Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efesusu 5:24 - Ma Jou ai Demo-demo o Totobelohoka

24 Ho gea imaketero hoka ngone o garejaka hihigihene o Kristusika, ho ngini o feka-fekatoo ngaro hokokia dika naga, ma koaho naga nia higihene nia roka-rokatika.

အခန်းကိုကြည့်ပါ။ ကော်ပီ




Efesusu 5:24
10 ပူးပေါင်းရင်းမြစ်များ  

“Ngini kiani nihidodiai nianiiki mata-mata naa abe tinihingahuoka. De ngini kiani nimahuba de nimaniata Ngohi Ma Jouino dika ho duru ko idadiua nimahuba eko nimaniata o popangaoika. De ngaro nifetongo o popangao ma roma-romangika ma ko idadiua.”


De ona yotagi-tagi de yaniiki ai behehongo gea manga dodagioka de ahao ipahaino de ona yamoritumidi iwigilioli o Yesusino. De ona mata-mata duru yogogarago de yoade-ade Unangika ato, “Ngomi ka idadi o nyawa manga popanyake miakunu miahitogumu, de hongoli ma toka-tokata imihingounu abe ma oraha mihititoko de miapake to Ngona ani romanga, de gea ka ikokiloaroka!”


Angamoi nako o rokata womatengoani, gea ngoi fekata ami haeke, de gea ka imaketero dika abe hoka ngone o garejaka hodadioka to Una ai badanga ho o Kristusu Una gea to ngone nanga haeke. De nako Una gea, Una womahidoaka ai wowango la wodadi to ngone nanga Duduhunu o garejaka.


De ngini o roka-rokata, kiani nginioo niadora nia fekatika abe gea imaketero hoka o Kristusu wonadora ngone ai garejaino ho hiadono to Una ai wowango womahidoaka la wonaduhunu.


De masara naga ma titi moioli abe Ma Jou ai demo naa ma goronaka. De gea inadotoko abe nako o rokata homoi-homoi, gea ngini kiani nia fekatika niadora abe imaketero hoka ti ngini ma hirete nia badangika nioodora. De abe nako ngini o feka-fekata, gea ngini kiani naga nia horomati nia rokatika. De hokogea Ma Jou ai hininga abe ma titi ngini o gogiaberekika.


De ngini o ngofa-ngofaka, ngaro o kia dika naga, masara kiani nia dimo-dimono niahingounu, angamoi nia hingounu gea iwihisanangi nanga Baluhu idodutuika.


De ngini o gogilaongo, nginioo kiani niahingounu nia dutu o duniaka naa. Ngaro o kia dika ona inihuloko, ma, kiani naga nia hingounu onangika. Masara ufa nia dutu manga himangoka de ahao naga nia hingounu onangika la niato nia dutu inisanangi nginika. Ufa hokogea dika nia hingounu, masara ngini kiani nialeleani itiai onangika de nia hininga ma rorahai, de gea ihititi de nia horomati ma gou-goungu nanga Baluhu idodutuika.


De abe ngona ma hirete, ngonaika tonihibehehongo tato kiani notobadiai abe ma rorahai la ani gogianongoru ka idadi yomaaduru abe hoka ngonali ani wowango ma datoro ma rorahai. De abe ma oraha ani gogianongoru manga himangoka de nadotoko, gea kiani nadotoko onangika de ani hininga ma hohailoa dika. De kiani ani dodotoko gea nao itiai de gea ani demoka ufa hiadono yafikiri ato ka o hawaliti dika ma demo, done ahao ko iwa manga horomati ngonaika.


Ho naa moioli tonihibehehongo ngonaika, abe nanga gogianongoru genangoka abe ona gea ka o nyawa manga gogilaongohi, onangikaoo ma kiani nadotoko. De gea kiani yomahitipokouku manga hidimono manga himangoka, abe ngaro o kia dika ahao yohimanga, masara kiani naga manga hingounu manga hidimonika. De gea kiani ona yamagawe la yahisanangi manga hidimonika, de ufa yotariana onangika.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