Dodadi 47:22 - Ma Jou ai Demo-demo o Totobelohoka

²² Masara naga o nyawa utu abe ngaro ufa yafukunu manga tonaka. De gea ona abe o Mesiiri ma nyawa yahidemo manga popangaoika angamoi to ona manga inomo o Firaunu dika watagongo. Ho to ona manga tonaka ngaro ufa yafukunu angamoi ka ihikaika to ona manga inomo naga.

Dodadi 47:22 ပူးပေါင်းရင်းမြစ်များ

Dodadi 41:45

De ahao o Firaunu o Yusupu wihiromangoli abe wato, “De naa tonihiromangoli ho naa ani romanga o Safanata Panea.” De ahao wihidoaka unangika o ngofeka momatengo ami romanga o ngo Asenata la modadi to Yusupu ngoi fekata. Muna gea ami baba ai romanga o Potifera de una wogogere o kota moiokali ma romanga o Ono abe genangoka o Mesiiri ma nyawa wahidemo manga popangaoika. Ho mata-mata gea wodafongo ibooto de ahao o Yusupu woiki waika waino wopaki-pakiti watailako o Mesiiri ma tonakika.

Dodadi 41:50

De ma oraha gea, abe ma taongo tumidi o inomo kohangoe gea, o Yusupu de ngoi fekata o ngo Asenata yamake manga ngofaka o nauru yahinooto.

Dodadi 47:21

De manga kokawaahaoo o Yusupu wahikokidadi to Firaunu ai gogilaongo abe duru o Mesiiri ma tonaka ma amokika. Ho ona mata-mata yodadioka imaketero hoka to una ai kiahonanga idodutu abe manga karajaanga mata-mata kiani to una dika ai mau yaniiki, abe ko idadiokaua yomahiaturu manga wowangoka.

Dodadi 47:23

De o Yusupu ko wawohangua manga gogahoko o bibiti ho ai kokawaahaika wato, “Abeika, ngohi naa tiniijaino ngaro ngini de ti ngini nia tonaka ka ma moi. Ho naa nia wowango idadioka to Firaunu de naa tinihidoaka nia bibiti la ka idadi nihikabarihi nia redi-redioka.

Dodadi 47:26

De o hiregu ma hiaturu gea ko ihihangua angamoi o Yusupu wohitulihuku la idadi o pareta moi o Mesiiri ma tonakoka. Abe manga pareta gea itemo, “Onagona dika yodatomo o joro ka de ma oraha ma hasili yaleino de kiani yaregu motoa la o regu moi iwihidoaka manga koanoika de ma regu iata gea to ona.” De ma pareta gea ka yapakeohi ka hiadono o wange naa. Ho ma oraha gea o Mesiiroka, ona abe de manga tonakokahi, gea ona manga hidemo dika abe o Mesiiri ma nyawa yahidemo manga popangaoika. Ka ma hou to onangokahi abe ngaro ufa dika de manga inomo yomahituruuru de manga tonaka.

2 Samuele 8:18

De nagali o Benaya o Yoyada ai ngofaka, una gea o Dautu ai gogoana ma nyawa manga hidimono. De nako o Dautu ai ngofa-ngofaka o nauru onangoo yodadi manga hidemo ma nyawa Ma Jouiye.

Matiusu 10:10

De ngaro ufa dika nia beta-beta niao abe biaha nihilulu nia kiahonanga genangino. De ka idadi nimasandaaliye, de ka idadi nimahinoauku dika nia baju abe ka nia kokiroehoka, masara nako nia doduruuru eko nia sandaala ma duruuru, gea ngaro ufa dika de niao. De ngaro nia tutukunu masara gea moi dika nimagao. De ngaro ufa niao mata-mata gea angamoi ti ngini nia perelu gea ahao Ma Jou winihidailako o wange-wangeiye, abe imaketero hoka o nyawa hahewa la ona yokarajaanga nanga redioka de ngone kiani hahidailako manga karajaanga ma hibalaha abe hoka manga perelu o inomo. Ho hokogenangoo ti ngini nia perelu Una ahao winihidailako angamoi duru Una gea abe winihikarajaanga ngini.”

1 Korintusu 9:13

De abeika ona yotobakarajaanga Ma Jou ai Tauoka. De bote gea ngini nihioriki ona gea manga inomo yomamake Ma Jou ai Tauoka. De imaketero hokogea ona o doomu moioli abe yokarajaanga o huhuba ma ngioka. De naa ona o hidoku moi ka idadi yomamake o nyawa manga huhubaka.

Galatia 6:6

De nako naga o nyawa abe inidoto-dotoko nginika Ma Jou ai Demo-demoino, gea kiani ngini niahibalaha de nia dora onangika, de gea kiani niahikodoku ma owa onangika la manga perelu niahidailako.

2 Tesalonika 3:10

De gea ma oraha ngomi ka nginiokahi de ma ngoe minihibehehongoka nginika miato, “Onagona dika nia gogianongoru abe yoluku yokarajaanga, ona gea ngaro ufa dika de niahidailako to ona manga inomo.” Hokogea mia behehongo ma dihiraino nginika.

1 Timotiusu 5:17

De abe ma titi o gareja ma hihira, nako ona manga tagongo o garejaika yao irahai, gea de ahao kiani ona yamake manga tiwi hatoli ilamoko. Abe ma tiwi gea o gareja manga hayanga ma dodunguu o gareja ma hihiraika. De hongoli o gareja ma hihira abe o Abari ma Rorahai yahingahu-ngahu de Ma Jou ai Demo-demo yatobadotoko to ona manga nyawaika.