Dodadi 49:26 - Ma Jou ai Demo-demo o Totobelohoka

²⁶ Abeika, o loku-loku ma dodihiraka de ka ihikaika naga, De o loku-loku gea inihiowa de to ena ma hasili irupa-rupa, Masara ani hiowa namake ani babaino naa, ka enangohi ilakuiye. Ngini o ria-dodotino masara ka o Yusupohi wodadi wokurutiye, Ho ngaro una iwilufungoka de ma owa abe naa tigahokoka.

Dodadi 49:26 ပူးပေါင်းရင်းမြစ်များ

Dodadi 37:28

Hokogea o Yehuda ai demo de ai ria-dodoto iwihigihene ho ka de ona abe yoboa o Midiana ma tonakino gea yomahitiginoka de o Yusupu ai ria-riaka iwihihupu o humuino de iwifukunu onangika de ai ija o haaka ise-senge monaoko. De gea iwifanguoka de ahao o Isimaele ma nyawa gea o Yusupu iwiao o Mesiiri ma tonakika.

Dodadi 37:8

Ka de gea yoihene de ai ria-riaka ato, “Iya, ya, ya, ngona naa nato nomihikoano e? De done sarakia ngona o dodoto de ngomi naga to ngona ani kuahaka?” Hokogea iwimia-mia de to ona manga dohata unangika ka idogokali ma titi ai buluhara de ai ade-ade gea.

Dodadi 49:27

O Benyamini hoka o fuhuku ma kaho abe ena duru itualono, Hiadono ai nyawa yososawaro yagogataheke manga musuika, O ngoru-ngorumiye yamataka manga musu abe yahikalaka, De o futu-futuiye yahikodoku manga musu manga kiahonanga.”

Yunusu 2:6

Ngohi gea o loku-loku ma timiuku o gahi ma goronaka, dau ihilutu, imaketero hoka ihidukusioka o dunia ma goronaka. Masara Ngona, ahi Jou o Yawe, ahi wowango nagorakoka ma lungunino gea.

Habaku 3:6

De abe ma oraha womatogumuku ai dodagioka de ma tonaka duru ikelu-kelu. De nako hiadono Una womalegaika dika o dutu ma nyawaika de ona duru iwimodongoka. De gea ngohi tamake o loku-loku abe duru ma dihirainohi naga to ena ma ngioka masara gea ka idadi ipelaka hiadono itoropa. Abe ma dodihiraka de Ma Jou Una wotagi-tagi o loku-lokuoka gea, masara naa de ko ipukuiyeokaua angamoi idadi hoka o dola ma tonaka abe itiaiika dika.

Gegetongo 6:2

“Musa, hokonaa kiani nahingahu o Isiraele ma nyawa mata-mataika nato, ‘Nako ngini ngaro o nau-nauru, ngaro o ngo-ngofeka, nako naga womatengo eko momatengo abe yoigo yomatingaka Ngohi Ma Jouino la yodadi abe yahiromanga o Nasiri ma nyawa de naga to ona dika manga behehongo Ngohino Ma Jou o Yaweino. De manga behehongo gea de ma gaheoka abe ona ma hirete homoi-homoiika ka idadi yomaputuhu ma dekanino yaniiki o Nasiri ma nyawa manga leleani. Abe kiani yomahingahu hokokia ma dekana manga behehongo ilaku Ngohino, hoka o mede muruono dika, eko o taongo muruono dika yaniiki, eko ka idadi manga behehongo ka hiadono manga wowango ma bahaika yaniiki o Nasiri ma nyawa manga leleani Ma Jouika.

Hidingoto 7:9

“De ipahaino de o Yakubu ai ngofa-ngofaka duru iwitaleana manga dodotika o Yusupu, ho iwifukunu dika la wodadi o Mesiiroka ma nyawa manga gilaongo o Mesiiri ma tonakoka. Masara Ma Jou Una naga de de o Yusupu

Efesusu 1:3

Ahi gogianongoru, naa ngohi tinihigaro ma titi ma hidoaka ma owa mata-mata abe ngone hamakeoka. De nanga hidoaka ma owa gea ikokiboa Ma Jouoka de aino, abe Una gea to nanga Baluhu idodutu o Yesusu Kristusu ai Baba. De ai owa gea o Horogaka de auku iboa ngoneuku. De gea wonahiowa ma titi abe ngone hodadioka o Kristusu ai nyawa. Ho mangale ma titi Ma Jou wonahiowaka ngoneino de to Una ai owa mata-mata ho duru itiai abe ngone ka ihikaika hihigiriiri Unangika.