Dodadi 47:14 - Ma Jou ai Demo-demo o Totobelohoka

¹⁴ Ho o nyawa mata-mataika kiani o Yusupino manga inomo yomaija hiadono yamataka manga tiwi. De o inomo ma bobangu ma tiwi mata-mata o Yusupu watoomuino de gea ahao wagogono o Firaunoka abe ai tiwi ma ngi-ngioka.

Dodadi 47:14 ပူးပေါင်းရင်းမြစ်များ

Dodadi 41:56

De angamoi ma hafini naa yadaenoka mata-mataika o Mesiiri ma nyawa, ho o Yusupu manga inomo abe ka ma dihirahi de yagogonoka naa womulaenge wohihupu onangika. O gandumu gea wafukunu o Mesiiri ma nyawaika angamoi o hafini gea duru kohagiria manga tonakoka.

Dodadi 41:57

Masara ko o Mesiiri ma tonakokaua dika, ho hiadono o nyawa abe o tonaka mata-mataika yakokihafini. Ho o tonaka mata-mataino naga o nyawa yoboaino la ka idadi manga inomo yomaija o Yusupoka.

Dodadi 47:15

Ho ka de manga tiwi ko iwaka o Mesiiroka de o Kanani ma tonakoka de ahao o nyawa yokokiboaino o Yusupino de iwihingahu ato, “Ngomi naa mia tiwi ko iwaka ho nako mihonenge ani himangoka o kia ma utumu? Ho duru mimagahoko o inomo la ngona nomihidoaka dika.” Hokogea yomagahoko.

Sosawaro 11:26

De nako o hafini ma goronaka de o nyawa ka yoluku yofukunu manga pine ma hasili utuika, gea ahao manga dodiawo duru yagurubungu onangika. Masara ona abe yosanangi yofukunu dika manga boloiino, o nyawa ahao yasanangi de yahigiriiri onangika gea.

1 Korintusu 4:2

De abe ma titi Una womihitagongo ngomino, naa o demo moi abe duru igoungu ato, onagona dika abe o nyawa utu yahitagongo moi onangika, ona gea kiani yomahitaana de yatobagou-goungu abe manga tagongo gea yodiai itiai.

1 Peturusu 4:10

De ngini homoi-homoi niaborimakeoka nia hiakunu Ma Jouino abe Una winihidoakoka la ngini nimakokuduhunu nia doomuoka. De tanu nia hiakunu gea ka moiua dika masara naga irupa-rupa ma hiakunu, de ma hiakunu gea Ma Jou ai hiowa nginiuku. De gea nia hiakunu abe niaborimakeoka, gea ngini homoi-homoi kiani niapake nia doomu ma goronaka la nimaketeleleani nia gogianongoruoka. De abe ngini niaboripake nia hiakunu, gea nianiiki itiai Ma Jou ai gareja ma hiaturu ma titi ngone ai nyawaino.