Dodadi 47:9 - Ma Jou ai Demo-demo o Totobelohoka

⁹ De o Yakubu wipaluhu wato, “Ahi koano, to ngohi ahi wowango de ahi paradidu ma kangelaka hiadono adono ahi ngumuru o taongo o ratuhu moi de moruange ma dekana. Masara nako de to ngohi ahi tofora manga ngumuru tanu to ngohi ko kia-kiauahi. Abe ka to onangohi manga paradiduoka yatedekana.”

Dodadi 47:9 ပူးပေါင်းရင်းမြစ်များ

Dodadi 11:11

De o Apa-kasada womaboaka de ai baba o Seeme gea ka wowangohi ai taongo o ratuhu motoahi, de nagali to una ai ngofa-ngofaka utuoli o nau-nauru de o ngo-ngofeka.

Dodadi 35:28

De o Isaka ka ai dekanohi wowango o duniaka hiadono ai taongo o ratuhu moi de moritufange ai dekana.

Dodadi 47:28

De o Yakubu, abe Ma Jou wihiromangoli o Isiraele, una wowangohi ai taongo ngimoi de tumidohi ai dekana o Mesiiri ma tonakoka gea. Ho gea ma oraha wohonenge de ai ngumuru adonoka ai taongo o ratuhu moi de moruata de tumidi.

Dodadi 47:8

De o Firaunu wileha unangika wato, “O Safanata Panea ai baba, nako to ngona ma oraha naa ani taongo muruono hiadono ka nowangohi?”

Dodadi 5:27

Ho o Metusala ai wowango ma dekana o dunia ma lokuoka ai taongo o ratuhu hiwo de moributaanga de hiwo de ahao wohonenge.

Dodadi 50:26

De ma oraha gea o Yusupu wadonoka ai taongo o ratuhu moi de ngimoi. Ho gea o Yusupu wohonengoka de ai honenge ihidiai la ko wowederua de ahao iwikelenga o peti ma rorahaiuku la iwigogono genangoka ma dekanohi o Mesiiroka.

1 Tawari 29:15

Ngomi migogere nenangoka hoka o homoaino ma nyawa, To ngomi mia totofora hokogea, de ngomioo hoka onangoli, Abe ngaro o kiaka dika migogere o dunia ma lokuoka, To ngomi mia wowango hoka o gurumini dika ma dekana, Abe ka itodokanino idadi, de ko itedekanua de ihihangoka. Mia wowango o duniaka ufa mionganono abe ahao ko iwa ma baha.

Huhupu 6:4

De ani totofora gea yogogere o Kanani ma tonakoka hoka o nyawa ma homoaino. Masara naga abe mimahiketehibehehongoka de Ngohi tahibehehongo onangika abe o Kanani ma tonaka gea ahao tahidoaka.

Huhupu 7:7

De ma oraha gea yotemo o Firaunika o Musa ai ngumuru adonoka ai taongo moritufange de ai riaka o Harunu ai ngumuru adonoka ai taongo moritufange de hange.

2 Korintusu 5:6

De ngomi naa duru mihioriki abe ahao ma rorahai miamake Ma Jouino, ho ngaro o kangela o kia dika naga miaohana, masara ngomi ka ihikaika mimatongohono de mia domoroini ko ihihangua. De gea ka idadi mihioriki angamoi ngomi duru mingaku abe Ma Jou watobagou-goungu ai demo mata-mataika. Ho ka idadi mitemo abe mia ngongaku Unangika imihihira-hira to ngomi mia wowangoka. Masara gea abe ka idadi miamake de mia lako, ena gea ko miolegaikaua la imihihira-hira. De mangale ma titi mia ngongaku gea hiadono ngomi mihiorikoo abe ahao migogere ka hiado-adonika de nanga Baluhu idodutuoka ai ngi o Horogaka. Ho ngaro ma oraha naa de ko mihiorikua hokokia ma dekanohi abe ka mimanoahi mia hijai-jai ma badangoka naa, masara ka idadi duru mihioriki de mionganono abe ahao dokengika de migogere Unangoka.

Higalioli 34:7

De ngaro ma oraha o Musa wohonenge duru iwiperekioka, abe ai ngumuru adonoka ai taongo o ratuhu moi de monaoko, masara nako ai lako duru ka idodonohi de una de ai buturungokahi ka hiadono ai ngomaha itoaka.

Ibarani 13:14

Ho koaho ufa nanga hininga ihuha ma titi ma kota gea hanoa la hiniiki ma poretika gea, angamoi o duniaka naa de duru ko iwa nanga kota abe itongohono ka hiado-adonika. Masara ngone naa hongano-nganono de hododamaa to ngone nanga kota abe imanoa o Horogaka, ho nako ma oraha adonoka de ahao ngone homahiadoniye ma ngiiye gea.

Yakobusu 4:14

Masara ngini gea tanu ko nihiorikua nako nia hidee gea ahao idadi eko koua. De ngaro abe o kia ahao idadi itebini nia wowangoka ma genangoo ko nihiorikua! Angamoi to ngone nanga wowango naa, gea ka idadi tohiketero de o hauramo abe ena gea ka jai-jai dika hamake de ipahaino de ihailoka ho ka aiaho ko hamakeokauali.

Yosua 24:29

De o Yosua, abe to una ai baba o Nuunu, una ai wowango ma datoroka duru witobaleleani Ma Jou o Yaweika de ai ngumuru adonoka ai taongo o ratuhu moi de ngimoi de una wohonenge.

1 Peturusu 2:11

Ahi gogianongoru abe duru tinidora nginika, ngini tanu nimaketero hoka o homoa ma nyawa de gea ngini o dionikino ma nyawa o duniaka naa angamoi nia gogere ma gou-goungu gea nagau o Horogaka. Ho gea ngohi tinihigaro nginika la ka ihikaika nimatongohono de ufa nianiiki nia badanga ma horoodo ma dorouika. Abe nia horoodo gea imakalawana de ti ngini nia hininga abe Ma Jouoka de aino iboa.