Dodadi 47:16 - Ma Jou ai Demo-demo o Totobelohoka

¹⁶ De o Yusupu wapaluhu wato, “Nako hokogea ka idadi tiniduhunu. Hokonaa ma ngekomo, kiani nia aewani nimahituruuru de o inomo ho nia aewani nihihidoaka ngohino de ngohi ka idadi o inomo tinihidoaka nginika.”

Dodadi 47:16 ပူးပေါင်းရင်းမြစ်များ

Dodadi 47:15

Ho ka de manga tiwi ko iwaka o Mesiiroka de o Kanani ma tonakoka de ahao o nyawa yokokiboaino o Yusupino de iwihingahu ato, “Ngomi naa mia tiwi ko iwaka ho nako mihonenge ani himangoka o kia ma utumu? Ho duru mimagahoko o inomo la ngona nomihidoaka dika.” Hokogea yomagahoko.

Dodadi 47:17

De ona yodiai hokogea ho yale manga aewani ngaro o kuda, o domba, o kabingi, o hapi de o keledai ma ka idadi iwihidoaka o Yusupika de una ahao wohituruuru de o inomo. Hokogea o taongo moi ma dekanino o nyawa yamake manga inomo. De ika-ika manga aewani mata-mata idadioka to Firaunu ai aewani.

1 Korintusu 10:32

De ufa nidiai o bebeleke la hiadono o Yahudi ma nyawa yahowono, eko la hiadono ona ko o Yahudi ma nyawaua de onangoo ma yahowono, eko la hiadono nia gogianongoruoo Ma Jou ai garejaka, ma, onangoo yahowono.

Filiipi 4:8

Ho naa, ahi gogianongoru o Yesusoka, ma titi moioli tato naa tinihibehehongo. Doka nia hiningaka kiani ka ihikaika niongano-nganono o kiaka abe ma gou-goungu, de o kiaka abe naga de ma horomatioka, de o kiaka itiai, de o kiaka abe ko iwa ma howono, de o kiaka ihohailoa, de o kiaka abe ngone mata-mata hohiromanga gea irahai, gea mata-mata kiani niongano-nganono. Abe o kia dika naga hohiromanga duru ma rorahai de duru ma owa, genangika dika ka ihikaika niohohininga.

Kolose 4:5

De ti ngini nia wowango kiani niao irahai abe de nia sosawaroka la ngaro naga o nyawa abe ko iwingakuahi o Kristusika, masara ona ko idadiua initae nginika. De nako naga ma oraha la ka idadi niahitararono o nyawaika ma titi Ma Jou ai Demo-demoino, gea ma oraha ma getongo kiani niale de niapake.