Dodadi 48:19 - Ma Jou ai Demo-demo o Totobelohoka

¹⁹ Masara ai baba woluku wato, “Ahi ngofaka, marai naa ngohi todiai tohioriki, abe nako o Manase naa, unangoo ai totoforauku ahao yowoe-woeuku masara nako o Efaraimi ka to unangohi ai totoforauku yofoloiika yowoe hiadono yodadi o dutu manga ngoe de manga tonakoo homoi-homoiika.”

Dodadi 48:19 ပူးပေါင်းရင်းမြစ်များ

Dodadi 17:4

De wato, “Hokonaa to Ngohi ahi behehongo ngonaika. Ahao ani totoforauku onangoli homoi-homoi yodadi o nyawa yowoe-woe manga dutu. Ho ika-ika de ahao ngaro o nyawa abe yomahikabarihoka ho yogogere o tonaka ma ngoeoka masara ona ko manga ngoe yobaba ngonaika.

Dodadi 25:23

Ho momaniata Ma Jou o Yaweiye de Una womipaluhu wato, “O ngo Ribeka, ani ngofaka ma ngioka naga o nyawa manga dutu yahinooto, De ani totoforauku o doomu hinooto gea ahao yomakokitingakika, De o doomu hinooto gea naga moi abe onangohi duru de manga buturungoka, Abe o riaka to una ai totoforauku ahao o dodoto ai totoforauku yaleleani.”

Dodadi 25:28

De angamoi manga baba o Isaka duru waolomo o fuhuku ma aewani ma roehe ho nako o Yakubu de o Esau, ka o Esauohi duru widora. Masara ngoi fekata o ngo Ribeka muna duru midora manga ngofaka o Yakubika.

Dodadi 28:14

De to ngona ani totoforauku tahidadi yowoe-woeuku hiadono manga ngoe hoka o tonaka ma kafo o duniaka. De o tonaka naa mata-mataika tahidoaka onangika hiadono manga gogere kohangoatika abe o wange ma hiwaroka hiadono o wange ma dumunika, de o koremiyeuku hiadono o koleharaiye ma ngoatika. De ahao o nyawa utu ngaro ko ani dutua adaene ma onangoo yakokimake ma owa ma titi ahi behehongo ngonaika naa. Abe ona ngaro manga dutu mata-mataika o dunia ma amokika ma, ahao yakokimake ma owa ngonaino de to ngona ani totoforaukuino.

Dodadi 46:3

De Ma Jou wihibehehongo unangika wato, “Ngohi naa to ani baba ai Jou, ho ufa nohawana noiki o Mesiiri ma tonakika, angamoi Ngohi ahao tonihidadi o dutu moi abe duru ko manga ngoe abe ani totoforauku.

Dodadi 48:14

Masara o Isiraele ma oraha wafokumu de ai giama wohisalioaino ho ai giama ma niraka yadaene o Efaraimi ai mumukuku de nako ma gubadi gea iwidaene o Manase ai mumukuku. Hokogea wodiai ngaro o Manase una o riaka de o Efaraimi una o dodoto.

Higalioli 1:10

Angamoi Ma Jou o Yawe winihidogo hiadono nia ngoe ngade-ngade nimaketero hoka o muru-murumu ma ngoe daku o dihangoka!

Higalioli 33:17

De ai totoforauku gea to ona manga kuaha duru ma hohailoa, de nagali abe ona duru de manga bobuturungoka. De mangale ma titi manga buturungu gea hiadono duru yolaku-laku, abe ngaro o homoa ma nyawa mata-mata ma ona ka idadi yahikala manga musuika gea. De hokogea ahi hiowa ma demo o Efaraimi de o Manase ma nyawaika, abe o Manase manga ngoe ona duru yosana, masara nako de o Efaraimi ma nyawa ka onangohi duru yowoeholi.”