Dodadi 49:29 - Ma Jou ai Demo-demo o Totobelohoka

^29-30 Gea wahiowa ibooto de ahao o Yakubu wahingahu ai ngofa-ngofakika wato, “Ngohi tohioriki itigioka ahi gahe abe genangika toiki la mimatoomuino de ahi totofora manga ngioka abe ona yododihiraika yohonenge. Ho naa ahi behehongo moioli abe kiani nianiiki, togahoko la ngini nihilungunu ahi ete de ahi baba manga lungunoka o Kanani ma tonakoka. To ona manga lungunu ma ngi gea o Makapela ma aruku ma goronaka abe ma dihira to Hete ma nyawa abe ai romanga o Eforono to una ai redioka abe imakitingaka ko ikurutikaua de o Mamere ma ngi. De o Abarahaama womaijaka ma aruku gea abe imaritonakika de ma redi la ika-ika de idadi to ngone dika nanga lungunu ma ngi.

Dodadi 49:29 ပူးပေါင်းရင်းမြစ်များ

Dodadi 15:15

Masara ngona ma hirete o kangela hokogenangua namake, ngona ahao iniperekioka de ani hininga duru de ma dameoka ma oraha ani ngomaha itoaka. Ho to ngona ani wowango o duniaka ma dekanino de ahao adono ma oraha nohonenge de inilungunu.

Dodadi 23:16

De o Abarahaama wosanangi o Eforono ai demoika gea ho ai haaka wakilo hoka ona yotobafuku-fukunu manga biaha yodiai la ma dubuho imaketero de o haaka ise-senge o ratuhu iata. Hokogea una waniiki abe o Eforono wofetongoka ai gogianongoru manga himangoka, de ma ija o haaka gea o Abarahaama wohidoaka unangika.

Dodadi 23:17

De o Eforono ai redi o Makapela ma ngioka imakitingaka ko ikurutikaua de o Mamere ma ngi. Ho ma ngi gea idadioka to Abarahaamoli ai tonaka ka ma moi de ma aruku de ma gota mata-mataika abe naga o redioka gea.

Dodadi 23:20

Hokogea o redi de o aruku gea duru itaana de ma hurata abe o Hete ma nyawa iwihidoaka o Abarahaamika la idadioka to unangoli ai lungunu ma ngi.

Dodadi 23:9

Abe o Eforono ai redi ma batingoka naga o aruku moi ma romanga o Makapela ma aruku. De o aruku gea ngohi toigo tomaija. Ho gea togahoko la ngohi nihihidemo unangika niato, ‘O Abarahaama woigo o Makapela ma aruku womaija de wofangu abe ma ija itiai ngonaika nanga dimo-dimono manga himangoka. Hokogea o Abarahaama ai gogahoko ngona o Eforonika la ani aruku idadi to una ai ngi abe ka idadi ngoi fekata ami honenge wohingohama o aruku gea ma goronaika.’ Hokogea ahi gogahoko ma demo o Eforonika.”

Dodadi 35:27

De ipaha o Yakubu womahiadonoka ai baba o Isaka ai tauika abe naga o Mameroka abe imahikitigino de o Kiriata-Aba abe ahao o nyawa ihiromangoli o Heborono. O Isaka ai gogere gea duru ai baba o Abarahaama ai dingiioka abe ma dekana una wogogere o Mameroka.

Dodadi 35:29

Hokogea duru o Isaka iwiperekioka de ahao ai ngomaha itoaka ho unangoo wohonenge ho wahidotoomuino ai totoforaka manga jiwa ma ngioka abe ona yododihiraika yohonenge. De o Isaka ai ngofaka o Esau de o Yakubu yomakuduhunu iwilungunu manga baba.

Dodadi 47:30

Ho ma oraha ngohi tohonengoka de ngona kiani nohihihupu o Mesiirino de kiani nohingotaka ahi tofora manga lungunika la nohilungunu onangoka.” Hokogea o Yakubu ai behehongo o Yusupika. Ho o Yusupu wato hokogea ahao wodiai.

Dodadi 49:28

Hokogea o Yakubu wahiowa ai ngofa-ngofaka yangimoi de yahinootoika de o hiowa ma demo abe duru imakataana de ona homoi-homoiika. De gea wohioriki itigioka wohonenge de wapake manga oara ma behehongo ma demo abe wahitaana onangika la wahingahu homoi-homoiika abe hokokia idadi onangika abe ma oraha manga totoforauku ahao yolape-lapeuku. De ona yangimoi de yahinooto homoi-homoiika ahao yodadi o Isiraele ma nyawa manga dutu.

Dodadi 49:33

Hokogea o Yakubu wahibehehongo onangika ibooto de ahao ai lou wagoraka de wakelengali ai koiuku de womarubaiha ai koioka. Ka de womaiduokali hokogea de ai ngomaha itoaka ho Ma Jou wahidotoomuino ai totoforaka manga jiwa ma ngioka abe ona yododihiraika yohonenge.

Dodadi 50:12

Manga huha o minggu moi gea ipaha de ahao o Yakubu ai ngofa-ngofaka yodiai hoka manga baba wahibehehongoka.

Dodadi 50:13

Abe manga baba ai peti yagoraka la iwingotaka ai honenge o Kanani ma honongaika de iwihingohama o Makapela ma arukika de genangoka iwilungunu. O aruku gea abe ma dodihiraka o Abarahaama womaijaka o Hete ma nyawaino la idadi manga lungunu ma ngi o Eforono ai redioka abe imakitingaka ko ikurutikaua de o Mamere ma ngi.

Ibarani 12:23

De ngone naa homaketero hoka ngone homoi-homoi hodadioka to Ma Jou ai ngofa-ngofaka ma riaka homoi-homoiika. Abe ma titi to ngone nanga utumu de nanga behehongo ma owa Ma Jouino gea duru ilamoko ngoneino abe imaketero hoka womatengo o ngofaka ma riaka abe ka to unangohi ai utumu unangika duru ilamoko. Masara ngone naa mata-mata hamakeoka ma utumu ma amoko Unangoka abe ngone homoi-homoiino, de gea ngone homoi-homoi ai gareja ma doomu hodadioka, de to ngone nanga roma-romanga akokitulihukuoka o Horogaka. De ngone naa homahitiginoka Ma Jou ai himangino abe Una o nyawa mata-mata o duniaka naa to Una ai kuahaka la Una gea wonatobauru-urusu. De nanga doomuoka naa nagali Ma Jou ai totiai ma nyawa manga jiwa abe ma dodihirainohi de ona yohonengoka ho naa to ona gea manga kuranga ko iwaka, masara ona duru yongodumoka.