Dodadi 50:15 - Ma Jou ai Demo-demo o Totobelohoka

¹⁵ Masara ai ria-riaka manga hawana ka ipudakali manga hiningaka abe ona yomakoketemo ato, “O baba wohonengoka ho naa marai nanga dodoto womahibalaha abe ma dihira hihikangelaka unangika.” Hokogea manga hininga itagi manga hawanika.

Dodadi 50:15 ပူးပေါင်းရင်းမြစ်များ

Dodadi 37:18

De o Yusupu ko ai gurutikahi de ai ria-riaka iwimake abe woboaino de ona yomahikokagaro iwihidee ato iwitoma.

Dodadi 37:28

Hokogea o Yehuda ai demo de ai ria-dodoto iwihigihene ho ka de ona abe yoboa o Midiana ma tonakino gea yomahitiginoka de o Yusupu ai ria-riaka iwihihupu o humuino de iwifukunu onangika de ai ija o haaka ise-senge monaoko. De gea iwifanguoka de ahao o Isimaele ma nyawa gea o Yusupu iwiao o Mesiiri ma tonakika.

Dodadi 42:17

De ahao o wange hangeino ma dekana ona mata-mata gea wahingohamika o bui ma tauoka.

Dodadi 50:14

Gea manga baba iwilungunu ibooto de yolio ho o Yusupu de ai ria-riaka de ona mata-mata abe iwiniiki yokokilio o Mesiirika.

Dodadi 50:16

Ho womatengo iwihidingoto la una gea wademo o Yusupika de hokonaa manga demo abe wadofanga o Yusupika ato, “Ma oraha nanga baba wohonenge de naga ai behehongo ngomino.

Roma 2:15

De gea ka idadi hamake to ona manga wowango ma datorino abe utu ngade-ngade yaniiki o Musa ai Paretaino ngaro ai Pareta gea ko ma moiuahi yoihene. De nagali abe hamake onangoka abe ma oraha naga moi manga hiningaka ipuda manga datoro, ho kiani ona yomaputuhu nako ahao yodiai eko ko yodiaiua. De gea manga hininga ka de itemo de yahigaro ma totiaiika, ho ipahaino gea manga hiningaino de yomahioriki abe nako yodiaioka itorou ekola nako yodiaioka irahai. De genangino de ka idadi hamake abe onangoo gea ngade-ngade yomaketero abe hoka o Yahudi ma nyawali angamoi naga ma tobahioriki to ona manga hininga homoi-homoioka la ihioriki o kia itiai de o kia itorou. Ho nako hiadono to ona manga hininga yahigaro ma totiaiika de gea yatilakuru, gea itararonoka abe onangoo itiai Ma Jou wahohowono onangika. Ho gea ngohi tato ngaro o Yahudi ma nyawa eko abe ko o Yahudi ma nyawaua, masara o nyawa mata-mata Ma Jou wao itiai abe ma oraha watailako. Abe ko ma titiua Una wairiki o nyawa utu la wahohowono de utuoli ko wahohowonua. Hokogenangua, masara Una ai hiningaka de wotemo wato, “Onagona dika yahowono Ngohino de kiani tahohowono onangika, abe ngaro ihioriki o Musa ai Pareta eko abe ko ihiorikua, masara ahi hininga ma putuhu moi dika ona yahowo-howono mata-mataika.” De genangino de itararono abe duru itiai Ma Jou wahohowono ona mata-mataika abe yahowonoka Unangika ngaro onagona dika ma nyawa.