Dodadi 50:4 - Ma Jou ai Demo-demo o Totobelohoka

⁴ De manga huha ma wange moritumidi gea ipaha de ahao o Yusupu ai behehongo naga o Firaunika ho wahingahu onangika abe iwileleani ai datekoka wato, “Nako ngini ka idadi nihiduhunu ngohi togahoko la ahi behehongo naa niwihingahuokahi o Firaunika la una wonahigunoa hoiki.

Dodadi 50:4 ပူးပေါင်းရင်းမြစ်များ

Dodadi 18:3

De wotemo unangika abe wahihira-hira wato, “Ahi Baluhu, naa nomahiadonoka ahi tauino ho nako nosanangi duru toigo nenangoka ngona de ani dodiawo naa tinitumungohi, wahiohi ngini nigila-gila.

Dodadi 50:3

De ona gea manga karajaanga ka hiadono o wange moruata ma dekana de ahao iwibooto abe biaha hokogea manga dekana o nyawa yokokurutiye manga honenge yahidiai o Mesiiri ma tonakoka. De o Mesiiri ma nyawa manga huha ihitunguu o wange moritumidino ma dekana ma titi o Yusupu ai baba wohonengoka.

Dodadi 50:5

Niwihingahu abe ma oraha ahi baba ngade-ngade wohonenge de tihibehehongo unangika la tilungunu ai tonakoka abe ahi tofora manga lungunu ma arukoka. Hokonaa ahi baba ai behehongo ngohino wato, ‘Ngohi ani baba o Yakubu naa etohonenge de togahoko ngonaika la nohilungunu ahi lungunoka abe nagau ngohi tomahidiaioka o Kanani ma tonakoka.’ Hokogea ahi baba ai behehongo ho naa toigo la o Firaunu wohihigunoa toiki tilungunu. De ka de tilungunu ibooto de ahao tolioli nenangino.” De o Yusupu ai behehongo ma demo gea yadofanga o Firaunika.

Estere 4:2

De gea woboa o koano ai tau ma ngoranino de ko idadiua wowohama ho una womaokoino o ngorana ma himangoka dika angamoi ko moiua yowohama nako yapake o pakeanga ma kokekekere dika abe ihitunguu manga huha.