Dodadi 50:20 - Ma Jou ai Demo-demo o Totobelohoka

²⁰ Igoungu, ma dihiraino ngini nihihidee niato nidiai duru itorou ngohino, masara Ma Jou ai mau la ma dorou gea wohikawalimi la idadi ma owa. Ho wohiaturu la ngohi tamake ahi karajaanga naa abe de ma kuahaka la o nyawa duru ko manga ngoe ka idadi taduhunu hiadono naa ka yowangohi.

Dodadi 50:20 ပူးပေါင်းရင်းမြစ်များ

Dodadi 37:26

Ka de o Yusupu ai ria-riaka yamake ona yoboaino de o Yehuda ai hininga wahingahu ai ria-dodotika wato, “De naa nanga utumu o kia nako nanga dodoto hihohonenge de ai awunu hakopoauku? De ngone naa igoungu ka o wariki moi ho nako wohonenge de ahao ka ihikaika nanga hininga ma huha hamao ma titi nanga dodoto ai awunu hakopoaka. Masara nako hifukunu dika gea naga nanga utumu. Ho abeika, hoiki hihihupu o baitiye gea la ka idadi hifukunu o Isimaele ma nyawaika gea.”

Dodadi 37:4

Masara ai ria-riaka iwitaleana ma titi manga baba duru ka o Yusupohi wilegaika de ai dora. De ona igoungu iwidohata manga dodotika hiadono ko iwihidodiaiokaua iwitemo unangika.

Dodadi 50:19

Masara o Yusupu wabole-bole de ai demo ma dora onangika wato, “Ngini ngaro ufa nihimodongo. Ngohi naa ahi kuaha ko iwa la hiadono genangika tohisapuru de Ma Jou ai hiaturu ho ngohi ko tiniurusua de ko tinihohowonua.

Hidingoto 2:23

De ngaro ngini niamake to Una ai dodunguu gea, masara ngini ka niwihidapakuika o gota isosalioaika de niwitoma abe ma oraha Una niwiao onangika abe ko o Yahudi ma nyawaua. De gea mata-mata idadi angamoi ma dodihirainohi de Ma Jou wihideeoka wato kiani ahao idadi hokogea o Yesusika.

Hidingoto 3:26

De gea duru igoungu angamoi ma oraha Ma Jou wigoraka ai Huhuloko o Yesusu, gea wihidingoto ihira ngini o Isiraele ma nyawaika. De abe ma owa ngini niamake, gea winihiowa abe winihigilio la ufa nigila-gila nianiiki nia howo-howonika masara la nimangali Ma Jouika.” Hokogea o Peturusu wahitararono Ma Jou ai Demo-demo ona yowoe-woeika.

Roma 8:28

De nagali ma titi moioli abe duru inaduhunu ma oraha naa abe ka hongano-nganonohi nanga utumu. De gea ngone hohioriki abe Ma Jou wohikokiaturu mata-mataika abe idadi nanga boriwowangoka la genangino de idadi ma rorahai ngoneino. De gea igoungu abe ngone onagona dika hidora Ma Jouika de Una wohikaaturu la ngone hamake ma rorahai Unangoka de aino. De Una wonaduhunu hokogea ngoneino angamoi ma dodihiraino de wonaahokoka Unangino la wato to ngone nanga wowango imakiniiki de to Unangoli ai hininga ma dumutu.