Dodadi 49:16 - Ma Jou ai Demo-demo o Totobelohoka

¹⁶ O Daana watobatailako ai nyawa manga howono, De ngaro manga hohowono wahitaana onangikaoo, Abe waniiki o Isiraeloka manga dutu homoi-homoiika, La gea yahipareta itiai manga gogianongoruika.

Dodadi 49:16 ပူးပေါင်းရင်းမြစ်များ

Dodadi 30:6

Ho ka de o ngofaka gea womaboaka de o ngo Rahele duru mosanangi de motemo mato, “Ngaro o nyawa ihihiade-ade ato ahi ngofaka ko iwahi angamoi tahowonoka, masara naa abeika Ma Jou wohiduhunoka! Ho gea ihihitaana abe ko iwa ahi howono angamoi ahi ngofaka naa wohihidoakoka!” Hokogea ami hininga hiadono o ngofaka gea mihiromanga, “o Hitaanua,” abe to ona manga demo, “o Daana.”

Dodadi 49:15

De ka wamake ai gogere ma tonaka ma rahai, De una de ai magaweoka ai karajaanga watagongo, Hokogea o Isakara ma nyawa hiadono yodadi o huhuloko, De o karajaanga itubuho o nyawa utu yahikarajaanga.

Dodadi 49:17

Masara o Daana hoka o dodiha onangika abe iwimusu, Ai miriidi hoka o dodiha abe ko hamakeua de nanga lako, Ho ka de yoboaino de manga kuda, ona abe iwimusu, De gea wahikangela hoka watuduku manga kuda ma louika, Hiadono imakibanga manga kuda ho iwiumo ma dutu.

Gegetongo 10:25

De abe ma bahaika yosobo yahidoduruika o Benyamini ma nyawa gea o Isiraele ma nyawa manga dutu hangeino. De o dutu ma doomu abe ona yohira o doomu hangeino, gea o Daana ma nyawa. De to ona manga hihira ai romanga o Ahiesere abe o Amisadai ai ngofaka ho una manga himangoka de unangoo wohidoakiye o dodunguu hoka o bendera de ma liateoka abe to Daana ma nyawa manga dodunguu.

Higalioli 33:22

De o Musa ai hiowa ma demo abe ihidumutu o Daana ma nyawaika hokonaa, wato, “O Daana ai totoforauku ona hoka o singa ma boki ma ngofaka, de ona ahao manga tonaka o Basanoka de yohupu la yabaatika manga musuika.”

Hihira 13:2

De ma oraha gea naga o Isiraele ma nyawa womatengo ai romanga o Manoa abe womahidutu o Yakubu ai ngofaka o Daana ma dutuino. De o Manoa gea wogogere o Sora ma kotaka. O Manoa ngoi fekata naga masara muna ko idadiua modami ho ko ma moiuahi ami ngofaka mamake.

Hihira 15:20

De o Simsono wodadi o Isiraele ma nyawa manga hihira ai taongo monaoko ma dekana. De ngaro una to ona manga hihira masara ma oraha gea ka o Filistina ma nyawahi de manga kuaha ilamoko o tonaka ma amokika.