Dodadi 48:7 - Ma Jou ai Demo-demo o Totobelohoka

⁷ De o tonakoka gea naga ngoni meme ami lungunu. Abe ma oraha o Padana-Arama ma tonaka tanoa de tolio o Kananika de ahi dodagi ma goronaka de o ngo Rahele mohonenge. De ngohi ahao genangoka tomilungunu o ngekomo ma datekoka abe ma ngekomo gea ma dumutu o Efaraatika. De ma ngi gea naga ma romanga moioli abe o Beteleheeme.”

Dodadi 48:7 ပူးပေါင်းရင်းမြစ်များ

Dodadi 25:20

Una gea ahao ai ngumuru adonoka ai taongo moruata ma oraha woilaka de o ngo Ribeka, abe muna to Betuele ngoi ora de to Labana ngoi firanga. Ona o Arama ma nyawa abe yogogere o Padana-Arama ma tonakoka.

Dodadi 33:18

De ahao ika-ika o Sukoto gea yanoa de yoiki yogila-gila hidutu yomahiadono o Kanani ma tonakika abe genangoka naga womatengo ai romanga o Hamoro. De o nyawa mata-mataika genangoka wahibaluhu hiadono ona yomahiromanga o Hamoro ma nyawa. De o Hamoro naga ai ngofaka womatengo ai romanga o Sikeme. De manga kota ma romanga ihitoomuika o Hamoro ai ngofaka ai romangika ho manga kotaoo ma romanga o Sikeme. De abe hatoli o kota ma datekoka gea naga o tonaka ma hohutulu womaija o Yakubu de ma ija o haaka ise-senge o ratuhu moi. De genangoka o Yakubu ai nyawa manga tau o ngoerino ihikokigoko.

Dodadi 35:20

De ami lungunu gea o Yakubu wohitunguu de o hakaru ma amo-amoko wohigokoiye de ma oraha naa ami lungunu ma dodunguu gea nagahi genangoka.

Dodadi 35:9

Masara ma oraha o ngo Debora ko mohonenguahi, abe ona ka de yomahiadonoka o Betelika, de Ma Jou womahimatokoli o Yakubika. Naa manga dekanoka yoikoka abe o Labana ai tonaka o Padana-Arama yanoa de ahao naa o Yakubu woboali o Betelino. De ma oraha gea ka de womahiadonoka de Ma Jou womahimatokoli unangika la wihiowa.

Matiusu 2:18

“Ona o Rama ma kapongoka yokokiihene, O ngo Rahele ami totoforauku manga gari De manga gari gea duru kohaamokiye, Angamoi gea manga ngofa-ngofaka yagari, De ngaro o nyawa yalaru ma ko yaohonua, Angamoi manga ngofa-ngofaka gea ko yakokiiwaka.” Hokogea Ma Jou ai uru ma dodofanga o Yeremia ai hingahu ma dodihiraka abe naa idadioka. O ngo Rahele muna o Isiraele ma nyawa manga tofora gea o Yakubu ngoi fekata. De muna gea imilungunu duru o Beteleheeme ma kapongo ma datekoka. Ho ika-ika de ami totoforauku manga ngoe yogogere genangoka.

1 Samuele 1:1

O ade-ade naa imulaenge de o Isiraele ma nyawa womatengo ai romanga o Ekana. Una womahidutu o Efaraimi ma dutuika de wogogere o Rama ma kota abe naga o loku-lokuoka o Efaraimi ma tonakoka. De o Ekana ai baba o Jerohama, de ai ete o Elihu, de manga fam Tohu abe o Efaraimi ma nyawa o Sufu ma doomuino.

1 Samuele 10:2

De naa bootino homakitingaka de ka ngona dika nogila-gila o ngekomo nenanga dika naniiki. De ma oraha ngade-ngade nomahiadono o Benyamini ma nyawa manga tonaka ma batingika de naga genangoka o lungunu ma dodunguu abe ma dihira to ngona ani tofora o ngo Rahele imilungunu genangoka o Selasa ma kotaka. De genangoka ahao namake o nauru yahinooto de ona inihingahu ngonaika abe nia keledai yamakeokau de naa ani baba wohuha ma titi ka ngona dika done inihihangoka hiadono waleha-leha o nyawaika wato, ‘Sarakia ngini niwimake ahi ngofaka o Saulu?’”

1 Samuele 16:4

Ho o Samuele ai behehongo Ma Jou o Yaweino gea waniiki itiai. Masara ma oraha woboa o Beteleheemino de o kota ma dimo-dimono ka de iwimake o Samuele de yohawana ho iwileha o Samuelika, ato, “Mia baluhu, o kia ma howono nenangoka hiadono naa noboa nomitutumu? Eko sarakia, ngona naa noboa o dame dika nomigao?” Hokogea yotemo de manga hininga ma hawanoka.

1 Samuele 17:12

De o Dautu abe o Isai ai ngofaka, abe o Efaraata ma doomuino, una o Beteleheeme ma nyawa abe o Yehuda ma dutuino. De o Isai gea ai ngofaka o nau-nauru yatufange de ma oraha o Saulu wodadi o Isiraele ma nyawa manga koano de o Isai duru iwiperekioka.