Dodadi 9:22 - Ma Jou ai Demo-demo o Totobelohoka

²² De ahao o Kanani ai baba o Haama wowohama o Nuhi ai tau ma goronaika de wimake ai baba ka ai bululunoka. Ho ka de wohupuino de wihiade-ade ai ria-riakika.

Dodadi 9:22 ပူးပေါင်းရင်းမြစ်များ

Dodadi 10:6

De o Haama ai ngofa-ngofakuku de ai totoforauku hokonaa manga romanga: o Kusi, o Mesiiri, o Puutu, de o Kanani.

Dodadi 9:23

Masara o Seeme de o Yafete ona duru ko yoietua masara yale dika o ngoere moi de yoaridobiki ihilake-laketuku manga belekauku. De ahao yowohama yomadoo-dohuku manga porete yaika la ufa manga baba iwimake ka ai bululunoka. Ho manga himanga o ngoranika de ko yomalegaua manga poretika. Ho manga baba iwitamunu ibooto de yohupu ma ngoranika ho duru ko iwimakeua abe manga baba ka ai bululunoka gea.

Dodadi 9:25

De gea o Nuhi woihene de duru ko wosanangiua ho ma titi o Haama ai howono gea hiadono o Nuhi ahao ai ngofaka gea wigahoko Ma Jouika wato, “Ma Jou nihohowono o Haamika, Hiadono ai hohowono gea ahao iwihidotadaene ai ngofaka o Kananika, De to una ai totoforaukuoo yahidotadaene, Ona yokokidadi manga ria-riaka manga huhuloko yahitipokouku.”

Habaku 2:15

De ona yogila-gila yotemo ato, “‘Hiokoo ngini abe niaribuutu nia date-datekoka la hiadono ona yadalukoka. Angamoi ngini ahao nia huha duru ma amoko inidaene! Abe ngini nengokadauino de niaribuutu o dutu ma nyawa-nyawa ma titi nia ngamoino hiadono duru yamaleke imaketero hoka ona yadalukoka ahao yamalekoka.

Matiusu 18:15

De o Yesusu wohigila-gila ai dodotoko onangika wato, “De nako idadi abe ani gianongoru o ngongakuoka wahowono ngonaika, gea irahai noiki unangika de nimakoketemo abe inihinootoka dika la ufa o nyawa manga himangoka. De gea ani demoino de nihidaere to una ai howono ngonaika. De nako una gea wotoihene hiadono womangaku ai howono, de gea nihigilioka o totiai ma ngekomino la to una ai gogao ngonaika de Ma Jouikaoo itiaiokali.”

1 Korintusu 13:6

De nako ma dorou naga, gea ona ko yosanangiua enangika, ma ka idadi ona duru yodogarago ma gou-goungika dika.

Galatia 6:1

Ahi gogianongoru, nako hoka naga womatengo nginioka abe worubaka o howonuku, gea ngini abe niwinii-niiki Ma Jou o Womaha ai mau, ngini kiani niwiduhunu womatengo gea la una wolioli o totiai ma ngekomino. De gea niwiduhunu ma kiani de nia hininga ma bole-bole unangika, de kiani nimakokuduhunu abe ma titi nia hininga ma dubuho, done naga utu abe itubuhoholi manga hiningaka. De nako hokogea nimakokuduhunu, gea ngini nianiikoka o Kristusu ai behehongo nginika. Masara ma oraha niwiduhunu unangika gea de kiani nimahitiarioo de nimahidodiai done ahao nginioo inihiata-atara de niahowono abe imaketero hoka unangoli.