Dodadi 6:2 - Ma Jou ai Demo-demo o Totobelohoka

² De naga o nau-nauru abe yahiromanga Ma Jou ai ngofa-ngofaka, de ona yamake o nyawa utu manga ngofa-ngofaka o ngo-ngofeka abe duru yorahai de duru manga hafini itagi o ngo-ngofekaika gea. Ho manga fekata yomangiriki ko ma titiua manga wowangoino masara manga hailoaino dika hiadono yomangiriki manga fekata.

Dodadi 6:2 ပူးပေါင်းရင်းမြစ်များ

Dodadi 12:11

Ngade-ngade yomahiadono o Mesiiri ma tonakika de o Abaraama womihingahu ngoi fekatika wato, “O ngo Sarai, tohioriki o nyawa mata-mata inihigiriiri ma titi ani hailoa angamoi ngona duru norahai.

Dodadi 24:3

De kiani notemo de Ma Jou o Yawe ai romanga napake, abe Una o dunia de o Horoga mata-mataika wapareta. Abe kiani nohihibehehongo ngohino ahao ahi ngofaka o Isaka kiani nilingiri ngoi fekata. De ngaro ngone hogogere o Kanani ma tonakoka ma, ko idadiua o Kanani ma nyawaino nilingiri ngoi fekata.

Dodadi 26:35

De o Isaka de o ngo Ribeka manga hininga ma huha ma amoko ka ihikaika naga ma titi manga hunungu yahinooto gea.

Dodadi 27:46

De ahao o ngo Ribeka mihingahu o Isakika mato, “Ngohi naa duru ahi hininga ka ihikaika ihuha ma titi nanga hunungu yahinooto naa abe o Hete ma nyawa. Nako o Yakuboo o Hete ma tonakoka womalingiri ngoi fekata ngohi tato ahi huha itubuhoholi ho ngaro ngohi ka tohonengoka dika.” Hokogea ami gurubungu ma demo ami rokatika.

Dodadi 3:6

Ho muna gea moihenoka de angamoi mamake ma hofoko gea duru irahai ho duru moigo maolomo hiadono doka ami hiningaka mato, “O hofoko gea nako taolomo marai duru imutiti de gea igoungu inahidadi hososawaro ho duru toigo taolomo.” Ho ma hofoko gea momadofi de maolomo. De utu mihidoaka ami rokatika, angamoi una naga wominiikika, ho unangoo waolomo.

Dodadi 4:26

Ho gea o Seete wobaluhiyeoka de woilaka ho to unangoo ai ngofaka ahao wamake de wihiromanga o Enoso. De ma oraha gea ahao o nyawa yomulaengoli Ma Jou o Yawe ai romanga yagorakiye de manga horomati Unangika.

Dodadi 6:1

Ka de uku de o nyawa yomulaenge yowoe yodogo-dogo de mata-mataika naga yomamake manga ngofa-ngofaka o nauru de o ngofeka.

Dodadi 6:3

De Ma Jou o Yawe wotemo wato, “O dunia ma nyawa naa yoluku dika manga hininga yaturuuru ho naa ko tadadiokaua ka ihikaika de ahi Womaha tokarajaanga onangoka. De mangale o nyawa yowango o duniaka naa kiani yohonenge ho Ngohi naa tahidoaka manga wowango ma gahe ma dekana o taongo o ratuhu moi de monaoko ona gea ka yowangohi.” Hokogea Ma Jou ai putuhu ma demo.

2 Samuele 11:2

De o wange moiuku o Dautu womaiduoka ai koioka de ahao womomikino o bobimaowaka de wohupu o koano ma tau daku ma poretiye de ai tau ma poretoka gea wotagi-tagi. De una womalega dau ai timiuku de womimake momatengo abe muna momaohiki de duru mohailoa.

Huhupu 34:16

De ahao ko itedekanokaua de nia ngofa-ngofaka niahigogilaka de manga ngofaka o ngo-ngofeka. De ahao nia hunu-hunungu gea abe yomahuba-huba manga popangaoika ahao manga roka-rokata yahirehene hiadono onangoo duru yohafini manga dorou o pangaoika. Ho ma bahauku de nia ngofa-ngofaka ihiporetoka Ngohino.”

Maleaki 2:11

De gea ngaro o Yudea ma tonakoka eko ngaro o Isiraele ma tonakoka eko ngaro o Yerusaleeme ma kotaka, masara nanga howono duru itotorou ngone hodiaioka. Abe o Yudeaka ma nyawa ko yatobagou-goungua de hiadono yahipeseke Ma Jou o Yawe ai Tau ma Debi-debinika angamoi yoilaka de ona abe yomahijou o jou ma homoaika!

Maleaki 2:15

De naa tinileha, ngini bote niato ko Ma Jouua abe winihidadi moi de nia fekata? Koua, duru Una gea abe winihidadi moi, abe nia badanginoo de nia womahinoo ma nidadi to Una. De gea to Una ai mau sarakia abe nginioka de aino? Gea woigo wamake o ngofa-ngofaka abe iwiniiki Unangika. Ho mangale ma titi gea hiadono ngini kiani nimagoana nia gogao nia fekatika abe ngini ka o goohi de niilaka munangika.

1 Korintusu 7:39

De nako o ngofeka momatengo abe de ami rokatoka, muna de ami papakitoka ami rokatika ka hiadono ma oraha wohonenge. Masara nako una wohonengoka, gea de ahao muna ka idadi moilaka de o nauru moioli. De ma nauru onaguna dika muna gea ka idadi moilaka, iti unangoo wingaku nanga Baluhika.

2 Korintusu 6:18

“De ahao Ngohi todadi ti ngini nia Baba ho ngini ahi ngofa-ngofaka o nau-nauru de o ngo-ngofeka.” Hokogea ma dodihiraino ihitulihukuoka to Ma Jou Wokokurutiye ai demo abe wotemoka. Ho to ngohioo ahi demo imakiniiki de to Unangoli, abe duru tinihitiari tato ufa nimahidiliko onangika abe ko iwingaku-ngakua.

2 Peturusu 2:14

De to ona gea manga lako ka ihikaika imalingiri o ngo-ngofekaika la ato yomaidu de de ona, de ona o futu de o wange yahowo-howono dika ho ko ihoa-hoanua. De ona yahiata-atara o nyawaika abe ona manga ngongaku ka ikelu-keluohi la ato yahirehene o howonika. De ona yomadotokoka abe ma titi manga horoodo o kiahonangika ho hiadono duru ilaku manga wowangoka manga horoodo gea. Ho mangale ma titi to ona gea manga wowango ma datoro ma dorou mata-mataika ho hiadono Ma Jou kiani wahohowono de o koboto onanguku.

1 Yohanese 2:16

De gea ko iwidoraua angamoi o dunia ma hininga mata-mata duru imakalawana de to Ma Jou ai hininga. Abe nako o dunia ma hininga gea naga ma dumutu hange. Abe hoka moi o nyawa manga hininga ma hafini ma dorouika, de naga moioli abe o kia dika naga manga lako yamake de gea yoigo yomahitoona, de naa moiohi abe o dunia ma hininga hangeino, de gea o nyawa manga sade ma titi manga kiahonanga ato bari iwoe de manga wowango ma gogere hatoli ikurutiye ho hiadono genangino de yomasade. Ho o dunia ma hininga gea duru ko o Babakaua de aino iboa masara ena gea ihititi ka o duniaka dika. De gea ma titi hiadono o nyawa abe yodora o duniaika de gea ona ko iwidoraua o Babaika.