Dodadi 9:21 - Ma Jou ai Demo-demo o Totobelohoka

²¹ De o wange moi ai angguru ma teongo ma gohaka waokere ilamoko hiadono iwidaluku. De una naga womatengoka ai tau o ngoerino ma goronaka iwikiookoka. De ai giooko ma goronaka womaidu ka ai bululunoka de ko wohiorikua.

Dodadi 9:21 ပူးပေါင်းရင်းမြစ်များ

Dodadi 6:9

Hokonaa o Nuhi ai ade-ade. Una gea ai hininga irahai, abe ma oraha gea nako o nyawa mata-mataika yomakokutuono de o Nuhi ka unangohi ai wowango ma datoro itiai hiadono ko moiua ka idadi iwitae iwihitaana. De o Nuhi gea ka ihikaika yomaketedodiawo una de Ma Jou.

Dodadi 9:20

De o Nuhi woigo womaredi ho ahao o angguru wodatomo ai redioka.

Sosawaro 20:1

Nako hiadono o nyawa yadalukoka, gea ahao o kangamo idadi manga hidogoronaka. Ho onagona dika abe o daluku yahirehenika, ona manga sosawaro duru ko iwa.

Roma 13:13

Ho nanga wowango ma dodagioka de kiani hatobaniiki o dararono ma datoro dika abe gea ka ma rorahai dika nanga datoro. De gea kiani hokonaa nanga wowango. Abe ko idadiua haniiki o rame-rame abe naga genangoka o nyawa yadalu-daluku de gea hiadono manga badanga ma hafini ho ona ko yomahiparetakaua. De ufaoo ngone inatobadaluku eko homakitigi de abe ko nanga fekatua eko nanga rokatua. De ngaro naga utu o howono abe nanga badangoka hahowono ma enangoo ko idadiua haniiki. De ufa ngone homaketeribuutu eko homaketetaleana.

1 Korintusu 10:12

Ho onagona dika yomahinganono ona ma hirete dika de ato manga gogao Ma Jouika ko yolage-lageua, ona gea koaho yomahidodiai done yoruba imaketero hoka onangoli ma dihira yahowonoka Ma Jouika.

Galatia 5:21

De gea naga manga hiningaka ma daleana ma hofoko o nyawa utuika. De utuoli manga datoro naga abe hoka yatobadaluku, de duru yoigo yaniiki o rame-rame abe genangoka o nyawa yadalu-daluku de gea hiadono manga badanga ma hafini ho ona ko yomahiparetakaua. De gea naga utuohi ma datoro manga badanga ma hafini ma dorouino abe naa ngohi ko tafetonguahi. De igoungu abe ma dihirainohi de ngohi tinihitiarioka ma titi naa ena, masara naa de tinihitiarioli tato onagona dika abe manga wowangoka hokogea ma datoro biaha yanii-niiki, ona gea ahao duru ko yamakeua manga utumu Ma Jouoka de aino abe ahao ma oraha Una wonahikoano ngone mata-mataika ai nyawa.

Titusu 2:2

De abe hoka ona ani balu-baluhu yatimonoka o nau-nauru, onangika kiani nadotoko nato, “Ngini kiani nia wowango ma dumutu nimahipareta done nirehene ma dorouika, de kiani niwango itiai la hiadono nimahitaana abe o nyawa utu ka idadi inihayanga nginika, de kiani niakunu nimatongohono ma dorouino. De abe nia ngongaku Ma Jouika de nia doraoo o nyawa utuika, gea kiani ibitumu de ko ikelu-kelua mata-mata. De ngaro o kia dika abe ahao naga niohimanga nia wowangoka, ma ngini kiani nimatongohono de ufa nirehene Ma Jouino.” Hokogea kiani nadotoko ani balu-baluhika genangoka abe yaperekioka.

Himatoko 3:18

Ho naa Ngohi tinihigaro nginika tato koaho nimaija Ngohioka o gurasi iree-reeika abe yahitebinoka o uku ma goronaka de aino, la gea nimaijaka Ngohioka de ahao niagou-goungu nikaya Ma Jou ai himangoka. De tinihigaro nginika tato Ngohioka nimaija o baju ma gare-garehe la gea nimahinoauku la ufa inihimaleke ma titi ka nia bululunoka. De tinihigaro nginika tato nimaija Ngohioka nia lako ma bibiu ma houru la gea nihiehe dakaa nia lakoino la hiadono ngini ka idadi nimahioriki.