Dodadi 49:31 - Ma Jou ai Demo-demo o Totobelohoka

³¹ De genangoka iwilungunu ahi ete o Abarahaama de ngoi fekata o ngo Sara. Ahi baba o Isaka de ngohi meme o ngo Ribeka onangoo manga lungunu genangoka. De ngohi fekata o ngo Lea munangoo tomilungunu o aruku ma goronaka gea.

Dodadi 49:31 ပူးပေါင်းရင်းမြစ်များ

Dodadi 23:3

Gea o Abarahaama womigari ibooto de ahao womaokoiyeoka ami honenge ma datekoka de ahao wohupu woiki watutumu o Hete ma nyawaika abe yomatoomuinoka o kota ma ngoranoka la ka idadi wotemo onangika.

Dodadi 25:9

De o Isaka de o Isimaele ai ngofaka yahinooto gea ahao manga baba ai honenge iwingotaka o Makapela ma arukika abe imakitingaka ko ikurutikaua de o Mamere ma ngi. Ma dihiraka o Abarahaama womaijaka o aruku gea. Abe ma oraha o ngo Sara mohonenge de womaija o Hete ma nyawaino abe ma tonaka gea ma dihira o Sohara ai ngofaka o Eforono ai redi. Ho o aruku ma goronaka gea o Abarahaama iwilungunu duru yomahingi moi de ngoi fekata o ngo Sara.

Dodadi 29:16

De o Yakubu woigo o Labana ngoi ora womagahoko la modadi ngoi fekata. De o Labana ngoi ora yahinooto, ma riaka ami romanga o ngo Lea de ma dodoto o ngo Rahele. De o ngo Lea ami lako ko itararonua masara nako ngomi dodoto ami badanga irahai de duru mohailoa. De utuohi munangika o Yakubu ai hininga adaene ho womagahoko o Labanika wato, “Ahi baluhu, ngohi tosanangi tokarajaanga ngonaka de ngaro ufa e, nohihigaji iti ngohi fekata tamake. Hokonaa ahi hininga tomahingahu, nako o ngo Rahele, ngoni ora o dodoto, nohihidoaka la modadi ngohi fekata de ngohi tokarajaanga ngonaka o taongo tumidi ma dekana.”

Dodadi 35:29

Hokogea duru o Isaka iwiperekioka de ahao ai ngomaha itoaka ho unangoo wohonenge ho wahidotoomuino ai totoforaka manga jiwa ma ngioka abe ona yododihiraika yohonenge. De o Isaka ai ngofaka o Esau de o Yakubu yomakuduhunu iwilungunu manga baba.

Dodadi 47:30

Ho ma oraha ngohi tohonengoka de ngona kiani nohihihupu o Mesiirino de kiani nohingotaka ahi tofora manga lungunika la nohilungunu onangoka.” Hokogea o Yakubu ai behehongo o Yusupika. Ho o Yusupu wato hokogea ahao wodiai.

Dodadi 49:32

De ka idadi hokogea yapake angamoi o aruku gea ahi ete o Abarahaama womaija o Hete ma nyawaino.”

Dodadi 50:13

Abe manga baba ai peti yagoraka la iwingotaka ai honenge o Kanani ma honongaika de iwihingohama o Makapela ma arukika de genangoka iwilungunu. O aruku gea abe ma dodihiraka o Abarahaama womaijaka o Hete ma nyawaino la idadi manga lungunu ma ngi o Eforono ai redioka abe imakitingaka ko ikurutikaua de o Mamere ma ngi.

Hidingoto 7:16

De yopahaka de ahao ika-ika manga honenge yototaka de yalungunu o Sikeme ma tonakoka. Abe genangoka ma dihiraino de o Abarahaama womaijaino o lungunu ma ngi moi abe o Hamoro ai ngofa-ngofakino womaija.”