Dodadi 47:7 - Ma Jou ai Demo-demo o Totobelohoka

⁷ De ahao o Yusupu ai baba o Yakubu unangoo wiaoino la yomarihimanga de o Firaunu. Ka de woboaino de o Yakubu wotemo wihiowa o Firaunika.

Dodadi 47:7 ပူးပေါင်းရင်းမြစ်များ

Dodadi 14:19

De ahao o Abaraama o Mekisedeke wigahoko Ma Jouika wato, “Ma Jou Nokokurutiye ngohi tigahoko o Abaraama naa la nihiowa, Ngona abe o Horoga de o dunia natulaada de togahoko la nihiowa.

Dodadi 35:27

De ipaha o Yakubu womahiadonoka ai baba o Isaka ai tauika abe naga o Mameroka abe imahikitigino de o Kiriata-Aba abe ahao o nyawa ihiromangoli o Heborono. O Isaka ai gogere gea duru ai baba o Abarahaama ai dingiioka abe ma dekana una wogogere o Mameroka.

Dodadi 47:10

Hokogea o Yakubu womahingahu de gea ko woliouahi de wihiowali o Firaunika ma titi ai demoino.

Dodadi 47:8

De o Firaunu wileha unangika wato, “O Safanata Panea ai baba, nako to ngona ma oraha naa ani taongo muruono hiadono ka nowangohi?”

2 Samuele 8:10

De ma koano gea ma dihirainohi de ma ngoe yomaketeparangi de o Hadadesere gea, ho una duru wosanangi woihene ma abari gea. Ho o Toi wihidingoto ai ngofaka o Yorama la widofanga ai hininga ma garago ma demo o Dautika. De nagali o hadia muruono naga abe o Toi wohidingoto de ai ngofaka, ho o Yorama gea wohidoaka ma hadia ma ngoe o Dautika abe yodiai o gurasino de o haakaino de o tabaagaino.

1 Kokoano 1:47

De o Dautu ai nyawa abe manga gogere ikokurutiye ona yoboa unangino de naga manga sosanangi ma demo unangika abe yotemo ato, ‘Mia koano o Dautu, ngomi wiwigahoko Ma Jouika la ani ngofaka o Saloomo wamake ma rorahai dika. Abe mionganono nako to ngona ani romanga de to una masara ahao ka to unangohi ai romanga ikurutiye o nyawa-nyawaka!’ De ma oraha ma koano o Dautu ai nyawa iwitemo hokogea de ma koano naga ai ngingiduoka de gea una ai pea womaponuku de wihigiriiri Ma Jouika.

2 Kokoano 4:29

De ahao o Elisa wihibehehongo o Gehasika, wato, “Ngona nomataiti nomahidiai noiki! Ahi tutukunu nagoraka de nosobo! De ufa notulu-tulu nimakoketemo de o nyawa. Nomataiti naika ami tauika de ahi tutukunu nakelengauku duru o ngofaka ai himanguku.” Hokogea o Elisa ai hiaturu.

Huhupu 12:32

De ngini niakokiaoka ti ngini nia kabingi, de nia domba, de nia hapi hoka nengokadau nigahokoka. Moi dika togahoko de gea la ngaro naa nisobo ma ngohioo nihihiowa.” Hokogea o Firaunu wahigaro la yomataiti yohupu.

Matiusu 26:26

De ahao manga gogiriakahi yolomo de o Yesusu o roti waleino de wohitarimakaseokahi Ma Jouiye. Wohitarimakase ibooto de o roti gea wakokabelaka de wahikokidoaka iwinii-niikika de wotemo onangika wato, “Abe ma roti gea tinihidoakikaka gea ka idadi niakokiolomo, abe gea ena imaketero hoka to Ngohi ahi roehe.”

Lukasa 22:19

De ahao o Yesusu o roti waleinoli de wohitarimakaseokahi Ma Jouiye. Wohitarimakase ibooto de o roti gea wakokabelaka de wahikokidoaka iwinii-niikika de wotemo onangika wato, “Abe ma roti gea tinihidoakikaka gea ka idadi niakokiolomo, abe gea ena hoka to Ngohi ahi roehe abe ahao tomahidoaka ma titi ngini. Ho naa de imahikaika ngini nihigali-galioli nidiai la nimahihohininga Ngohi.”

1 Peturusu 2:17

Ho nako ngini niwango hoka Ma Jou dika ai gogilaongo, gea kiani nia wowango hokonaa. Abe ngini kiani naga nia horomati o nyawa mata-mataika, De kiani nimakodora nia gogianongoru o ngongakuoka, De kiani nia horomati naga duru kohaamoko Ma Jouika, De ngaro ma kokoano o duniaka masara kiani onangikaoo niahoromati.

1 Samuele 2:20

De ma oraha adonoka o Ekana de ngoi fekata o ngo Hana yolio ma ko yosobouahi de o Eli wahiowa de ai hiowa ma demo hokonaa, wato, “Ngaro Ma Jou o Yawe winihidoaka o ngofa-ngofaka utuohi yowoe la yodadi nia ngofaka ai duruuru abe una niwihidoakokau Ma Jou o Yaweika.”