Efesusu 6:1 - Ma Jou ai Demo-demo o Totobelohoka

¹ De nako ngini o ngofa-ngofaka, gea ngini niahingounu nia dimonika, angamoi hokogea to nanga Baluhu idodutu ai hininga ngoneino abe wato itiai o ngofaka yahingounu manga dimonika.

Efesusu 6:1 ပူးပေါင်းရင်းမြစ်များ

Dodadi 28:7

De o Esau wohioriki manga baba de manga meme o Yakubu wahingounu angamoi woikoka o Mesopotamia ma tonakika.

Dodadi 37:13

De ko manga dekanino genangoka ho o wange moiuku o Isiraele wihibehehongo o Yusupika wato, “De naa ani ria-riaka manga dekanoka o Sikemoka yogoana nanga duduono ho ngohi toigo la ngona natutumu.” De o Yusupu wipaluhu ai babaika wato, “Iya, ngohi tosanangi dika toiki.”

Dodadi 48:12

De ahao o Yusupu ai ngofa-ngofaka wahirehene manga ete ai himangino de ahao de ai horomati ma gahumu womaponuku ai baba ai himangoka ka hiadono ai pea itiki o meheluku.

Dodadi 50:12

Manga huha o minggu moi gea ipaha de ahao o Yakubu ai ngofa-ngofaka yodiai hoka manga baba wahibehehongoka.

Estere 2:20

Naa ngaro o ngo Estere modadioka o koano ngoi fekata ma gou-goungu masara muna ko ma moiuahi momahingahu onangika o koano ai tauoka abe onagona honanga yadaene ami dutu-dutu de abe muna o Yahudi ma nyawa. De ko momahingahua angamoi muna mohingounu o Modekai ai demo munangika imaketero hoka ma dihiraino abe ami etetekino de duru mihingounu abe ma oraha womipaliara ai tauoka.

Higiriiri 19:8

De o Yawe ai behehongo gea ma owa dika, ho nako haniiki ka idadi inahigarago. O Yawe ai huhuloko ka itebi-tebini dika mata-mataika, ho inahitararono nanga hininga ma lakoino.

Sosawaro 1:8

Naa ngini ahi ngofa-ngofaka kiani nitotoihene, abe nia baba winitemo nginika kiani nihigihene abe gea ai dodotoko nginika. De abe nia meme minidotoko, enangoo nimihigihene de ufa niodokaowara ami demoika gea.

Sosawaro 6:20

Ahi ngofaka tohigalioli tonihingahu kiani nohihingounu ngohi ani baba ahi behehongo ngonaika de ufa noporetika ani dodotoko abe namake ngoni memeino.

Lukasa 2:51

De ahao ona yomakiniiki yolio manga kapongo o Nasaretika de Una ka ihikaika watobahingounu ai dimonika. De to Una ngoi meme muna ami hiningaka de duru mongano-nganono gea mata-mata abe idadioka de Una.

Roma 12:2

De ngini ufa nimaaduru abe hoka o dunia ma nyawali manga datoro yotobadiai, masara koaho nimahigunoa la nia wowango Ma Jou waturuuruoka. Abe Una ka idadi waturuuru nia hininga homoi-homoi de o hininga ma hungioli la hiadono ngini niakunu niataana Ma Jou ai mauika. De gea to Una ai mau la ngini nihioriki ma datoro o kia abe ma rorahai, de abe o kia iwihisanangi Ma Jouika, de gea ahao ti ngini nia wowango duru itiai to Una ai himangoka.

Roma 16:2

De ngohi togahoko nginika la nimidafongo muna gea abe hokokia itiai nanga Baluhu ai nyawa yomakadafongo. De togahokoo la ngini nimiduhunu de ami perelu abe o kia dika naga, angamoi munangoo nengokadauino de maduhunoka o nyawa yowoe-woeika. De ngaro ngohi naa ma hirete masara ngohioo mohiduhunoka. Ho ngohi duru togahoko nginika la nimidafongo irahai nanga gianongoru o ngo Febe.

Roma 7:12

Ho ka idadi tohigalioli abe ahi demo kangano abe ngohi tato nako Ma Jou ai Pareta, gea ko itoroua masara ka itebi-tebini dika, de to ena ma demo mata-mataika gea duru ka itotiai dika de irorahai angamoi Ma Jouoka de aino iboa. Masara ma howono gea duru imanoa ngohioka angamoi ko tanii-niikua ai Paretaika.

1 Korintusu 15:58

Ho, ahi gogianongoru abe duru tinidora, mangale ma titi ngone holaku nanga Baluhoka de duru honganono ahao nanga momomiki hamakeoka, gea hiadono naa ngohi tinihigaro. Ngohi tinihigaro tato ngini kiani nimahingutukuku nia ngongakuoka la hiadono genangoka duru ko nilage-lageua. De kiani ka ihikaika nianiiki nanga Baluhu ai karajaanga abe winihitagongoka nginika. Abe ngini nihioriki nia karajaanga gea ko parahajaua angamoi nanga Baluhoka de aino iboa ma karajaanga gea. De nihiorikoo abe nia momomiki ma nganganono, gea o nganganono moi duru ma gou-goungu. Hokogea ahi higaro ma demo nginika.

1 Timotiusu 5:4

Abe nako o bao-bao gea nagahi manga ngofaka eko manga danongo utu, gea de ahao kiani manga dutuohi gea yahidailako manga dimono gea ami perelu. Angamoi hokogea to ona manga tagongo kiani yatihira la aniiki Ma Jou ai mau abe ngone hingaku-ngakuino. De hokogea manga ngofaka eko manga danongo ka idadi ihiboa o balaha moi manga dimono de manga beika, de gea duru iwihisanangi Ma Jouika.

1 Peturusu 2:13

De naa moioli tinihibehehongo nginika la nia datoro imakiniiki de Ma Jou ai mau nginika. De gea tinihibehehongo la ngini niahigihene o popareta ma nyawa mata-mataika. Abe ngaro ma koanoika abe ka unangohi ai kuaha ikurutiye o poparetaka,

Ruutu 3:5

De o ngo Ruutu mosanangi maniiki ami demo gea mato, “Ngohi ahao duru taniiki de todiai abe hoka nohihibehehongoka.”

1 Samuele 17:20

Ho ma dawangeino o Dautu ka de womomiki de ka wongorumu wosobo de ma inomo wao abe una o futuinohi womahidiaiokau. De to una ai duruuru wohiaturokau la unangoli ka idadi manga domba wogoana. De woiki waniiki ai baba ai behehongo mata-mata. De ka de womahiadono o Isiraele ma tentara manga doomuika de wadaene ma oraha yomahidiai yosobo manga loku ma geleforino yomatatorika. De o parangi ma hagaaga yaamo-amokiye la yomahitunguu manga dohata manga musuika.