Dodadi 48:14 - Ma Jou ai Demo-demo o Totobelohoka

¹⁴ Masara o Isiraele ma oraha wafokumu de ai giama wohisalioaino ho ai giama ma niraka yadaene o Efaraimi ai mumukuku de nako ma gubadi gea iwidaene o Manase ai mumukuku. Hokogea wodiai ngaro o Manase una o riaka de o Efaraimi una o dodoto.

Dodadi 48:14 ပူးပေါင်းရင်းမြစ်များ

Dodadi 41:51

De ma oraha manga ngofaka o riaka womaboa de o Yusupu wotemo wato, “Ma Jou wohiduhunoka hiadono ka idadi ahi kangela takokiwohangoka de ngaro onangoo ahi baba ai tauoka ma, onangoo ko tahohiningakaua.” Ho ma titi gea wapake la ai ngofaka o domoro gea wihiromanga, “o Hiwohanga” abe to ona manga demo, “o Manase.”

Dodadi 41:52

De ai ngofaka o dodoto wihiromanga, “o Totohofoko,” abe to ona manga demo “o Efaraimi” angamoi ma oraha womaboa o Yusupu womahingahu ai hiningaka wato, “Ma Jou wohiaturu la ahi wowango de ma utumoka ngaro ahi kangela ma ngoe o tonakoka naa.”

Dodadi 46:20

O Yusupu ai ngofaka yahinooto de ona yomaboa o Mesiiri ma tonakoka manga romanga o Manase de o Efaraimi. De manga meme o ngo Asenata abe ami baba o Potifera, una gea o hidemo abe wogogere o Onoka abe genangoka o Mesiiri ma nyawa wahidemo manga popangaoika.

Dodadi 48:13

De ahao ai ngofaka yahinooto gea wahirihimangoli de manga ete de wahiaturu la ma riaka o Manase naga o Isiraele ai nirakoka de o Efaraimi una naga o Isiraele ai gubadioka.

Dodadi 48:17

Masara ka de o Yusupu wimake hokogea ai baba wafokumu de ko wosanangiua angamoi de ai giama ma niraka wafokumu ko o riakikaua masara o Efaraimi ai peauku. Ho gea wotemo wato, “Baba, hokogenangua ani giama angamoi naa una ahi ngofaka o domoro ho kiani ani giama ma niraka nihifokumu to una ai mumukuku.” Ka de hokogea o Yusupu wotemo de ai baba ai giama ka wagoraka de wakelenga o Manase ai mumukuku.

Huhupu 15:6

“Hoka to Ngona ani niraka napake, Ma Jou o Yawe, Nomihimatoko ani kuaha ma buturungu hiadono minigorakiye. Ho ka de to Ngona ani niraka dika, Ma Jou o Yawe, Nanga musu manga buturungu Ngona duru nahiwedere.

Matiusu 16:18

“De naa moioli tonihingahu ngonaika abe o hiketero ma demoino tapake. Abe to ngona ani romanga gea o Peturusu de ani romanga ma titi gea o hakaru. Ho imaketero hoka o nyawa yomaatau o hakaru ma dengeoti ma lokuiye, hokogenangoo to Ngohi ahi gareja ahao todiai o hakaru ma lokuiye. De ma hakaru gea ihidumutu ngonaika. De abe ma titi ahi gareja gea Ngohi todiai, ma doomu gea duru ko iwa ma dorou o kia dika abe akunu yahikala onangika. Abe ngaro o hone-honenge ma kuaha abe ma oraha naa nagahi o Ibilihi ma haeke ma giamoka, masara enangoo ko idadiua yahikala ahi garejaika.”

Matiusu 19:13

De ipahaino o nyawa yao manga ngofa-ngofaka o Yesusino la ato Una wafokumu la wagahoko ma owa Ma Jouino ma titi ona. Masara o Yesusu iwinii-niiki ona yataere manga dimonika ato, “Ei, ko idadiua ma ngofa-ngofaka naa niaoika ma guruika, done iwiruwae!”

