Dodadi 9:20 - Ma Jou ai Demo-demo o Totobelohoka

²⁰ De o Nuhi woigo womaredi ho ahao o angguru wodatomo ai redioka.

Dodadi 9:20 ပူးပေါင်းရင်းမြစ်များ

Dodadi 3:23

Ho Ma Jou o Yawe wihuloko o Adamika la ona yohupu o Edene ma redino gea. De abe ma dihira o tonakino wihidadi de naa Ma Jou wapake o tonaka la o Adama wihohowono, abe o tonaka gea kiani womadumule.

Dodadi 4:2

Ami ngofaka o domoro gea mamakeoka de ipahaino de ahao muna mamakeoli ami ngofaka ka o nauroli de una gea iwihiromanga o Habele. De o ria-dodoto yahinooto gea yobaluhiye de o Habele woigo wotobapaliara o aewani o dofo ma duduono, de ai riaka o Kaini una woigo wotobaredi.

Dodadi 5:29

De o Lameke ai ngofaka gea wihiromanga o Nuhi. De wotemo wato, “Ahi ngofaka o Nuhino naa ahao hamake o lalaru nanga kangela ma goronaka. Gea nanga kangela abe ma titi Ma Jou o Yawe o dunia ma tonaka wohipohaka de o hohowono ho hiadono hokangela hokarajaanga.”

Dodadi 9:21

De o wange moi ai angguru ma teongo ma gohaka waokere ilamoko hiadono iwidaluku. De una naga womatengoka ai tau o ngoerino ma goronaka iwikiookoka. De ai giooko ma goronaka womaidu ka ai bululunoka de ko wohiorikua.

Sosawaro 10:11

Ona abe yaniiki o totiai ma datoro, ko yohawanua manga hininga yafelenga, de to ona manga demoino ihiboa o wowango o nyawaika. Masara ona abe yaniiki o dualono ma datoro, gea ma titi yoigo yahikangela o nyawaika, ho de to ona manga demoino yomadatoko la ufa o nyawa yahioriki abe manga hiningaka ma hidee ma dorou.

Sosawaro 12:11

Onagona dika yotobakarajaanga manga dumuleoka ahao manga inomo duru yawedonoka, masara ona abe ka ihikaika yaniiki manga hininga ma homoa, ona gea ko iwa manga sosawaro.

Sosawaro 24:30

Ngohi o wange moiuku naga totagi-tagi de tatilakuru o angguru ma redi moi, de gea ma redi ma dutu una wotobatebeturu de ai sosawaro ko iwa.

1 Korintusu 9:7

Abeika naa tinileha. Sarakia, nako naga womatengo womahingohama o tentaraika la una de ai dodiawo yaparangi manga musuika, sarakia, una gea kiani to una ma hirete ai tiwi wapake la ai baju de ai inomo womahiija? Ko hokogenangua! Eko hokonaa. Sarakia, naga womatengo wotobaredi-redi abe ai angguru ma redi wodatomoka, de ipaha ahao ai angguru ma hofoko ko idadiua waolomo genangino? Ko iwa moi idadi hokogea! Eko hokonaa. Bote naga o domba ma gogoana abe o wange-wangeiye wogoana ma domba, masara ko idadiua ma domba ma huhu ma teongo waokere? Duru ko iwa hokogea!