Efesusu 5:33 - Ma Jou ai Demo-demo o Totobelohoka

³³ De masara naga ma titi moioli abe Ma Jou ai demo naa ma goronaka. De gea inadotoko abe nako o rokata homoi-homoi, gea ngini kiani nia fekatika niadora abe imaketero hoka ti ngini ma hirete nia badangika nioodora. De abe nako ngini o feka-fekata, gea ngini kiani naga nia horomati nia rokatika. De hokogea Ma Jou ai hininga abe ma titi ngini o gogiaberekika.

Efesusu 5:33 ပူးပေါင်းရင်းမြစ်များ

1 Kokoano 1:31

De o Dautu wotemo ibooto de ngoi fekata o ngo Baseba momamotumuku ai himangoka de ahao motemo mato, “Ahi baluhu de ahi koano, ngohi tonganono la ka ihikaika to ngona ani wowango naga de ma owaka duru ma hohailoa!”

Estere 1:20

De ahao ani putuhu ma behehongo gea kiani ani huhuloko nahidingoto la yahingahu-ngahu ani kokawaaha mata-mataika abe nahikoano ngaro ma gogurutika yogogere. De o feka-fekata mata-mataika ngaro ona yokokurutiye eko ona yotipokouku ma, ka de yoihene ani pareta ma hingahu gea de ihioriki o ngo Wasiti ami hohowono. Hokogea ma ngekomo la ona o feka-fekata de manga horomati yahingou-ngounu manga rokata ai kuahaika.” Hokogea o Memukana ai demo ma koanoika.

Efesusu 5:22

De ngini o feka-fekata, niahigihene nia rokatika, angamoi hokogea nanga Baluhu idodutu ai mau nginika.

Efesusu 5:25

De ngini o roka-rokata, kiani nginioo niadora nia fekatika abe gea imaketero hoka o Kristusu wonadora ngone ai garejaino ho hiadono to Una ai wowango womahidoaka la wonaduhunu.

Efesusu 5:32

De naa to Una ai demo ma goronaka naa naga Ma Jou ai dogogono moi abe to ena ma titi duru ma lukuku, masara ngohi tapake la gea idadi o hiketero abe ma titi o Kristusu de abe ngone ai gareja. Angamoi ngone naa hodadioka to Una ai badanga ma kiahonanga, ho gea ngone de Una hodadioka moi, de gea duru imaketero hoka o rokata womatengoani de ngoi fekata onangoo yodadioka moi.

Kolose 3:19

De nginioli o roka-rokata, kiani niadora nia fekatika de ufa niao ko itiaiua.

Ibarani 12:9

De ngaro to ngone homoi-homoi nanga baba o duniaka naa, ma onangoo inadotoko ngoneino, de gea hahoromati onangika. Ho gea nako ka idadi hahoromati nanga babaika o duniaka naa, hongoli kiani Unangikahi hihoromati de hihingounu nanga Baba o Horogaka la gea duru howango irahai Unangoka.