Dodadi 49:6 - Ma Jou ai Demo-demo o Totobelohoka

⁶ To ngohi ahi jiwa tohitiari la tomatingaka onangino, La ko iwa ma oraha ngohioo taniiki manga hidee itorou. Angamoi manga ngamo ifae hiadono o nyawa yatoma, De o hapi ma dengo yaafo-afokoka la ihilugu, De gea yodiai la yogie-giete ato yomahigogule dika.

Dodadi 49:6 ပူးပေါင်းရင်းမြစ်များ

Dodadi 34:30

De ahao manga baba o Yakubu duru ai hininga ihuha ho wataere o Simeonika de o Lewika wato, “Ngini duru nihihikangela hiadono ahi romanga idadioka hoka o mela kohagiria onangika abe yogogere o tonakoka naa. Hokogea ma mela ahi romangoo o Kanani ma nyawaika de o Ferisi ma nyawaika hiadono ona de ahao inaparangi. De ngone ko howoeua ho nako ona mata-mata yomatoomuino de yoboa yomakuduhunu inaparangi gea inahibinaaha ngohi de ngini de to ngone nanga nyawa ka ma moi!”

2 Samuele 8:4

De manga parangi ma gogiriaka de o Dautu de ai nyawa yataokino manga tentara ma nyawa yasana moi de yaratuhu tumidi abe yotobafarene o kudauku. De nagali manga nyawa abe yotobalou-lou dika yasana monaoko abe o Dautu wataokino. De abe manga kuda yatobaao-ao o goroba parangi, to ena iwoe-woe ma dedeli yaoto la ko idadiokaua imapopaata. Masara naga manga kuda o ratuhu moi abe ma dedeli ko yaotoua.

Higiriiri 1:1

Ona abe ma hiowa yamake, gea ona abe: Ko yaniikua o nyawa manga higaro ma demo nako ona Ma Jou ko iwingakua, De ko yomahikasapurua onangika abe yatobahowo-howono, De ko yomahidogogerua onangoka abe yahohedu ma totiaiika.

Higiriiri 103:1

Doka ahi hiningaka tomatemo tato, “Iti ngohi tihigiriiri Ma Jou o Yaweika; De ahi hininga ma gahumu tohigiriiri ai romanga ma debi-debinika!”

Higiriiri 139:19

De naa moi togahoko Ngonaika Ma Jou, abe ona yotobatualono duru irahai nahohonenge dika. Ngohi toigo la tahuloko onangika tato, “Ngini abe niohafini o nyawa manga awunu nimataiti nimatingaka ngohino!”

Higiriiri 16:9

Ho de ma titi gea hiadono to ngohi ahi jiwa duru isanangi, De to ngohi ahi hininga duru ka ihikaika igogarago, Hiadono ka ihikaika ahi higiriiri tohiboa-boaka Unangiye. De angamoi Una Ma Jou o Yawe abe wohigoa-goana, Ho ngohi ka ihikaika duru toriidi tomanoa Unangoka.

Sosawaro 1:11

Ufa ona nianiiki nako naga manga higaro ma dorou nginika ato, “Ngini niaino la niminiiki! Ngone ahao homagora o nyawa manga kiahonanga. Ka idadi ngone hagogataheke de hatoma onangika! De ngaro manga howono ko iwa ngoneino ma adodoaua.

Lukasa 12:19

De ma oraha ahao tohingohamoka mata-mata de ahao ka idadi tomahigiriiri tomatemo tato, “Ngohi naa duru toutumoka! Angamoi ahi kiahonanga naa duru itou-touniye de ihiwedono o taongo muruonohi ahi himangika. Ho naa ibootohi tokarajaanga, masara ka idadi tomahiaini dika. Abe ngohi ma hou ka totobaolomo de totobaokere de tomahisosanangi dika.”’ Hokogea wokaya-kaya ai demo womatemo ai hiningaka.”

2 Korintusu 6:14

Ahi gogianongoru, naa moi tinileha, ka idadi hohidiliko o kuda moi de o hapi moi la imakuduhunu ihidatauru o goroba? Ko idadiua, e? De hokogenangoo abe ngone hingaku-ngaku o Yesusu Kristusika ko idadiua homahidiliko onangika abe ko iwingaku-ngakuahi. Angamoi done sarakia imakiniiki o wowango ma totiai de o wowango ma dorou? Ko imakiniikua! De done sarakia abe o dararono de o fufutu imanoa o ngi moioka?

Yosua 11:9

De ahao o Yosua de ai nyawa yahitalo manga musu manga kuda mata-mataika, de abe manga goroba parangi gea yakokitufukoka. De manga datoro gea mata-mata duru imakiniiki de Ma Jou ai huhuloko ma demo onangika.

Hihira 5:21

O Sisera ai tentara manga ngoe yoruba o Kisono ma akeroka, Duru ma dodihiraino ihahuroko o Kisono ma akere gea, De naa duru anguihi ho yahihahuru o Kanani ma tentara manga honenge. Ho ngomi mia domoroini ka idogo-dogo abe manga ngoe ko yaiwaka. Ngomi mimahikagaro miato, ‘Hogila-gila dika haparangi onangika! De nanga jiwa ma gahumu hapake la hahibinaahaka!’ Hokogea mia hagaaga.