ho naa, ahi ngofaka, abe ma titi ani karajaanga o garejaka, duru ihira ngohi tonihigaro la ngini niwingaku-ngaku nimaniata de o nyawa mata-mataika niagahoko Ma Jouiye. Abe kiani ona niagahoko Ma Jouiye la to Una ai owa de ai duduhunu ona yamake, de abe ma oraha nimaniata de kiani nitarimakaseoo Ma Jouika ma titi ona.

2 Timotiusu 1:3

Ahi ngofaka o Timotiusu, ngohi duru totarimakase Ma Jouiye ma titi ngona ani ngongaku iahumu Unangika. De ngohi o futu-futuiye de o wange-wangeiye tonihohininga ngona de hiadono totarimakase Unangika ma titi ngona abe ma oraha ahi biaha o nyawa tatobagaho-gahoko, ho gea ngaro ngonaoo ma tonitobagahoko. De igoungu ngohi tomaniata de tileleani Ma Jouiye abe imaketero hoka ma dihiraino ahi totofora onangoo yomaniata de iwileleani Unangiye. De gea ngohi tileleani de ahi hininga ma debi-debinino tapake abe tohioriki hokogea itiai tileleani.

Filemono 1:5

Abe totarimakase Unangiye angamoi naga tonigihene abe ngona ningaku nanga Baluhu idodutu o Yesusika de abe nadora Ma Jou ai nyawa mata-mataika.

Ibarani 5:7

De nako ma dihiraino ma oraha o Yesusu nagahi o dunia ma lokuokahi de Una naga de ai roehokahi abe imaketero hoka ngoneoli, de ma oraha gea Una duru womaniata de o duduhunu womatobagahoko ai Babaiye, abe womaniata de ai ilingi ma amokiye de nagali ai koongo itifa. De abe womagahoko o duduhunu ai Babaiye de gea ai Baba tanu ka idadi widuhunu la ngaro ufa dika de ai Ngofaka wohonenge. De mangale ma titi o Yesusu womahitipokouku de wihoromati ai Babaika, ho ai Baba wigihene de wopaluhu ai niniata ma demoika de widuhunu Unangika.

1 Peturusu 4:7

De naa tinihihohininga nginika abe o dunia ma bobaha itigioka. Ho mangale gea itigioka ho ngaro o kia dika niohimanga masara ngini nimatongohono ma dorouino de nihidodiai la ka ihikaika nimaniata.

Yudasa 1:20

Masara nako ngini ahi gogianongoru abe ngohi duru tinidora nginika, ufa ngini nimaaduru abe hoka onangoli gea. Masara ngini kiani nimahiketehiputurungu Ma Jouika abe ma titi nanga ngongaku ma dodotokoka de aino. De nanga ngongaku ma dodotoko gea ngaro o dodotoko utu mata-mataika ma ka nenangohi duru itebi-tebini. De ngini kiani ka ihikaika nimaniata de gea nimahinganono Ma Jou o Womaha ai kuahaika la gea Una winihihira-hira nia niniata ma goronaka.

1 Samuele 1:12

De o ngo Hana naa momaniata Ma Jou o Yaweika de o Eli gea womilega-lega.