Matiusu 19:15

De wataere ibooto de ahao ma ngofa-ngofaka wakokifokumuku de gea wagahoko ma owa Ma Jouiye. De wagahoko ipahaino de Una wosoboka.

Matiusu 6:5

De o Yesusu wogila-gilali wadotoko onangika wato, “De naa Ngohi tinidotoko nginika abe ma titi hokokia nimaniata Ma Jouiye. De nia niniata ma goronaka ufa nimaaduru abe hoka onangoli yomadokangeluku dika ma titi manga gogao Unangika. Abe ona gea duru yoigo la yomaniata o ngekomo ma amoko ma marihapongoka eko nia dodotoko ma tau-tauoka la ato o nyawa duru ko manga ngoe ka idadi yamake ona abe ma oraha yomaniata Unangiye. De naa Ngohi tagou-goungu tinihingahu abe to ona gea manga utumu manga niniatoka, gea o nyawaino dika manga higiriiri. Angamoi nako Ma Jouoka de aino duru ko yamakeua o higiriiri eko o utumu mangale ma titi to ona manga hininga la yomagorakiye dika.”

Lukasa 13:13

De hokogea wotemo de womiso munangika, de ka itodokanino motogumoka de momarikotiye abe hoka ma dihirali. De motogumoka de ahao muna duru mihigiriiri Ma Jouika o nyawa gea manga hima-himangoka.

Lukasa 4:40

De ahao ihumuririhuku ho o Hiaini ma wange ipahaka, de ahao o nyawa manga ngoe yoboa Unangino. Abe ona mata-mata abe naga manga dutu eko manga dodiawo yagogama ma titi manga panyake irupa-rupa, ona gea yaoino o Yesusino. De Una wakokiso de ai giama ona homoi-homoiika de wahikokitogumu ona mata-mataika.

Hidingoto 13:3

De wotemo ipaha de ona yogila-gila yomaniata de o inomo ko yolomuahi. De ipahaino de ahao ona yafokumu ona yahinootoika de yomahiketehilooa angamoi kiani yomakitingaka manga gogianongoruoka de aino.

Hidingoto 6:6

De o nauru yatumidi naa yaoino o hidingoto ma nyawa manga himangoka. De ahao ona yaniata abe yafokumu de yagahoko ma owa Ma Jouino ma titi ona yatumidika la ka idadi manga tagongo gea yakunu yao irahai.

Higalioli 34:9

De naa o Yosua wodadi o Musa ai duruuru abe o Musa wihitunguuokau o Isiraele ma nyawa manga himangoka. De ma oraha wihitunguu wodadi ai duruuru de o Musa wifokumu o Yosua ai mumukuku de o Yosua wamake o sosawaro ma hiakunu ai hiningaka abe duru iwihipareta ngaro ai hiningaka de ngaro ai datorokaoo. Ho o Yosua ai demoino o Isiraele ma nyawa duru iwihigihene hiadono yaniiki Ma Jou o Yawe ai pareta mata-mata gea abe wihidoaka o Musaika de o Musali wadofanga onangika.

1 Timotiusu 4:14

De ufa ani hiakunu Ma Jouoka de aino gea ufa nodogunoaika. Abe nengokadau ani hiakunu gea namake ma oraha ona o gareja ma hihira inifokumu de initingakoka Ma Jou ai karajaangika. Abe ma oraha gea inifokumu de Ma Jou o Womaha wahimatoko de wahitararono abe hokokia wonihiakunu ngona. Ho ufa namalaika ani hiakunu gea.

1 Timotiusu 5:22

Ufa nomataitiholi nairiki de nafokumu o nyawa la yodadi o gareja ma hihira, ma koaho nohidodiai done o nyawa nairiki nahowono. Angamoi nako ona gea ka yahowonohi Ma Jouika de masara ngona nafokumu, gea imaketero hoka ngona nahigaro o howonika. De nako o howonika nahigaro, gea ngonaoo nahowono Ma Jouika. Masara ngona koaho nomaagoana la ani wowangoka ka ma hohailoa dika.