Efesusu 5:29 - Ma Jou ai Demo-demo o Totobelohoka

²⁹ De ngaro ma dodihirainohi ka hiadono ma oraha naa, masara gea duru ko iwa o nyawa abe to ona ma hirete manga badangika yoodohata. Masara ngone o nyawa mata-mata homahidailako de homapaliara nanga badanga homoi-homoi, abe gea imaketero hoka o Kristusoli wonahidailako de wonapaliara to Una ai garejaino,

Efesusu 5:29 ပူးပေါင်းရင်းမြစ်များ

Dodadi 2:23

Ka de o Adama womimake de wotemo wato, “Oo, naa duru tosanangi, muna naa hoka ngohioli, Ami kobongo idadi to ngohi ahi kobongino, De ami roehoo idadi to ngohi ahi roehino, Ho muna naa tomihiromanga o ngofeka, Angamoi muna naa Ma Jou womihidadi o naurino.” Hokogea o Adama ai demo.

Yesaya 40:11

De Una watobapaliara ai nyawaika gea imaketero hoka o domba ma gogoanoli watobagoana ai domba ma duduono. Abe ma domba ma ngofaka wagorakiye de watotiri ai aluino, de ma domba ma mayo Una wahihira-hira ma ngekomino.’”

Matiusu 23:37

De ahao o Yesusu wotemoli o nyawa yowoe-woeika wato, “Hiokoo ngini o Yerusaleeme ma nyawa naa! Angamoi ngaro Ma Jou wahidingotoka ai nyawa manga ngoe nginika abe utu ai uru ma dodofanga de utuoli ai abari ato inihingahu nginika, masara ona gea ngini niatomaka. Abe utu onangino ngini niahakaru onangika ka hiadono yohonenge. Ho gea inihitaana abe ngini niaoluku Ma Jou ai demo nginika. De ngaro ngini nia hininga hokogea masara Ngohi naa ma ngoe toigo tapake ahi hininga ma dora nginika masara Ngohioo nihioluku. De gea tonahiketero abe Ngohi hoka o kuru-kuru ma mayo abe yoigo atoomuino to ena ma ngofa-ngofaka ma gafuufu ma timiuku la duru imahidutuku ma mayoika. Masara ngini naa nioluku niboa Ngohino.”

Matiusu 6:26

“De gea tanu ngini nimaketero dika abe hoka o totaleo daku ma hoanino. Abe ma totaleo gea ngaro ufa dika ma inomo imadatomo de ngaro ufa yodamaa hiadono o gugutuku ma oraha. De gea ena ngaro ufa imadoomu ma inomo abe to ena ma ngioka la ahao naga to ena ma inomo. Angamoi ti ngini nia Baba o Horogaka Una gea ahao wohidailako to ena ma inomo ma totaleoika. De nako ngini naa de ma totaleo, gea duru ka nginiohi nikurutiye Ma Jou ai himangoka. Ho mangale ma titi Una wohidailako enangika to ena ma inomo, ho hongoli ngini ka idadi nihioriki abe ti nginioo nia inomo ahao winihidailako nginika.”

Roma 1:31

De nagali abe hamake onangoka abe manga hininga itagi ko itiaiokaua ho yobodo, de ngaro yomahiketehibehehongoka masara manga behehongo gea yawohanga de ko ihingodumua. De ona manga dora duru ko itagiua o nyawa utuika, de nako o nyawa yahowono onangika gea manga howono duru ko yaofiua masara ka yataere dika onangika. De hokogea manga datoro ma dorou abe aomangoka to ona gea manga hiningaka.

Efesusu 5:28

Ho nako ngini o roka-rokata, nginioo kiani duru niadora nia fekatika abe imaketero hoka o Kristusu wonadora to Una ai garejaino. De gea ma titi kiani ngini niaduhunu manga wowangoka hiadono ona utuohi yotebini to Una ai himangoka. De abe imaketero hoka ngone hoodora de hoolega to ngone ma hirete nanga badanga ma pereluika, hokogenangoo ngini o roka-rokata kiani nia fekatika niadora. De o nauru onaguna dika abe womidora ngoi fekatika, gea tanu to una ma hirete ai badangika woodora, angamoi ona gea yahinooto yodadioka o badanga moi.

Efesusu 5:30

angamoi ngone homoi-homoi hodadioka hoka to Una gea ai badanga ma kiahonanga.

Efesusu 5:31

De ahi dodotoko naa duru imakiniiki de abe hoka ma dihirainohi de ihitulihukuoka Ma Jou ai Demo-demoka abe itemo ato, “De gea ma titi ho hiadono o nauru yomatingaka manga baba de manga memeino la gea yogogere moi de manga fekata la gea ona yodadioka moi.” Hokogea itemo Ma Jou ai Demo-demoka.