Dodadi 5:1 - Ma Jou ai Demo-demo o Totobelohoka

¹ Naa o Adama de ai totoforauku manga ade-ade ihitulihukuoka o bukuoka abe ma titi hokokia yolape-lapeuku. Ma dodihiraka abe ma oraha Ma Jou o nyawa watulaada ona ngade-ngade hoka Unangoli.

Dodadi 5:1 ပူးပေါင်းရင်းမြစ်များ

Dodadi 10:1

O nguihi ipahaika de o Nuhi ai ngofa-ngofaka o Seeme, de o Haama, de o Yafete, onangoo ahao manga ngofa-ngofaka yamake. Ho naa o Seeme, o Haama, de o Yafete manga totoforauku manga ade-ade ma titi hokokia yolape-lapeuku.

Dodadi 2:4

De abe ma oraha Ma Jou o Yawe wotulaada o dunia de o dihanga mata-mataika de ko kia-kiauahi iwangoiye o tonakino. De hokogea ko iwahi mangale Ma Jou ko wohigutiuahi o awana de ko watulaadauahi o nyawa abe ahao yomakarajaanga o tonakoka gea.

Dodadi 6:9

Hokonaa o Nuhi ai ade-ade. Una gea ai hininga irahai, abe ma oraha gea nako o nyawa mata-mataika yomakokutuono de o Nuhi ka unangohi ai wowango ma datoro itiai hiadono ko moiua ka idadi iwitae iwihitaana. De o Nuhi gea ka ihikaika yomaketedodiawo una de Ma Jou.

Matiusu 1:1

Ahi gogianongoru, ahi demoino naa de tinihingahu nginika ma titi o Yesusu Kristusu ai totofora. Abe Una to Dautu nanga koano ma dihiraino ai toforauku, de ngaro o Abarahaama abe una gea nanga tofora duru ma dodihiraka, masara o Yesusu Unangoo to Abarahaama ai toforauku. De ma dodihirainohi de Ma Jou wonahibehehongoka ngoneino wato wohidingoto nanga Koano ngoneuku, de naa ma duru de wihidingotoka o Yesusu la wodadi nanga Koano gea. Ho naa tinihingahu ma titi to Una ai totofora la ngini duru nihioriki abe Una to Abarahaama de to Dautu manga toforauku idodutu.

1 Korintusu 11:7

Masara nako o nauru hokogenangua. Nako o nauru, ufa ai pea watamunu mangale ma nauru Ma Jou witulaada hoka Unangoli ai rupa, ho ma nauru gea una abe wohiboa o horomati Ma Jouika. Masara ma ngofekali, muna gea mohiboa o horomati ma naurika.

2 Korintusu 3:18

De ma demoino gea de ka idadi hamake abe ngone mata-mata abe hingaku-ngakuoka ko iwaka nanga hiningaino ma dadatoko. De nako ngone homahiketero de o Musa, una igoungu womatatoko ai himanga ma titi Ma Jou ai medebini ma dararono naga ai himangoka. Masara nako to ngone nanga himangoka gea ko iwa ma dadatoko, ho nanga Baluhu idodutu ai medebini ma dararono ka idadi ihabaka nanga himangino la o nyawa utu yamake nanga Baluhu ai medebini ma dararono ngoneoka. De mangale nanga Baluhu ai Womaha ka ihikaika wokarajaanga nanga kokihiningaka, ho ka ihikaika wohidogo ai medebini ma dararono ngoneino. De hokogea wohidogo ai medebini ma dararono ngoneino ka hiadono utuohi imakiniiki to ngone nanga hininga de to Unangoli ai hininga la ka idadi homaketehiningamoi de Una. De hokogea ma behehongo ma hungi ma abari duru kohagurutiye abe Ma Jou womihitagongo ngomino la miahingahu-ngahu o nyawaika, ho gea ngomi duru mitomoroini mihiabari arihonongaika!

Efesusu 4:24

De kiani o hininga ma hungioli nimahinoaukuoka la nia wowango ma datoro gea iwihisanangi Ma Jouika. Angamoi ngone wonatulaada la to ngone nanga hininga de to Una ai hininga ka homaketehiningamoi nanga hininga. Ho ngone kiani howango itiai la to Una ai himangoka ngone duru hotebini.

Kolose 3:10

De nia hininga ma hirahi gea inihikatingaka ipaha de ahao o hininga ma hungioli Ma Jou winihinoaukuoka. De nia hininga ma hungi gea Una ka ihikaika waturuuru la hiadono utuohi imakiniiki de to Unangoli ai hininga abe winihidoaka nginika. De gea hiadono utuohi itararono niwihioriki to Una ai hininga.

Ibarani 1:3

De Una gea abe wonahitararono ngoneino to Ma Jou o Baba ai medebini ma dararono. De Una de o Baba duru hoimoi dika manga rupa, abe ma hohutuloo de ko yomakohowonua. De to Una ai dulaada mata-mataika ka Una dika wohiaturu de wapaliara la ka idadi hokogea dika igila-gila. De gea wohiaturu de wapaliara ka to Una ai uru ma demoino ma kuaha ma amokino. De Una gea abe wakokiofioka ngone to Una ai nyawa nanga howo-howono. De gea ai karajaanga ibooto de ahao Una wogogerukuoka Ma Jou o Baba wokokurutiye ai nirakoka, abe ka o Babahi ai kuaha duru kohaamoko. De genangoka wogogeruku la Unangoo womulaenge wahikoano mata-mataika. Ho genangino de ka idadi ngone hamake abe to Ma Jou ai Ngofaka gea duru de ai medebini ma dararonoka, de to Una ai Ngofakino gea abe Ma Jou wipake la ma oraha naa wonatemo-temo ngoneino.

Ibarani 12:9

De ngaro to ngone homoi-homoi nanga baba o duniaka naa, ma onangoo inadotoko ngoneino, de gea hahoromati onangika. Ho gea nako ka idadi hahoromati nanga babaika o duniaka naa, hongoli kiani Unangikahi hihoromati de hihingounu nanga Baba o Horogaka la gea duru howango irahai Unangoka.