Efesusu 4:3 - Ma Jou ai Demo-demo o Totobelohoka

³ De kiani nihidodiai niogoana ti ngini nia rimoi abe Ma Jou o Womahoka de aino iboa. Abe gea Una winihidoaka o dame nginika la ma titi genangino hiadono nimaketerimoi abe o badanga moioka, ho gea nia rimoi ngini kiani nihidodiai niogoana. De nako hokogea mata-mata nianiiki nia wowango ma goronaka, gea ahao ngini niataana to Una ai mau nginika.

Efesusu 4:3 ပူးပေါင်းရင်းမြစ်များ

1 Kokoano 16:21

Masara o Isiraele ma nyawa ko mata-mataikaua iwisanangi o Omirika hiadono ai kokawaaha yoregu hinooto. O regu moi yoigo yomahikoano o Omirika de ma regu moioli ko iwiigoua masara ona ato kiani o Ginata ai ngofaka o Tibini kiani una dika o Isiraele ma nyawa iwigoraka la iwihidadi manga koano ma hungioli.

Huhupu 28:32

De daku nidiai ma baju ma tomarino abe niodumo ma lawe ma hai-haiti la ma ngoere ipirini de ufa itaiti ma lawe itoaka.

Tobadotoko 4:12

De nako naga o nyawa abe inahidee la inangino, gea igapanga inahikala nako homatengo dika. Masara nako de nanga dodiawoka, gea hatoli o nyawa yokangela inahikala angamoi inahinooto. De irahaioli nako inaruange naga de homakuduhunu halawana. Abe gea imakadaene dika hoka o tali moi abe to ena ma boronge hangeika la duru iputurungu de ko igapangua itoaka.

Maruku 3:24

Hokonaa moi tohiketero. Abe nako o koano womatengo de to una ai kokawaaha yomahikokoona yomaketeparangi, gea ahao yomahikabarihika dika.

Yohanese 13:34

“De naga o pareta ma hungi tinihidoaka nginika, kiani nimakodora. Duru imaketero hoka Ngohi tinidora, hokogenangoo kiani ngini nimakodora.

1 Korintusu 1:10

Ahi gogianongoru, naa moi tinihibehehongo de to nanga Baluhu o Yesusu Kristusu ai romanga tapake abe tinihibehehongo la ngini mata-mata nimaketehiningamoi de ibootohi nimaketeliliara nia doomu ma goronaka. Abe tinihibehehongo la ti ngini mata-mata nia hininga de nia putuhu duru ka moi dika.

2 Korintusu 13:11

De naa, ahi gogianongoru, ahi hurata tohibobaha de ahi higaro ma demo naa. Abe ngohi tinihigaro la ngini nigogarago, de nilio Ma Jou ai totiaiika. De ngohi toigo la ahi higaro ma demo niodafongo abe ahi huratoka naa, de nagali toigo la nia doomuoka nimakao irahai de nia hininga ma miriidi. De nako ahi demo gea mata-mata nianiiki, ahao Ma Jou ai hininga ma dora de ai hininga ma miriidi ka idadi niamake abe Una winihidoaka nginika. Angamoi Unangoka dika o dora de o hininga ma miriidi.

Efesusu 4:13

ka hiadono ngone mata-mata duru homaketerimoioka nanga ngongakuoka de nanga tobahiorikoka abe ma titi Ma Jou ai Ngofakika. De nako hokogea idadioka nanga rimoi, gea ma titi ngone duru hobaluhoka o Kristusika, abe ka ihikaika hoaguru la homaaduru abe hoka to Unangoli ai hininga.

Efesusu 4:4

Angamoi ngone naa mata-mata igoungu hodadioka hoka o badanga moi Unangoka, de abe Ma Jou o Womaha, Una gea ka womatengo dika, masara Una naga womanoa ngone homoi-homoi nanga badangoka. De ngone mata-mata nanga nganganono gea ka moi dika abe ahao dokengoka nanga utumu hakokimake.

1 Tesalonika 5:13

De onangika ngini kiani duru niahayanga de niadora ma titi ona manga karajaanga ma amoko nginioka la ato iniduhunu nginika. De ngini mata-mata genangoka kiani nimakao irahai de nia hininga ma rorahai dika.

Ibarani 12:14

De ngini kiani duru nimaribuutu la ka ihikaika nimakao irahai ngini de o nyawa mata-mataika la o hininga ma miriidi ilaku nginioka. De kiani nimaribuutuoo la o hininga ma debi-debini ka ihikaika nianiiki, angamoi nako hoka ngini ko nianiikua, gea ahao hatoli nimaketero hoka o nyawa abe ko yotebinua. De gea hohioriki ona gea ahao duru ko idadiua iwimake Ma Jou.