Dodadi 9:25 - Ma Jou ai Demo-demo o Totobelohoka

²⁵ De gea o Nuhi woihene de duru ko wosanangiua ho ma titi o Haama ai howono gea hiadono o Nuhi ahao ai ngofaka gea wigahoko Ma Jouika wato, “Ma Jou nihohowono o Haamika, Hiadono ai hohowono gea ahao iwihidotadaene ai ngofaka o Kananika, De to una ai totoforaukuoo yahidotadaene, Ona yokokidadi manga ria-riaka manga huhuloko yahitipokouku.”

Dodadi 9:25 ပူးပေါင်းရင်းမြစ်များ

Dodadi 3:14

De ahao Ma Jou o Yawe wotemo o dodihaika wato, “Angamoi muna gea nomibudioka ho Ngohi tonihohowono hokonaa. Ngaro o aewani mata-mata ma ka ngona dika namake o hohowono naa: ngona nomalia-liara de ani pokoro ho nako notagi-tagi nahohohurudaka o tonaka ma kafo, ka hiado-adonika ani wowango.

Dodadi 4:11

De angamoi gea ngona nitomaka hiadono ani dodoto ai awunu ahiihoka o tonakuku ho o tonakino tapake la tonihohowono.

Dodadi 49:7

O sadeino manga ngamo ho tahidohohowono angamoi ihaukuholi, De manga dohata tahidohohowono angamoi yotualonoholi, Ho gea manga totoforauku ahao tahikokabarihika, Hiadono yogogere o Isiraele ma tonaka mata-mataika.

Dodadi 9:18

O Nuhi ai ngofa-ngofaka abe youti o kapaino ka ma moi de manga baba, yahange dika de manga romanga o Seeme, o Haama, de o Yafete. Ho o dunia ma nyawa mata-mataika yomaboa o Nuhi ai ngofa-ngofakino ngaro o dunia ma amokika o nyawa yomahikokabarihika ma, yahangeino gea to ona manga tofora mata-mata. De o Haama to una ai ngofaka womatengo ai romanga o Kanani ho o Kanani ma nyawa manga tofora o Haama.

Dodadi 9:22

De ahao o Kanani ai baba o Haama wowohama o Nuhi ai tau ma goronaika de wimake ai baba ka ai bululunoka. Ho ka de wohupuino de wihiade-ade ai ria-riakika.

Dodadi 9:24

De gea o Nuhi ahao ko iwidalukokaua angamoi wowangoroka de naga iwihingahu abe kangano o Haama wihiade-ade ai baba, ho ai hiade-ade ma demo gea woihene.

Matiusu 25:41

“De gea totemo ipahaino abe ahi nyawaika de ahao Ngohi tatemoli onangika ahi gubadioka. De hokonaa ahao ahi demo onangika gea, tato, ‘Ngini naa kiani niamake nia hohowono kohadubuho nginika, ho naa ahi himangoka nisoboka la niloiki o uku ma ngootika abe ka ihikaika iwango-wango! Abe ma uku gea ma dodihirainohi de Ma Jou wohidiaiokau la o Ibilihi ma haeke dika de to ena ma momalaekata ma dorou ahao ma hohowono amake genangoka. Masara nginioo kiani inihohowono to ena ma hohowono ma ngiika gea!’

Yohanese 8:34

De o Yesusu wapaluhu onangika wato, “Naa duru tagou-goungu tinihingahu nginika, onagona dika yahowono gea yodadioka o howono ma huhuloko abe yahidapakitoka manga howonika ho ko idadiokaua yomaputuhu angamoi manga howono dika yahipareta.

Yosua 9:23

Ho naa to ngohi ahi Jou winilolae / winihikoboto nginika! Abe ma titi ma oraha naa de nidadioka mia duduhunu ma nyawa dika, de nia karajaanga la nitobaono-onoko mia akere de niatobaoto-oto mia hidaulu ma gota abe ahi Jou ai Tauoka ka ihikaika yapake.”

Yosua 9:27

Masara o wange gea dika de wahidadi o Gibeono ma nyawa o Isiraele ma nyawa manga duduhunu. Abe manga karajaanga kiani yatobaono-onoko manga akere de yatobaoto-oto manga hidaulu ma gota abe ka ihikaika yapake Ma Jou o Yawe ai huhuba ma ngioka. Ho o kiaka dika ma ngi abe ahao Ma Jou womangiiriki la ai huhuba ma ngi imanoa genangoka, hokogea manga karajaanga. De gea igoungu abe to ona manga karajaanga ka ihikaika hokogea dika ka hiadono ma oraha naa naga abe tohitulihuku ma ade-ade.