Dodadi 9:1 - Ma Jou ai Demo-demo o Totobelohoka1 De ahao Ma Jou wahiowa o Nuhi de ai ngofa-ngofaka abe wahibehehongo onangika wato, “Ngohi toigo la ngini naa ningofa-ngofakuku de nidano-danonguku la nidogo-dogo hiadono duru niwoe o dunia ma amokika. အခန်းကိုကြည့်ပါ။ |
Dodadi 9:1
13 ပူးပေါင်းရင်းမြစ်များ
De ona gea wahiowa wato, “Ngohi toigo la ngini ningofa-ngofakuku de nidano-danonguku la duru ko nia ngoe nigogere o dunia ma amokika la o dunia de ma dola mata-mataika niapareta. Ho o nawoko o gahioka de o akeroka, de o totaleo ihoo-hoho, de o aewani mata-mataika ngaro o dofo, de o fuhuku, de imalia-liara, ma, gea mata-mata tinihidoaka nginika la ti ngini nia kuahaka la ka idadi nihiaturu.”
De Ma Jou wohigila-gila wotemo o Isiraelika wato, “Ngohi Ma Jou Tokokurutiye abe mata-mataika naga ahi kuahaka de naa tonihibehehongo la ngini nifaa-faatuku la o dunia niaomangoka de o nyawa. To Ngohi ahi mau la ngini abe nimahiromanga o Isiraele ma nyawa nidadi o dutu moi ma amoko o duniaka. De ahao ngona o Isiraele naga o dutu manga ngoeoli yomaboa de hiadono naga o kokoano abe yomaboa to ngona ani totoforaukuino.
De nohihupu mata-mata de ma wowangoka abe nimahidogogere moi o kapa ma goronaka ngaro o aewani eko o totaleo eko abe imalia-liara o tonakoka nohikokihupuoka. Mata-mata nohikokihupu la ka idadi ikokiwangoli o fara amomoiino la duru ifaa-faatuku o dunia ma lokuoka.” Hokogea Ma Jou ai behehongo o Nuhika.
De o aewani de o totaleo mata-mata de ma wowangoka o dunia ma lokuoka ahao naa imulaenge inimodongo. Ho ngaro o aewani o tonakoka, de mata-mata de ma gafuufuoka abe ihoho ma hoanoka, de o aewani abe imalia-liara, de o nawoko o gahioka ma, mata-mata ahao de ma hawanoka nginika. Ho ena mata-mata ngohi tinihidoaka nginika la ti ngini nia kuahaka la ka idadi nihiaturu.
ကြော်ငြာတွေ