Dodadi 8:19 - Ma Jou ai Demo-demo o Totobelohoka

¹⁹ De mata-mata iwango o dunia ma lokuoka abe o totaleo, de o aewani o dofo, de o fuhuku, de o aewani mata-mata abe ikelu-kelu o tonakoka, gea o kapaino ikokihupu de o fara amomoi imahikokaaini. De o fara amomoiino ingodumu.

Dodadi 8:19 ပူးပေါင်းရင်းမြစ်များ

Dodadi 1:21

Hokogea Ma Jou wotulaada mata-mata abe iwango o akeroka de o gahioka hiadono naga o aewani ma ago-agomo, de o nawoko ma rupa ma ngoe, de nagali iwango ma hohumuduru enangoo abe ma rupa ma ngoe. De wotulaadali o totaleo enangoo ma rupa imaketemomoi. De mata-mata gea Ma Jou wamake duru irahai de wosanangi enangika.

Dodadi 1:24

De ahao o wange ma butaangakali Ma Jou womatemoli wato, “Ngohi toigo la naga iwango o dunia ma tonakoka o aewani irupa-rupa abe o dofo, de o fuhuku, de abe imalia-liara o tonakoka, la hiadono naga o aewani ma ago-agomo de ma hohumuduru.” Hokogea Ma Jou wotemo de hokogea idadi.

Dodadi 8:18

Ho o Nuhi de ngoi fekata de ai ngofa-ngofaka de manga feka-fekata, ona mata-mata yokokihupu.

Dodadi 8:20

Gea yokokihupu ibooto de o Nuhi womahohiningaiye wato womahuba Ma Jouiye ho wodiai manga huhuba ma ngi. Ho o huhuba ma ngi gea wodiai ibooto de ahao o aewani de o totaleo abe ka ma dihirainohi de Ma Jou o Yawe wato ka idadi yomahihuba, enangino naga wairikino o fara amomoiino. De o totaleo de o aewani mata-mata abe wairikino de gea ahao waharongo ka hiadono itinoka la ena gea womahihuba Ma Jouiye.

Dodadi 9:10

De ahi behehongo naa adaene mata-mataikaoo abe o kapaino ikokihupuoka. Ho ngaro o totaleo, de o aewani o dofo de o fuhuku, ma titi mata-mataika de ma wowangoka o dunia ma lokuoka tohidoaka ahi behehongo naa.