Abeika, o wange naa de parahaja dika tomaredi de Ngona ko nohidafongokaua ho Ngonaka tomatingakoka. Ngohi kiani ka ihikaika totagi-tagi dika de ahi dodogumu ko iwa o duniaka. Ho ngohi naa ahao ka ihikaika o nyawa ihimake hoka o homoa ma nyawa ho done ka de ihimake de ihihidee la ato ihitoma.” Hokogea o Kaini ai hawana ma demo.
Dodadi 9:6 - Ma Jou ai Demo-demo o Totobelohoka6 Onagona dika abe o nyawa utu manga awunu yakopoa, To onangoo manga awunu kiani ahao o nyawa utuoli yakopoa, Mangale o nyawa ngade-ngade hoka Ngohi Ma Jouoli, De angamoi hokogea Ma Jou wahidadi o nyawa, Ho hiadono ko idadiua o nyawa niatoma. အခန်းကိုကြည့်ပါ။ |
Dodadi 9:6
32 ပူးပေါင်းရင်းမြစ်များ
De o Rubene womademo ai doo-dodotika wato, “Masara ngohi dika tinitaere tato, nanga dodoto ho ufa hahowono unangika. Hokogea ahi demo nginika e? Masara nia riaka ko nihihigihenua! Ho nanga dodoto ai awunu ikopoa de naa ai hibalaha inadaenoka. Ho nanga dodoto wohonenge de naa ma bahaika de ngoneoo hohonenge angamoi nanga dodoto hitomaka.”
Ho o wange naa de marai ahi datoro imaketero dika abe tinihibalaha nginika! Angamoi ngini naa niwitomaka o nauru womatengo abe ko iwa ai howono, abe una iwikiooko to una ma hirete ai koioka de to una ma hirete ai tau ma goronaka. De ti ngini nia datoro gea duru itorou ho ngohi tato itiai nia howono ma tagongo imanoa nginioka dika. Ho koaho irahai nako o duniaino inihirehenoka!”
Masara ngaro hokogea to ngohi ahi behehongo, gea ko ma titiua abe to una ai datoro gea itiai, angamoi gea duru wahowono. Ho ma oraha naa de una gea tihidoaka ani giama ma hoatika la ngona nahiaturu ai wowango ma baha abe hokokia dika imakataana de to ngona ani hininga. Angamoi ngona naa duru nososawaro ho ka idadi naputuhu koaho hokokia una gea ai hohonenge. Iti nohihibalaha ngohi la to una ai hohonenge hatoli itorou.” Hokogea o Dautu ai behehongo ma demo ai ngofaka o Saloomoika.
“Masara nako idadi abe yomatengo yahipoha manga dodiawo de o behi eko de o hakaru ma amoko eko de o gota de gea ma titi hiadono manga dodiawo yohonenge, gea imakohowono. Nako hokogea manga datoro de ahao ka idadi yaetongo ato ona yatomaka o nyawa, de onagona dika yatoma-toma, ona gea kiani yahohowono de o hone-honenge.
“De nako ngini mata-mata nianii-niiki to Ngohi ahi hiaturu naa nginika, gea de ahao ti ngini nia tonaka ko ipesekua masara ka itebini dika. Angamoi nako o doma, ma howono gea ka idadi ihipeseke nia tonaka ahi himangoka. De naga moi dika ma ngekomo la ka idadi ihitebini nia tonaka nako ihipesekoka de o doma, de gea ma nyawa onagona dika abe yatomaka manga dodiawo kiani yahohowono de o hone-honenge ma hohowono onangika.
De igoungu ngone hihigiriiri nanga Baluhu idodutu de nanga Babaika ma titi nanga akirino gea. Masara nanga akiri genanginoo hapake la o nyawa utuika hahikoboto de ma dorou. Masara tanu gea ena duru ko itiaiua angamoi onangoo o nyawa abe Ma Jou wahidadi la onangoo ngade-ngade hoka Unangoli, ho gea ngone hahikobotoka to Una ai dulaadaika abe ona gea ngade-ngade yomaketero hoka Unangoli.
Ma dihiraino de Ma Jou wohiaturoka la to Una ai nyawa utu yataokino de yatoma. Ho onagona dika nginioka abe Una wato ahao ngini initaokino, ngini gea kiani initaoko de inibuika. De onagona dika abe Una wato ahao o nyawa initoma, ngini gea ahao kiani nihonenge ma titi o nyawa manga giamoka. De ngaro ahao kiani idadi hokogea nginioka, masara ma oraha gea ngini Ma Jou ai nyawa kiani nimatongohono de ufa nimahipipidili nia ngongakuino.
Masara o Samuele witemo unangika wato, “Naa idadi ngonaika duru imaketero hoka ngona ma ngoe nodiai o nyawaika. Abe de to ngona ani humaranga o ngo-ngofeka manga ngofa-ngofaka o nau-nauru nahihihanga ko manga ngoe de duru imaketero hokogea ngohi naa to ngona ngoni meme ami ngofaka tihihihanga.” Ka de hokogea o Samuele wotemo ibooto de ahao o humaranga wagoraka de o Agaga gea witobi-tobikuku Ma Jou o Yawe ai himangoka o Gigaloka.
ကြော်ငြာတွေ